សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរ៉ែ និងថាមពលបានឱ្យដឹងថា កម្ពុជាចម្រាញ់រ៉ែមាសបានចំនួន ៦ ៧២៧ គីឡូក្រាម ហើយបើគិតត្រឹមដើមខែមិថុនា ឆ្នាំ២០២៣ នេះ អាចរកចំណូលពីសួយសារបានជាង ១០លានដុល្លារ។ នេះបើតាមឯកឧត្តម ស៊ុយ សែម រដ្ឋមន្រ្ដីក្រសួងរ៉ែ និងថាមពល ថ្លែងក្នុងពេលចុះទស្សនកិច្ចការដ្ឋានអាជីវកម្ម និងរោងចក្រចម្រាញ់រ៉ែមាស ក្នុងតំបន់អូរខ្វាវ ស្រុកកែវសីមា ខេត្តមណ្ឌលគិរីកាលពីពេលកន្លងទៅនេះ។
ក្រសួងរ៉ែ និងថាមពលបានបញ្ជាក់ថា ៖
“បន្ទាប់ពីបានសម្ពោធដាក់ឱ្យដំណើរការការដ្ឋាន និងរោងចក្រចម្រាញ់រ៉ែមាសនេះជាផ្លូវការ រហូតមកទល់នឹងពេលបច្ចុប្បន្ននេះ ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីធីត បានចម្រាញ់មាសដែលមានគុណភាព ៩០% បានចំនួនសរុប ៦ ៧២៧,៧០ គីឡូក្រាម ហើយក្រុមហ៊ុនបានបង់សួយសារជូនរដ្ឋសរុបចំនួន ១០ ២២៨ ២៣៩ដុល្លារ។”
សូមបញ្ជាក់ថា គម្រោងអាជីវកម្មរ៉ែមាសនេះបានផ្តល់ការងារសរុបចំនួន ៤៣៤ នាក់ ក្នុងនោះជនជាតិខ្មែរមានចំនួន ៣៤៧នាក់ (ស្រីចំនួន ៦១នាក់) និងជនជាតិបរទេសចំនួន ៨៧នាក់ (ស្រីចំនួន ៣នាក់)។
លោកបណ្ឌិត ហុង វណ្ណៈ ប្រធានទំនាក់ទំនងសេដ្ឋកិច្ចអន្តរជាតិនៃវិទ្យាស្ថាន់ទំនងអន្តរជាតិកម្ពុជា នៃរាជបណ្ឌិត្យសភាបានប្រាប់ AMS ថា ដោយសារតែធនធានរ៉ែមាសជាឧស្សាហកម្មថ្មីមួយដែលកម្ពុជាទើបទទួលបានអត្ថប្រយោជន៍ពីធនធាននេះ និងកំណើននៃអាជីវកម្មរ៉ែមាសនេះ បានបន្ថែមទិន្នន័យសេដ្ឋកិច្ចឱ្យក្រសួងឧស្សាហកម្មរ៉ែថាមពល និងជាដំណឹងល្អយ៉ាងសកម្មទៅលើចរន្តសេដ្ឋកិច្ចរបស់កម្ពុជា ស្របពេលដែលអាជីវកម្មមួយនេះកំពុងតែមានភាពរីកចម្រើនជាងមុន ហើយកម្ពុជាពិតជាមានមោទនភាពចំពោះសក្តាពលធម្មជាតិដែលមានស្រាប់។
លោកបណ្ឌិត ហុង វណ្ណៈ បានបានមានប្រសាសន៍ថា ៖
“នេះគឺជាភ័ព្វសំណាងរបស់កម្ពុជា ដែលមានអាជីវកម្មរ៉ែមាស ទីតាំងចម្រាញ់រ៉ែមាស នៅកម្ពុជា និងមានការកើនឡើងគួរឱ្យគាត់សម្គាល់ ដោយរាជរដ្ឋាភិបាលបានផ្ដល់សិទ្ធិឱ្យក្រុមហ៊ុនអូស្ត្រាលីមួយ ដូចដែលមានបង្ហាញក្នុងរបាយការណ៍ជាផ្លូវការ ដោយការធ្វើអាជីវកម្មផលិតមាសមានកំណើនពីមួយឆ្នាំទៅមួយឆ្នាំ អាចរួមចំណែកដល់ការជួយជំរុញវិស័យសេដ្ឋកិច្ចរបស់កម្ពុជាកាន់តែរឹងមាំ។”
