សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងនៅក្នុងពេលអញ្ជើញពិនិត្យមើលវឌ្ឍនភាពនៃមន្ទីរពេទ្យតេជោសន្តិភាពនៅព្រឹកថ្ងៃទី១៩ ខែមករា ឆ្នាំ២០២៣ បានថ្លែងថា បច្ចុប្បន្ននេះ ការងារនៅក្នុងប្រទេសកម្ពុជាកាន់តែមានចំនួនច្រើនឡើងៗហើយពីមួយឆ្នាំទៅមួយឆ្នាំ ដោយក្នុងនោះដែរ ពលករមួយចំនួនដែលធ្លាប់ធ្វើការនៅក្រៅប្រទេសដូចជាប្រទេសថៃជាដើមក៏បានវិលត្រលមកក្នុងស្រុកដើម្បីធ្វើការក្នុងប្រទេសវិញហើយដែរ ។
សម្ដេចបានថ្លែងថា ការងារនៅស្រុកបានជួយសម្រួលដល់បងប្អូនប្រជាពលរដ្ឋ, កម្មករ, បុគ្គលិកច្រើនជាងការធ្វើការងារនៅក្រៅប្រទេស ពីព្រោះនៅក្នុងស្រុកបងប្អូនអាចទៅលេងស្រុកកំណើតបានពេលណាក៏បាន ហើយការចំណាយរបស់បងប្អូនប្រជាពលរដ្ឋ, កម្មករ ក៏តិចជាងការចំណាយនៅក្រៅប្រទេសដែរ ។
សម្ដេចតេជោបានថ្លែងបន្ថែមថា នៅកម្ពុជាក្នុងមួយឆ្នាំៗក៏មានពិធីបុណ្យចូលឆ្នាំច្រើន ដូចជាចូលឆ្នាំសកល ចូលឆ្នាំចិន និងពិធីបុណ្យចូលឆ្នាំប្រពៃណីខ្មែរជាដើម ហើយរាល់ពិធីទាំងនេះបងប្អូនប្រជាពលរដ្ឋក៏មានឱកាសក្នុងការជួបជុំបងប្អូនក្រុមគ្រួសារ ហើយក្រុមហ៊ុនជាច្រើនក៏បានអនុញ្ញាតឱ្យបុគ្គលិក, កម្មករ, ឈប់សម្រាកដើម្បីជួបជុំបងប្អូននៅក្នុងពិធីបុណ្យចូលឆ្នាំនីមួយៗផងដែរ ។ គួរកត់សម្គាល់ថា តាមរយៈសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជាដែលចេញផ្សាយជាបន្តបន្ទាប់ បានអនុម័តនូវគម្រោងវិនិយោគថ្មីៗជាបន្តបន្ទាប់ ហើយការអនុម័តគម្រោងវិនិយោគនេះដែរក៏បានបង្កើតការងារដល់ប្រជាពលរដ្ឋកម្ពុជារាប់សិបម៉ឺនកន្លែងក្នុងមួយឆ្នាំៗ ដែលការងារទាំងនេះសុទ្ធតែប្រភពចំណូលសម្រាប់ប្រជាពលរដ្ឋកម្ពុជា ។
Account
Security
Favourite Content