សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រសិនបើលោកអ្នកពុំទាន់មានគម្រោងទៅដើរលេង ឬទៅកម្សាន្តនៅកន្លែងណា អាចងាកមកមើល និងចូលរួមការតាំងពិព័រណ៌ផលិតផលក្នុងស្រុក ដែលជាវេទិកាផ្គូរផ្គងរវាងអ្នកផលិត និងអ្នកទិញ ក្រោមគោលបំណងស្វែងរកទីផ្សារសម្រាប់អ្នកផលិតក្នុងស្រុក និងសហគ្រាសធុនមីក្រូ តូច និងមធ្យម ដែលនឹងធ្វើឡើងចាប់ពីថ្ងៃទី២៩-៣១ ខែធ្នូ ឆ្នាំ២០២៣ ខាងមុខនេះ នៅទីតាំងបរិវេណវិមានឈ្នះឈ្នះ រាជធានីភ្នំពេញ។
សម្រាប់ការរៀបចំនេះក៏មិនខុសពីការដាក់តាំងបង្ហាញពីមុនៗមកដែរ ដែលនឹងមានស្តង់ពិព័រណ៌ដាក់តាំងផលិតផលជាច្រើនមុខ ច្រើនប្រភេទ រាប់តាំងពីសម្ភារប្រើប្រាស់ ម្ហូបអាហារ បន្លែផ្លែឈើ ភេសជ្ជៈជាដើម ដែលសុទ្ធសឹងជាផលិតផល ក៏ដូចជាកសិផលធម្មជាតិក្នុងស្រុករបស់បងប្អូនកសិករប្រកបដោយគុណភាព និងសុវត្ថិភាព។
តាមរយៈព្រឹត្តិការណ៍នាថ្ងៃឆ្លងឆ្នាំថ្មី ២០២៣-២០២៤ នេះក៏ជាការផ្សារភ្ជាប់ទំនាក់ទំនងឱ្យកាន់តែស្អិតល្មួតថែមទៀតរវាងក្រុមអ្នកផលិត និងអតិថិជន ជាពិសេសអ្នករស់នៅរាជធានីភ្នំពេញ ដើម្បីបង្កើនទំនុកចិត្តទៅលើគុណភាព ស្តង់ដារផលិតផលក្នុងស្រុក និងចូលរួមផ្សព្វផ្សាយផលិតផលខ្មែរឱ្យកាន់តែមានទីផ្សារ ព្រោះការជួយគាំទ្រ ទិញ ប្រើប្រាស់ និងចែកចាយផលិតផលខ្មែរជាសកម្មភាពស្នេហាជាតិ។
ហេតុនេះហើយ បងប្អូនដែលរស់នៅរាជធានីភ្នំពេញ ក៏ដូចជាតំបន់ជិតៗវិមានឈ្នះឈ្នះ កុំភ្លេចចូលរួមការតាំងពិព័រណ៌ផលិតផលខ្មែរនេះកុំបីខានចាប់ពីម៉ោង ៩ព្រឹកតទៅ ព្រោះវាជាឱកាសចូលរួមគាំទ្រផលិតផលក្នុងស្រុក ទោះបីជាមិនបានទិញក៏អាចចូលមកសាកល្បង ឬធ្វើតេស្ត៍ ក៏ដូចជាភ្លក្សនូវរសជាតិផលិតផលដោយផ្ទាល់ និងផ្ដល់នូវមតិយោបល់ដើម្បីកែលម្អ ធ្វើយ៉ាងណាជំរុញការអភិវឌ្ឍ និងផ្សព្វផ្សាយផលិតខ្មែរបន្ថែមឱ្យកាន់តែទូលំទូលាយ៕
Account
Security
Favourite Content