ជាមួយគ្នានេះ លោកបណ្ឌិតក៏បានបញ្ជាក់ដែរថា រឿងទទួលបានសួយសារពិសេសគិតជាភាគរយដោយបានចំណូលពីការវិនិយោគមានកិច្ចសន្យាជាមួយក្រុមហ៊ុន និងរាជរដ្ឋាភិបាល គឺអាស្រ័យទៅតាមបរិមាណនៃការផលិតមាសបាន ហើយវាគឺជាចំណូលមួយយ៉ាងច្រើនផងដែរ ដើម្បីចាក់ចូលទៅក្នុងសេដ្ឋកិច្ចជាតិ។ វាជាអាជីវកម្មធ្វើបាននៅនឹងកន្លែង ដែលអាចបូកបន្ថែមទៅលើក្រុមហ៊ុនធ្វើសកម្មភាពកន្លងមក គួបផ្សំជាមួយនឹងចំណូលវិស័យកាត់ដេរ វិស័យការនាំចេញកសិកម្ម ដែលអាចផ្ដល់ឱកាសកាលានុវត្តភាពនៅក្នុងទីផ្សារកម្ពុជា ជួយឱ្យរាជរដ្ឋាភិបាលយកប្រាក់ទាំងនោះទៅធ្វើការវិនិយោគក្នុងវិស័យសាធារណៈបានមួយផ្នែកទៀត។
ក្រសួងឧស្សាហកម្មរ៉ែ និងថាមពល គឺជាសេនាធិការ រាជរដ្ឋាភិបាល ជាអ្នកសម្រួលធ្វើឱ្យបានល្អប្រសើរដើម្បីក្នុងការផ្ដល់អាជ្ញាប័ណ្ណ បើក្រុមហ៊ុនមួយដែលមានតម្លាភាពមានភាពស្មោះត្រង់ត្រូវតែមានការលើកទឹកចិត្តដើម្បីឱ្យក្រុមហ៊ុនមានលទ្ធភាពស្វែងរកប្រភពរ៉ែមាសផ្សេងទៀត ឬរ៉ែដទៃទៀត។
លោកបណ្ឌិតបានកតសម្គាល់ថា ៖ ទី១- យើងទទួលបានធនធានសួយសារពីធនធានធម្មជាតិនេះ ដោយបានចូលរួមចំណែកដល់ការបង្កើតប្រភពចំណូលថវិកាជាតិបន្ថែម ដំណើរការឧស្សាហកម្មអាជីវកម្មធនធានរ៉ែនេះ បាន និងកំពុងបង្កើតបានផងដែរនូវសមត្ថភាពជាតិ និងគំរូថ្មីសម្រាប់ការធ្វើអាជីវកម្មធនធានរ៉ែ ប្រកបដោយការទទួលខុសត្រូវ និងការអភិវឌ្ឍប្រកបដោយចីរភាព។ ទី២ – បានរកការងារឱ្យប្រជាពលរដ្ឋកម្ពុជាដល់ប្រជាជនកម្ពុជា និងបាននាំមកនូវលំហូរទុនវិនិយោគពីក្រៅប្រទេសមកកម្ពុជា។ ការបង្កើតឱកាសការងារ និងសេដ្ឋកិច្ច ការពង្រីកបាននូវពិពិធកម្មខឿន ឧស្សាហកម្មក្នុងស្រុក និងផលប្រយោជន៍សេដ្ឋកិច្ចសង្គមផ្សេងៗទៀតជាច្រើនសម្រាប់ប្រទេសកម្ពុជា។
ទី៣ – ជាអត្តសញ្ញាណមាសរបស់កម្ពុជានៅក្នុងទីផ្សារសាកលលោក ដែលអាចផ្សព្វផ្សាយជាសកល និងអាចបញ្ជាក់ពីភាពល្អរបស់មាសកម្ពុជា ប៉ុន្តែក្រៅពីការជំរុញកំណើនសេដ្ឋកិច្ចជាតិ កម្ពុជាក៏អាចនាំអាជ្ញាប័ណ្ណរូបិយប័ណ្ណបរទេសចាក់ចូលក្នុងចំណែកសេដ្ឋកិច្ចរបស់ជាតិ និងកាន់តែជំរុញឱ្យសេដ្ឋកិច្ចកម្ពុជាកាន់តែរឹងមាំហើយរីកចម្រើនទៅមុខ៕
Account
Security
Favourite Content