សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ហាណូយ ៖ យោងតាមការចេញផ្សាយដោយ The Forbes ដែលផលិតដោយសារព័ត៌មានលោក Philip Heller កាលពីចុងខែកក្កដាកន្លងមកថ្មីៗនេះបានបង្ហាញថា ទីផ្សារអចលនទ្រព្យរបស់វៀតណាមគឺកំពុងមានដំណើរការល្អជាធម្មតា ហើយក្នុងនោះវិស័យឧស្សាហកម្មត្រូវបានគេមើលឃើញថាជាកត្តាជំរុញខ្លាំងបំផុតនៅក្នុងទីផ្សារមួយនេះ។
អត្ថបទដដែលក៏បានសរសេរដែរថា វៀតណាមបានស្ថិតនៅក្នុងបញ្ជីប្រទេសដែលមានកំណើនសេដ្ឋកិច្ចជាវិជ្ជមានក្នុងពេលដែលបណ្តាប្រទេសជាច្រើនលើសកលលោកកំពុងជួបបញ្ហាវិបត្តិគ្រប់គ្នានោះ ដោយសារវៀតណាមបានឃុំគ្រងប្រទេស និងមានវិធានការការពារឲ្យគេចចេញពីការរាតត្បាតខ្លាំងក្លាធៀបទៅនឹងប្រជាពលរដ្ឋរបស់ខ្លួនដែលមានចំនួនទៅដល់ ៩៦ លាននាក់នោះ។
ម៉្យាងវិញទៀត បើនិយាយពីសេដ្ឋកិច្ចរបស់វៀតណាមវិញកាលពីឆ្នាំកន្លងទៅគឺខ្លួនបានសម្រេចកំណើនដល់ទៅ ២,៩ ភាគរយ ខណៈដែលប្រទេសសេដ្ឋកិច្ចខ្លាំងៗនៅជិតខាងវិញ ដូចជាថៃជាដើម បែរជាដាំក្បាលចុះដល់ទៅ ៦,១ ភាគរយ ហើយម៉ាឡេស៊ីវិញថយចុះប្រមាណជា ៥,៦ ភាគរយ ដែលវាបានក្លាយទៅជាកត្តាសំខាន់ផ្សេងទៀតជួយឲ្យវិស័យអចលនទ្រព្យរបស់វៀតណាមបានរីកចម្រើនខ្លាំងជាប់ៗគ្នាប៉ុន្មានឆ្នាំចុងក្រោយនេះ។
ជាមួយគ្នានេះ គេសង្កេតឃើញថាអចលនទ្រព្យដែលបម្រើនៅក្នុងសកម្មភាពឧស្សាហកម្មរបស់វៀតណាម នៅតែមានកម្លាំងខ្លាំងជាងគេ បានបន្តភាពរីកចម្រើនឥតឈប់ឈរ ជាពិសេសពេលដែលក្រុមហ៊ុនផលិតទំនិញប្រណិតម៉ាកយីយោល្បីៗបាននាំគ្នាសម្រុកចូលមកក្នុងប្រទេសក្នុងតំបន់អាស៊ីអាគ្នេយ៍មួយនេះ រួមមានដូចជាក្រុមហ៊ុន Nike, Adidas ព្រមទាំង Samsung ជាដើម។
យោងតាមតួលេខស្រាវជ្រាវមួយដែលត្រូវបានធ្វើឡើងដោយ Cushman & Wakefield បានរកឃើញថា តម្រូវការលើវិស័យផលិតកម្មរោងចក្របានទទួលកំណើនជាបន្តបន្ទាប់គ្នាប្រមាណជា ៩ ភាគរយកាលពីឆ្នាំ២០១៩ និងប្រមាណជា ១០,៦ ភាគរយកាលពីឆ្នាំ ២០២០ ។
ដោយឡែកទីផ្សារលក់លំនៅដ្ឋានរបស់វៀតណាមវិញក៏មានអត្រាកើនឡើងខ្លាំងមិនធ្លាប់មានផងដែរ ទោះបីជាវិនិយោគិនក្នុងស្រុកមិនមានជម្រើសអ្វីច្រើនក្រៅតែពីការវិនិយោគលើសកម្មភាពសាងសង់ផ្ទះស្នាក់នៅឡើយដែលវាជាហេតុធ្វើឲ្យតម្រូវការអាផាតមិននិងខុនដូបានស្ទុះឡើងខ្លាំងព្រមជាមួយនឹងក្រុមហ៊ុនអ្នកវិនិយោគថ្មីៗដែលបានធ្វើដំណើរចូលមកដលក្នុងប្រទេសផង។
វៀតណាមត្រូវបានគេចាត់ទុកថាជាគោលដៅក៏ទាក់ទាញបំផុតមួយសម្រាប់វិនិយោគថ្មី ជាពិសេសលើវិស័យឧស្សាហកម្មដោយតួលេខជាក់ស្តែងចន្លោះពីឆ្នាំ ២០១៤ ដល់ឆ្នាំ ២០១៩ កំណើនលើវិស័យនេះគឺមានរហូតទៅដល់ ៧៥ ភាគរយ ហើយនឹងនៅតែបន្តរហូតដល់ឆ្នាំ ២០២១ នេះខណៈដែលរដ្ឋាភិបាលបានព្យាករណ៍ហើយថាសេដ្ឋកិច្ចរបស់ខ្លួននឹងអាចកើនឡើងប្រមាណជា ៦,៥ ភាគរយសម្រាប់ឆ្នាំនេះផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ការប្រើប្រាស់បច្ចេកវិទ្យាឌីជីថលក្នុងប្រតិបត្តិការអាជីវកម្ម កំពុងផ្តល់អត្ថប្រយោជន៍ខ្ពស់ដល់វិស័យ SME
Top News, ជំនួញ, ព្រឹត្តិការណ៍, សេដ្ឋកិច្ច
• 30/07/2026
បច្ចេកវិទ្យាឌីជីថល គឺជាផ្នែកមួយយ៉ាងសំខាន់មិនអាចខ្វះបាននៅក្នុងកិច្ចដំណើរការអាជីវកម្ម ដែលក្រៅពីជួយសម្រួលដល់ប្រតិបត្តិការប្រចាំថ្ងៃ បង្កើនប្រសិទ្ធភាព ទាំងផ្នែកកំណត់ត្រា សេវាកម្ម និងការទូទាត់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content