សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័រ បានរាយការណ៍ថា ធនាគារកណ្តាលម៉ិកស៊ិកបានទម្លាក់អត្រាការប្រាក់គោលរបស់ខ្លួនតាមរយៈការបោះឆ្នោត ខណៈដែលអត្រាអតិផរណាស្ថិតនៅកម្រិតខ្ពស់ ប៉ុន្តែក៏បង្ហាញសញ្ញាថាតម្លៃនឹងកើនឡើងខ្ពស់ជាងការរំពឹងទុក។
យោងតាមសេចក្តីថ្លែងការណ៍ដែលប្រកាសពីការសម្រេចចិត្តនេះបានឲ្យដឹងថា សមាជិកចំនួន ៣ នាក់នៃក្រុមប្រឹក្សាភិបាលរបស់ធនាគារកណ្តាលម៉ិកស៊ិកបានបោះឆ្នោតទម្លាក់អត្រាការប្រាក់ ២៥ ពិន្ទុមូលដ្ឋាន ខណៈដែល ២នាក់ផ្សេងទៀតបានព្យាយាមរក្សាវាឱ្យនៅដដែល។ ទន្ទឹមនឹងនេះ ធនាគារកណ្តាលម៉ិកស៊ិបានកាត់បន្ថយអត្រាការប្រាក់ ១១ ភាគរយមកត្រឹម ១០,៧៥ ភាគរយ។ នៅក្នុងសេចក្តីថ្លែងការណ៍របស់ធនាគារព្យាករណ៍ថា ប្រទេសម៉ិកស៊ិកនឹងមានសម្ពាធអតិផរណា ហើយពួកគេនឹងពិភាក្សាបន្ថែមទៀតអំពីការកែសម្រួលអត្រាការប្រាក់នាពេលខាងមុខ។ ធនាគារកណ្តាលម៉ិកស៊ិក ឬ Banxico បានកែប្រែការព្យាករណ៍របស់ខ្លួនសម្រាប់អតិផរណានៅចុងឆ្នាំ ៤,៤ ភាគរយ ដែលការព្យាករណ៍ពីមុន ៤,០ ភាគរយ ខណៈពេលដែលរក្សាការព្យាករណ៍សម្រាប់អតិផរណាស្នូលនៅត្រឹម ៣,៩ ភាគរយ។ យ៉ាងណាមិញ អ្នកវិភាគមួយចំនួនយល់ឃើញពីភាពមិនស៊ីសង្វាក់គ្នា ដោយសារធនាគារកណ្តាលម៉ិកស៊ិកព្យាករណ៍រទៅលើអតិផរណាខ្ពស់ ខណៈដែលកាត់បន្ថយការចំណាយលើការខ្ចីប្រាក់។ លោកស្រី Gabriela Siller នាយក Banco Base លើកឡើងថា វាមិនសមហេតុផលទេដែលធនាគារកណ្តាលម៉ិកស៊ិករំពឹងថានឹងមានអតិផរណាខ្ពស់ ប៉ុន្តែកាត់បន្ថយអត្រាការប្រាក។ ការសម្រេចចិត្តនេះអាច ធ្វើឲ្យធនាគារកណ្តាលបាត់បង់កេរ្តិ៍ឈ្មោះ។
កាលពីខែកក្កដា អត្រាអតិផរណារបស់ម៉ិកស៊ិកបានការកើនឡើងដល់កម្រិតខ្ពស់បំផុតក្នុងរយៈពេលជាងមួយឆ្នាំ ហើយត្រូវបានគេមើលឃើញថាធ្វើឱ្យមានភាពស្មុគស្មាញដល់ការសម្រេចចិត្តអត្រាការប្រាក់របស់ធនាគារ ដោយសារការរក្សារអត្រាការប្រាក់មានតុល្យភាពក្នុងការប្រយុទ្ធប្រឆាំងនឹងអតិផរណាជាមួយនឹង ការជំរុញកំណើនសេដ្ឋកិច្ច។ មិនត្រឹមតែប៉ុណ្ណោះ ទិន្នន័យតម្លៃទំនិញប្រើប្រាស់ខែកក្កដាបានបង្ហាញថា អតិផរណាប្រចាំខែកក្កដាកើនឡើង ៥,៥៧ ភាគរយដែលកើនឡើងពី ៤,៩៨ ភាគរយក្នុងខែមិថុនា។
ទោះជាយ៉ាងណាក្តី ភ្លាមៗបន្ទាប់ពីការកាត់បន្ថយអត្រាការប្រាក់ត្រូវបានប្រកាស ប្រាក់ប៉េសូរបស់ម៉ិកស៊ិកបានកើនឡើង ១,៣ ភាគរយ ឬ មានតម្លៃ ១៩,០១ ប៉េសូក្នុង ១ ដុល្លារសហរដ្ឋអាមេរិក បន្ទាប់ពីរូបិយប័ណ្ណបានឡើងដល់ ១៨,៩១ ប៉េសូក្នុង ១ ដុល្លារសហរដ្ឋអាមេរិក។ កាលពីខែឧសភា ការធ្លាក់ចុះនៃប្រាក់ប៉េសូត្រូវបានគេមើលឃើញថាបានជំរុញឱ្យមានអតិផរណាកើនឡើង ខណៈដែលរូបិយប័ណ្ណនេះបានធ្លាក់ចុះដល់កម្រិតទាបជិតពីរឆ្នាំ។
នៅក្នុងខែមីនា ធនាគារកណ្តាលម៉ិកស៊ិក Banxico បានកាត់បន្ថយអត្រាការប្រាក់ជាលើកដំបូងចាប់តាំងពីខ្លួនបានរឹតបន្តឹងគោលនយោបាយហិរញ្ញវត្ថុកាលពីឆ្នាំ ២០២១។ ទន្ទឹមនឹងនេះ ការសម្រេចចិត្តរបស់ Banxico កើតឡើងផ្ទុយពីការព្យាករណ័របស់អ្នកវិភាគ ដែលរំពឹងថាធនាគារនឹងរក្សាអត្រាការប្រាក់នៅ ១១ ភាគរយ៕
Account
Security
Favourite Content