សន្និបាត JCI អាស៊ីប៉ាស៊ីហ្វិកឆ្នាំ២០២៤ រំពឹងចាក់បញ្ចូលទឹកប្រាក់ប្រមាណជាង៤លានដុល្លារអាមេរិកទៅក្នុងសេដ្ឋកិច្ចកម្ពុជា

សៀមរាប៖ សន្និបាត JCI អាស៊ីប៉ាស៊ីហ្វិក ឆ្នាំ២០២៤ (JCI Asian-Pacific Conference) ដែលជាព្រឹត្តិការណ៍ដ៏អស្ចារ្យបានចាប់ផ្តើមនៅថ្ងៃទី ៦ ខែមិថុនា នៅលើទីក្រុងប្រវត្តិសាស្ត្រនៃខេត្តសៀមរាប។ ម្ចាស់អាជីវកម្ម និងសហគ្រិនជាង ៤៧០០នាក់មកពីជិត៥០ប្រទេស បានមកជួបជុំគ្នាក្នុងសន្និបាតដ៏មានសារៈសំខាន់នេះ។

មហាសន្និបាតបានផ្តួចផ្តើមឡើង និងរៀបចំដោយ Junior Chamber International Cambodia (JCI Cambodia) ក្រោមកិច្ចសហការពីសហភាពសហព័ន្ធយុវជនកម្ពុជា (UYFC) ដោយមានការគាំទ្រយ៉ាងពេញទំហឹងពីរាជរដ្ឋាភិបាលកម្ពុជា។ សន្និបាតប្រារព្ធធ្វើរយៈពេ៤ថ្ងៃផ្តើមពីថ្ងៃទី៦ដល់ថ្ងៃទី៩ ខែមិថុនាឆ្នាំ២០២៤ នាសណ្ឋាគារសុខាអង្គរ ខេត្តសៀមរាប។

សន្និបាតនេះត្រូវបានរំពឹងថានឹងចាក់បញ្ចូលទឹកប្រាក់ប្រមាណជាង ៤ លានដុល្លារអាមេរិកទៅក្នុងសេដ្ឋកិច្ចកម្ពុជា ដែលនឹងបង្ហាញពីអត្ថប្រយោជន៍ជាក់ស្តែងនៃកិច្ចសហប្រតិបត្តិការអន្តរជាតិ ដោយអំណាចនៃគំនិតផ្តួចផ្តើមដឹកនាំនៃយុវជន។ នេះបើតាមសេចក្តីប្រកាសពត៌មានរបស់សភាយុវពាណិជ្ជករអន្តរជាតិកម្ពុជា ( JCI Cambodia)។

រយៈពេញមួយឆ្នាំកន្លងមកនេះ JCI Cambodia បានខិតខំបំពេញការងារដើម្បីបង្ហាញពីសក្តានុពលដ៏សម្បូរបែបនៃព្រះរាជាណាចក្រកម្ពុជា។ តាមរយៈការប្រាស្រ័យទាក់ទងដ៏គួរឱ្យទាក់ទាញការរៀបចំព្រឹត្តិការណ៍ វីដេអូ និងបទពិសោធន៍ដ៏អស្ចារ្យ ដែលបានរំលេចនូវវប្បធម៌ដ៏វិសេសវិសាល អរិយធម៌បុរាណ និងការរីកចម្រើនជាបន្តបន្ទាប់។ សន្និបាតនេះនឹងបម្រើជាវេទិកា ដើម្បីផ្សព្វ​ផ្សាយ​នូវឱកាសជាចម្រុះ របស់ប្រទេសកម្ពុជាទៅកាន់ពិភពលោក ដោយមានការជំរុញការវិនិយោគ ទេសចរណ៍ និងភាពជាដៃគូនៃសេដ្ឋកិច្ច។

