សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភព FX Street លើកឡើងថា តម្លៃមាសអាចនឹងឡើងថ្លៃបន្ថែមទៀតនៅឆ្នាំ២០២៤ ដោយសារភាពមិនប្រាកដប្រជាអំពីទស្សនវិស័យសម្រាប់សេដ្ឋកិច្ចពិភពលោកបានជំរុញឱ្យមានតម្រូវការមាស ដោយសារវាជាទ្រព្យសម្បត្តិមានសុវត្ថិភាព។
ស្របពេលនេះដែរ មាសបានឡើងថ្លៃដល់ ២ ០៦៣ ដុល្លារក្នុងមួយអោន ដែលជាការកើនឡើងច្រើនជាង ១៣ ភាគរយក្នុងរយៈពេល ៣ ឆ្នាំកន្លងមកនេះ និងអាចឈានដល់កម្រិតខ្ពស់បំផុតក្នុងតម្លៃ ២ ១១០ ដុល្លារក្នុងមួយអោននៅដើមខែនេះ។ បន្ថែមពីនេះ តម្លៃមាសកំពុងកើនឡើងអស់រយៈពេលជាងពីរខែមកហើយ ដែលជំរុញដោយតម្រូវការវិនិយោគិន បន្ទាប់ពីការភ័យខ្លាចនៃការធ្លាក់ចុះសេដ្ឋកិច្ច និងការរំពឹងទុកនៃការកាត់បន្ថយអត្រាការប្រាក់ដោយធនាគារកណ្តាលអាមេរិក។ លើសពីនេះ ភាពតានតឹងភូមិសាស្ត្រនយោបាយកាន់តែកើនឡើងនៅក្នុងមជ្ឈិមបូព៌ាបានជំរុញឲ្យមានតម្រូវការមាសកើនឡើង ដោយសារវាជាទ្រព្យសម្បត្តិមានសុវត្ថិភាព។ កត្តាទាំងអស់នេះ និងកត្តាជាច្រើនទៀតនៅតែត្រូវបានគេរំពឹងថានឹងជំរុញឲ្យតម្លៃមាសបន្តឡើងថ្លៃនៅឆ្នាំ២០២៤។
បន្ទាប់ពីដំណើរការដ៏រឹងមាំគួរឱ្យភ្ញាក់ផ្អើលក្នុងឆ្នាំ២០២៣ អ្នកវិភាគរំពឹងថា តម្លៃមាសនឹងឡើងថ្លៃខ្លាំងនៅឆ្នាំ២០២៤ ដែលត្រូវបានជំរុញដោយសន្ទុះនៃការតាមដានមូលនិធិការពារហានិភ័យ ធនាគារកណ្តាលបន្តទិញមាសក្នុងអត្រាថេរ និងតម្រូវការពីវិនិយោគិន។ ទន្ទឹមនឹងនេះ JPMorgan ក៏ព្យាករណ៍ថា តម្លៃមាសនឹងឡើងថ្លៃដល់កម្រិតខ្ពស់បំផុត ២ ៣០០ ដុល្លារក្នុងមួយអោន នៅពេលមានកំណើននៃការរំពឹងទុកថា សហរដ្ឋអាមេរិកនឹងកាត់បន្ថយអត្រាការប្រាក់។ មិនត្រឹមតែប៉ុណ្ណោះ UBS មើលឃើញថា តម្លៃមាសអាចឡើងថ្លៃដល់ ២ ២០០ ដុល្លារក្នុងមួយអោននៅចុងឆ្នាំ ដោយសារហានិភ័យភូមិសាស្ត្រនយោបាយ និងអតិផរណាកើនឡើង។ នៅក្នុងទស្សនវិស័យឆ្នាំ២០២៤ របស់ក្រុមប្រឹក្សាមាសពិភពលោកចេញផ្សាយថា ខ្លួនរំពឹងថាធនាគារកណ្តាលនឹងបន្តការទិញមាសរបស់ពួកគេ ដែលអាចផ្តល់ការគាំទ្របន្ថែមសម្រាប់មាស និងបង្កើនតម្លៃរបស់វាបន្ថែមទៀត។ ទោះយ៉ាងណាក៏ដោយ វាមានការព្រមានខ្លះៗថា អ្វីៗអាចនឹងផ្លាស់ប្តូរ ប្រសិនបើអតិផរណារបស់អាមេរិកកើនឡើងម្តងទៀត។
លោក Han Tan ប្រធានអ្នកវិភាគទីផ្សារនៅក្រុមហ៊ុន Exinity លើកឡើងថា តម្លៃមាសអាចនឹងត្រូវបានធ្លាក់ចុះខ្លះនៅឆ្នាំនេះ ប្រសិនបើការកើនឡើងនៃអតិផរណាបង្ខំឱ្យធនាគារកណ្តាលអាមេរិក Fed បោះបង់ចោលផែនការសម្រាប់គោលនយោបាយនៅឆ្នាំ២០២៤៕
Account
Security
Favourite Content