សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រដ្ឋមន្រ្តីក្រសួងសិកម្ម រុក្ខាប្រមាញ់ និងនេសាទ ឯកឧត្តម ទិត ឌីណា បានមានប្រសាសន៍ថា ការពង្រាយមន្រ្តីកសិកម្មឃុំ សង្កាត់ នៅទូទាំងប្រទេស និងការរៀបចំសហគមន៍កសិកម្មទំនើប ដើម្បីជួយគាំទ្របចេ្ចកទេស ផលិតកម្ម និងទីផ្សារដល់បងប្អូនដែលជាប្រជាកសិករ ជៀសពីហានិភ័យផ្សេងៗដែលអាចកើតមានជាយថាហេតុ។
ថ្លែងក្នុងពិធីជួបសំណេះសំណាលជាមួយមន្ត្រីកសិកម្មឃុំ-សង្កាត់ នៅក្រុងសិរីសោភ័ណ ខេត្តបន្ទាយមានជ័យ កាលពីថ្ងៃទី២៩ ខែមិថុនា ឆ្នាំ២០២៥ ឯកឧត្តមរដ្ឋមន្រ្តីបានលើកឡើងថា កម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាលនីតិកាលទី៧ ក្នុងការរក្សាលំនឹងថ្លៃកសិផល ការដាក់ពង្រាយមន្រ្តីកសិកម្មឃុំទូទាំងប្រទេស និងការរៀបចំសហគមន៍កសិកម្មទំនើប ដើម្បីជួយគាំទ្របច្ចេកទេស ផលិតកម្ម ទីផ្សារ និងសេដ្ឋកិច្ច ស្របតាមទស្សនទាន “មានហូប មានប្រើ មានបាន និងមានរហូត”។
ទាក់ទងនឹងតួនាទី និងភារកិច្ចរបស់មន្ត្រីកសិកម្មឃុំ ឯកឧត្តមរដ្ឋមន្ត្រី បានណែនាំឱ្យមានកិច្ចសហការ និងស្នើសុំការគាំទ្រពីអ្នកជំនាញក្នុងករណីចាំបាច់តាមលេខ ១២៨៩ ព្រមទាំងពិនិត្យវាយតម្លៃពីស្ថានភាពឱ្យបានច្បាស់លាស់ ដើម្បីដោះស្រាយបញ្ហាឱ្យចំគោលដៅ កាត់បន្ថយថ្លៃដើមផលិត និងជំរុញកសិករផ្សារភ្ជាប់នឹងសហគមន៍កសិកម្មទំនើប ដែលអាចឱ្យក្រសួងកសិកម្មមានលទ្ធភាពជួយគាំទ្រឱ្យកសិករទទួលផលចំណេញសេដ្ឋកិច្ច និងលើកកម្ពស់ជីវភាពប្រជាពលរដ្ឋ។
គួរបញ្ជាក់ថា មន្រ្តីកសិកម្មឃុំបានចូលរួមផ្សព្វផ្សាយពីកម្មវិធីអភិវឌ្ឍន៍វិស័យកសិកម្ម និងតម្លៃស្រូវសើម ហើយនៅក្នុងឆ្នាំ២០២៥នេះ មន្ដ្រីកសិកម្មឃុំចំនួន ១ ០០០នាក់ នឹងត្រូវដាក់ពង្រាយនៅគ្រប់រាជធានី-ខេត្ត ទាំង២៥ ទូទាំងប្រទេសកម្ពុជាបន្ថែមលើមន្ដ្រីកសិកម្មឃុំចំនួន ២៥០នាក់ដែលមានស្រាប់ និងកំពុងបម្រើអ៊ំពូមីងប្រជាកសិករដោយឆន្ទៈមោះមុត និងការប្ដេជ្ញាចិត្តខ្ពស់។
ដោយឡែក នៅក្នុងឆ្នាំ២០២៥ សហគមន៍កសិកម្មទំនើបទាំង១០កន្លែង ក្នុងនោះមានចំនួន០៨ បាន និងកំពុងដំណើរការ ដោយឡែកចំនួន ០២ទៀត កំពុងរៀបចំនីតិវិធី។ សហគមន៍ទាំងនោះមានទីតាំង ស្ថិតក្នុងភូមិសាស្រ្តខេត្តតាកែវ, កណ្ដាល, កំពង់ធំ, កំពង់ចាម, ត្បូងឃ្មុំ និងសៀមរាប ដែលអនុវត្តលើដំណាំ ៤ប្រភេទ រួមមាន ស្វាយចន្ទី ស្រូវ ម្រេច និងបន្លែចំរុះ៕
Account
Security
Favourite Content