សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍អគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា រយៈពេល ៩ខែ ឆ្នាំ២០២៥កន្លងទៅនេះ កម្ពុជាបាននាំចេញផលិតផលវាយនភណ្ឌ រួមមាន សម្លៀកបំពាក់ ស្បែកជើង និងទំនិញធ្វើដំណើរ (GFT) សរុបជាទឹកប្រាក់ចំនួន ១១,៨ពាន់លានដុល្លារអាម៉េរិក កើនឡើង ១៦% ធៀបរយៈពេលដូចគ្នាកាលពីឆ្នាំ២០២៤។
ឯកឧត្តម ស៊ុន មេសា អនុរដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ចាជីវៈ បានលើកឡើងថា ការកើនឡើងនៃការបញ្ជាទិញផលិតផលវាយនភណ្ឌពីកម្ពុជា ដោយសារប្រសិទ្ធភាពនៃការផ្គត់ផ្គង់ និងគុណភាពនៃផលិតផលនាំចេញពីកម្ពុជា។
ឯកឧត្តមបានសង្កត់ធ្ងន់ថា ៖
«អ្នកបញ្ជាទិញគេបញ្ជាមក ហើយកម្ពុជាតែងតែផ្គត់ផ្គង់ទាន់ពេលវេលា ដោយសារយើងមានកម្លាំងកម្មករជំនាញ កម្លាំងកម្មកររបស់យើងមានផលិតភាពខ្ពស់»។
លោកឧកញ៉ា លី ឃុនថៃ ប្រធានសហព័ន្ធអ្នកវិនិយោគកម្ពុជា បានមានប្រសាន៍ថា នៅរយៈពេលចុងក្រោយនេះ មានសហគ្រាស រោងចក្រមួយចំនួនធំ បានពង្រីកចង្វាក់ផលិតកម្មរបស់ខ្លួនកាន់តែច្រើនដើម្បីផ្គត់ផ្គង់ឱ្យបានទាន់ពេលវេលាទៅតាមការបញ្ជាទិញពីខាងក្រៅ។
លោកឧកញ៉ាបានបញ្ជាក់ថា ៖
«រោងចក្រនីយមួយៗដែលកន្លងមកបានវិនិយោគនៅទីនេះ គឺគាត់បានពង្រីកបន្ថែមនូវចង្វាក់ផលិតកម្ម ចាប់ផ្តើមបញ្ជាទិញពីអ៊ឺរ៉ុប និងអាម៉េរិក»។
ទោះជាយ៉ាងនេះក្តី លោក ហ្វា សាលី ប្រជាសហព័ន្ធសហជីជាតិបានកត់សំគាល់ថា ការបញ្ជាទិញបានថយចុះក្នុងរយៈពេលពីរខែចុងក្រោយនេះ។
លោកបានបន្តថា ៖
«ការបញ្ជាទិញគឺបានកាត់បន្ថយច្រើនគួរសម ឃើញថាតាមបណ្តារោងចក្រ សហគ្រាស ពុំសូវសំបូរការងារធ្វើការ ដោយសាការបញ្ជាទិញទុកសម្រាប់ធ្វើចុងឆ្នាំគឺត្រូវបានសម្រុកធ្វើអស់មុន»។
គួរបញ្ជាក់ថា ទីផ្សារសំខាន់ៗសម្រាប់នាំចេញផលិតផលវាយនភណ្ឌកាត់ដេររបស់កម្ពុជា រួមមានដូចជា ទីផ្សារអឺរ៉ុប សហរដ្ឋអាម៉េរិក និងទីផ្សារនៅអាស៊ាន ដូចជា ប្រទេសកូរ៉េខាងត្បូង និងជប៉ុនជាដើម។
នៅក្នុងឆ្នាំ២០២៥ កម្ពុជាមានរោងចក្រ សហគ្រាស សរុបជាង ៤ម៉ឺន ៥ពាន់កន្លែង មានកម្មករ-កម្មការនីសរុបចំនួន ១លាន ៨សែន ៧ម៉ឺននាក់ ខណៈដែលវិស័យវាយនភណ្ឌរបស់កម្ពុជា បានដើរតួយ៉ាងសំខាន់ក្នុងការស្រូបយកកម្លាំងពលកម្មសក្តានុពលរបស់ពលករដែលបានវិលត្រឡប់ពីប្រទេសថៃវិញក្រោយពីផ្ទុះអរិភាពព្រំដែនរវាងកម្ពុជា និងថៃ៕
Account
Security
Favourite Content