មិនតែប៉ុណ្ណោះ ចំណុចសំខាន់នៃសន្និបាតឆ្នាំនេះ គឺជាកិច្ចសន្ទនាធុរកិច្ចស្តីពីការវិនិយោគនៅកម្ពុជា។ កិច្ចសន្ទនាដ៏មានអត្ថន័យនេះ នឹងមានការចូលរួមពីវាគ្មិនកិត្តិយសមកពីរាជរដ្ឋាភិបាលកម្ពុជា និងអ្នកជំនាញឈានមុខគេក្នុងវិស័យនេះ ដោយផ្តល់នូវការយល់ដឹងដ៏មានតម្លៃអំពីទេសភាពវិនិយោគនៅកម្ពុជា។ អ្នកចូលរួមនឹងទទួលបានការយល់ដឹងយ៉ាងទូលំទូលាយអំពីឱកាសនិងបញ្ហាប្រឈម​នានាដែលទាក់ទងនឹងការវិនិយោគនៅកម្ពុជា ក៏ដូចជាគោលនយោបាយ និងគំនិតផ្តួចផ្តើមរបស់រដ្ឋាភិបាលក្នុងការទាក់ទាញ និងគាំទ្រការវិនិយោគពីបរទេស។

បន្ថែមពីលើកិច្ចសន្ទនាធុរកិច្ច សន្និបាតនេះក៏នឹងរៀបចំ Business Matching & Expo ដែលជាវេទិកាដ៏សំខាន់សម្រាប់ការបង្កើតបណ្តាញទំនាក់ទំនង ការសហការ និងការអភិវឌ្ឍន៍អាជីវកម្ម។ អ្នកចូលរួមនឹងមានឱកាសពិសេសក្នុងការភ្ជាប់ទំនាក់ទំនង និងបង្កើតទំនាក់ទំនងជាមួយដៃគូសក្តានុពល ស្វែងយល់ពីទីផ្សារដ៏សម្បូរបែប និងបង្ហាញអំពីផលិតផល និងសេវាកម្មប្រកបដោយភាពច្នៃប្រឌិត។គំនិតផ្តួចផ្តើមនេះឆ្លុះបញ្ចាំងពីបេសកកម្មរបស់ JCI Cambodia ក្នុងការលើកកម្ពស់សហគ្រិនវ័យក្មេង និងជំរុញកំណើនសេដ្ឋកិច្ចក្នុងតំបន់តាមរយៈការបង្កើតបរិយាកាសអំណោយផលសម្រាប់ការវិនិយោគ និងការអភិវឌ្ឍអាជីវកម្មនៅកម្ពុជា។

ជាពិសេស សន្និបាតនេះក៏នឹងផ្តល់ជូននូវវគ្គបណ្តុះបណ្តាលនិងសិក្ខាសាលាជាច្រើនដែលដឹកនាំដោយអ្នកជំនាញមកពីវិស័យផ្សេងៗ ដើម្បីពង្រឹងសមត្ថភាព និងផ្តល់ចំណេះដឹងថ្មីៗដល់អ្នកដឹកនាំវ័យក្មេង។វគ្គទាំងនេះនឹងផ្តល់ឱ្យពួកគេនូវជំនាញ និងចំណេះដឹង ដើម្បីដោះស្រាយបញ្ហាសង្គមព្រមទាំងជំរុញការផ្លាស់ប្តូរវិជ្ជមានថែមទាំងរួមចំណែកដល់ការអភិវឌ្ឍន៍ប្រកបដោយនិរន្តរភាព។

លោក លី ឧត្តម ប្រធានសភាយុវពាណិជ្ជករអន្តរជាតិកម្ពុជា បានលើកឡើងនៅក្នុងសន្និសីទសារព័ត៌មានស្តីអំពីមហាសន្និបាតប្រចាំតំបន់អាស៊ី និងប៉ាស៊ីហ្វិក កាលពីរសៀលថ្ងៃទី៥ ខែមិថុនា ឆ្នាំ២០២៤ នាសណ្ឋាគារសុខាអង្គរ ថា៖“JCI Cambodia” មានមោទនភាពបំផុតសម្រាប់ដែលទទួលបានសិទ្ធិរៀបចំ“មហាសន្និបាតប្រចាំតំបន់អាស៊ី និងប៉ាស៊ីហ្វិកក្នុងឆ្នាំ២០២៤” បន្ទាប់ពីបានឈ្នះ ការប្រកួតប្រជែងដណ្ដើមយកភាពជាម្ចាស់ផ្ទះរៀបចំកម្មវិធីនេះជាមួយបណ្តាប្រទេសជាសមាជិករបស់JCI។

លោកបានបន្តថា៖ មហាសន្និបាតនេះរៀបចំឡើងដោយមានកិច្ចសហការពីសហភាពសហព័ន្ធយុវជនកម្ពុជាដែលនឹងប្រព្រឹត្តឡើងរយៈ ពេល៤ថ្ងៃពេញពីថ្ងៃទី៦ដល់៩ ខែមិថុនា ឆ្នាំ២០២៤ ដោយមានរួមបញ្ចូលនូវកម្មវិធីជាច្រើនដូចជា៖ កិច្ចសន្ទនា គំនិតច្នៃប្រតិដ្ឋ ការផ្លាស់ប្តូរមតិយោបល់ និងការចែករំលែកបទពិសោធន៍រវាងបណ្តាប្រទេសនានាជាច្រើន ដែលអ្នកចូលរួមទាំងអស់អាចធ្វើការសិក្សារៀនសូត្រនិងស្វែងយល់អំពីប្រធានបទនីមួយៗបានកាន់តែច្រើន។

លោកប្រធានសភាយុវពាណិជ្ជករអន្តរជាតិកម្ពុជាបានបញ្ជាក់ថា៖

«មហាសន្និបាត JCI អាស៊ីប៉ាស៊ីហ្វិក ដើរតួនាទីយ៉ាងសំខាន់ក្នុងការបង្កើតឱកាសថ្មីមួយទៀតសម្រាប់គ្រប់ពាណិជ្ជករជាតិ និងអន្តរជាតិទាំងអស់ អាចស្វែងរកទីផ្សារ និងឱកាសវិនិយោគពាណិជ្ជកម្មនានាពីបណ្តាសមាជិករបស់ JCI ពីគ្រប់ទិសទីផងដែរ»។

លោកបានបន្ថែមថា មហាសន្និបាតប្រចាំតំបន់អាស៊ីនិងប៉ាស៊ីហ្វិកក្នុងឆ្នាំ២០២៤ នេះកើតចេញពីក្តីសុបិន្តយ៉ាងយូរនិងរបស់JCI ដែល ចង់ឃើញសមាជិកសមាជិកាពីបណ្តាប្រទេសនានាមកជួបជុំសន្ទនាគ្នាលើទឹកដីអង្គរ ក៏ដូចជារួមចំណែកក្នុងការផ្សព្វផ្សាយ     វិស័យទេសចរណ៍វប្បធម៌ និងបង្ហាញពិភពលោកអំពីសន្តិភាព ស្ថិរភាពនិងការអភិវឌ្ឍន៍របស់កម្ពុជាផងដែរ។

ក្នុងរយៈពេល១៤ឆ្នាំមកនេះ សភាយុវពាណិជ្ជករអន្តរជាតិកម្ពុជា បានធ្វើកិច្ចការសង្គមជាច្រើនដែលគាំទ្រទៅដល់ការអភិវឌ្ឍន៍សេដ្ឋកិច្ចសង្គមតាមរយៈការបង្កើតគម្រោងស្ម័គ្រចិត្តសង្គមជាច្រើន។ បច្ចុប្បន្នមាន សាខាចំនួន៦ សមាជិកសកម្មប្រមាណជាង៣០០នាក់ បណ្តាញសមាជិកជាង១០០០នាក់ និងប្អូនៗសិស្សនិស្សិតស្ម័គ្រចិត្តជាច្រើនរយនាក់ផ្សេងទៀតបាននឹងកំពុងធ្វើការលើគម្រោងប្រមាណជាជាង៥០ដើម្បីផ្តល់ជាប្រយោជន៍ដល់សង្គម។ជាមួយនឹងសមិទ្ធិផលនិងធនធានមនុស្សដែលកំពុងមាននេះហើយ ទើបធ្វើឲ្យJCI កាន់តែមានទំនុកចិត្តនិងកម្លាំងចិត្តក្នុងការរៀបចំមហាសន្និបាតជាលក្ខណៈអន្តរជាតិ ហើយនេះក៏ជាភស្តុតាងបង្ហាញយ៉ាងច្បាស់អំពីភាពរឹងមាំរបស់សា្ថប័ន JCI ដែលមានសមាជិកសមាជិកាប្រកបដោយសក្តានុពល ប្រសិទ្ធិភាពខ្ពស់និងមានសមត្ថភា ព ក្នុងការផ្សព្វផ្សាយទាក់ទាញភ្ញៀវជាតិនិងអន្តរជាតិរហូតដល់ទៅជិត៤០០០នាក់ មកពី៤៥ប្រទេសទាំងក្នុង តំបន់និងសាកលលោក ឲ្យមកជួបជុំគ្នាលើទឹកដីអង្គរនេះ។

នៅក្នុងសន្និសីទសារពត៌មាននេះដែរ កញ្ញា ដែក ដារី ប្រធានមហាសន្និបាតប្រចាំតំបន់អាស៊ីនិងប៉ាស៊ីហ្វិក បានមានប្រសាសន៍ថា៖សន្និបាត JCI អាស៊ីប៉ាស៊ីហ្វិក ឆ្នាំ ២០២៤ គឺជាព្រឹត្តិការណ៍ជាប្រវត្តិសាស្ត្រសម្រាប់មេដឹកនាំវ័យក្មេង ហើយកម្ពុជា មានកិត្តិយសដែលសម្តេចធិបតី ហ៊ុន ម៉ាណែត នាយករដ្ឋមន្ត្រី បានអញ្ជើញជាវាគ្មិនកិត្តិយស។នេះបញ្ជាក់ឱ្យឃើញពីសារៈសំខាន់នៃមហាសន្និ​បាតក្នុងការលើកស្ទួយបម្លាស់ប្តូរវិជ្ជមាននិងកិច្ចសហការថ្នាក់តំបន់។មហាសន្និបាតនេះ មានអ្នកចូលរួមពីអន្តរជាតិជិត៤៧០០ពនាក់ មកពីប្រទេសជាង៤០។

កញ្ញា ដែក ដារី បានឱ្យដឹងថា៖ ក្រៅពីកិច្ចពិភាក្សាពាណិជ្ជកម្ម ការភ្ជាប់បណ្តាញ ពិព័រណ៍សន្និបាត JCI ASPAC នេះក៏មានកម្មវិធីផ្លាស់ប្តូរវប្បធម៌ផងដែរ ដោយមានការចូលរួមពីតំណាងប្រទេសចំនួន១៣ ព្រមទាំងកម្មវិធីបណ្តុះបណ្តាលជំនាញចំនួន១០ ការប្រកួតបាល់ទាត់៦ប្រទេសនិងកម្មវិធីជាច្រើនទៀត។

គួរជម្រាបផងដែរថា លោក Kevee Kumar ប្រធានសភាយុវពាណិជ្ជករអន្តរជាតិ ,លោក Kevin Hin លេខាធិកាសភាយុវពាណិជ្ជករអន្តរជាតិ,លោក Keisuke Shimoyamada អនុប្រធានប្រតិបត្តិសភាយុវពាណិជ្ជករអន្តរជាតិ ,លោកស្រី គិន សំណាង សមាជិកគណៈកម្មាធិការកណ្ដាលនៃសហភាពសហព័ន្ធយុវជនកម្ពុជាក៏បានចូលរួមសន្និសីទសារពត៌មានផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល