សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជិតកន្លះសតវត្សរ៍នៃការផុតរលត់ភ្លើងសង្រ្គាម និងអសន្តិសុខសង្គម កម្ពុជាក្នុងដំណើរឆ្ពោះទៅរកការអភិវឌ្ឍ បានពើបប្រទះនឹងភាពត្រដាបត្រដួសនៃសេដ្ឋកិច្ចជាច្រើនឆ្នាំ។ គ្រប់យ៉ាងត្រូវចាប់ផ្តើមពីចំណុចសូន្យដើរទៅរកភាពល្អប្រសើរបន្តិចម្ដងៗជាដំណាក់កាល។
តួយ៉ាង របត់ថ្មីមួយនៃសេដ្ឋកិច្ចរបស់កម្ពុជាដែលធ្វើឲ្យពិភពលោកភ្ញាក់ផ្អើលនោះគឺការរៀបចំងើបឡើងវិញ និងព្យាយាមរលាស់ខ្លួនចេញពីចំណោមនៃបណ្ដាប្រទេសដែលមានការអភិវឌ្ឍតិចតួចចូលទៅអង្គុយក្នុងចំណោមប្រទេសដែលមានចំណូលមធ្យមកម្រិតទាបវិញម្ដង។ ការរៀបចំផ្លាស់ប្ដូរកៅអីអង្គុយរបស់កម្ពុជានេះទៀតសោត កើតចេញពីការបំពេញនូវលក្ខខណ្ឌចាំបាច់ទាំង៣ ដែលរៀបចំដោយអង្គការសហប្រជាជាតិ។ ការបំពេញលក្ខខណ្ឌនេះធ្វើឡើងតាមរយៈសិក្ខាសាលាដែលរៀបចំឡើងដោយក្រសួងផែនការកាលពីថ្ងៃទី១៧ ខែមករា ឆ្នាំ២០២២កន្លងទៅ។
លក្ខខណ្ឌចាំបាច់ទាំង៣ ដែលអង្គការអន្តរជាតិវាយតម្លៃឃើញថា កម្ពុជាត្រូវបានបំពេញនោះរួមមាន ៖
១- ផលទុនសរុបសម្រាប់មនុស្សម្នាក់បានកើនឡើងដល់ ១ ៣៧៧ដុល្លារ ដែលខ្ពស់ជាងលក្ខខណ្ឌកំណត់ដែលតម្រូវឲ្យមានតម្លៃទាបបំផុត ១២២២ដុល្លារ
២- សន្ទស្សន៍ធនធានមនុស្សមានរហូតទៅដល់ ៧៤,៣ពិន្ទុ ដែលខ្ពស់ជាងលក្ខខណ្ឌកំណត់ដែលតម្រូវឲ្យមានពិន្ទុទាបបំផុត ៦៦ពិន្ទុ
៣. សន្ទស្សន៍ភាពងាយរងគ្រោះនៃសេដ្ឋកិច្ច និងបរិស្ថានចំនួន ៣០,៦ពិន្ទុ ទាបជាងលក្ខខណ្ឌកំណត់ ដែលតម្រូវឲ្យមានពន្ទុខ្ពស់បំផុត ៣២ពិន្ទុ។
បើតាមប្រធានមជ្ឈមណ្ឌលសិក្សាចិន និងជាអ្នកជំនាញនៅរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានឲ្យដឹងថា នេះជារបត់នៃការវិវត្តិសេដ្ឋកិច្ចកម្ពុជាដែលផ្ដល់លទ្ធភាពឲ្យកម្ពុជាផ្លាស់ប្តូរកម្លាំងសេដ្ឋកិច្ចរបស់ខ្លួនចេញពីប្រទេសអភិវឌ្ឍន៍តិចតួច ឲ្យទៅជាប្រទេសដែល មានចំណូលមធ្យមកម្រិតទាប។
បើទោះជាយ៉ាងនេះក្ដី លោកបណ្ឌិតបានសង្កត់ធ្ងន់ថា ៖
“ពេលដែលកម្ពុជាបានឆ្លងផុតពីចំណុចនេះគឺបានន័យថា យើងបានវិវត្តិខ្លួនទៅហើយ មិនមែនជាក្ដីព្រួយបារម្ភទេ! វាត្រូវតែដល់ពេលមួយដែលយើងឈប់ពឹងគេ និងងាកមកពង្រឹងការផលិតខ្លួនឯង ដើម្បីជំរុញឲ្យការអភិវឌ្ឍកាន់តែធំ និងក្លាយជាប្រទេសដែលមានចំណូលខ្ពស់នាពេលខាងមុខ”
ការបំពេញបាននូវលក្ខខណ្ឌចាំបាច់លើកទី១ ដើម្បីរៀបចំចាកចេញពីចំណាត់ក្រុមនៃប្រទេសអភិវឌ្ឍតិចតួចនេះ គឺជាការចាប់ផ្ដើមនៃរបត់ប្រវត្តិសាស្ត្រថ្មីមួយរបស់កម្ពុជា ដែលបញ្ជាក់ពីផលនៃកិច្ចខិតខំប្រឹងប្រែងស្ដារ និងកសាងប្រទេសរបស់រដ្ឋាភិបាលកម្ពុជា និងការទទួលស្គាល់នូវកិច្ចខិតខំប្រឹងប្រែងរបស់សហគមន៍អន្តរជាតិ។ នេះបើតាមប្រសាសន៍របស់ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ។ ទន្ទឹមនឹងនេះផងដែរ កម្ពុជានឹងតម្រូវឲ្យបំពេញនូវលក្ខខណ្ឌចាំបាច់ទាំង៣ខាងលើជាថ្មីម្ដងទៀត លើកទី២ នៅឆ្នាំ២០២៤ រួមជាមួយនឹងការពិនិត្យអំពីស្ថានភាពនៃភាពងាយរងគ្រោះ និងការវាយតម្លៃជាមុនអំពីផលប៉ះពាល់នៃការចាកចេញ ហើយក្នុងករណីដែលគ្រប់លក្ខខណ្ឌទាំងនោះ កម្ពុជានឹងត្រូវបានស្នើឲ្យចាកចេញពីក្រុមប្រទេសអភិវឌ្ឍតិចតួចជាផ្លូវការនៅ៣ឆ្នាំបន្ទាប់ គឺឆ្នាំ២០២៧៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស៊ុយអែត ចំណាយជិត ៥ពាន់លានដុល្លារ ទិញនាវាចម្បាំងពីបារាំង ៤គ្រឿង ដើម្បីពង្រឹងកម្លាំងជើងទឹក
ព្រឹត្តិការណ៍, អាជីវកម្មថ្មី និងនវានុវត្ត
• 01/09/2026
ប្រទេសស៊ុយអែត បានព្រមព្រៀងទិញនាវាចម្បាំងដ៏ទំនើបចំនួន ៤គ្រឿង ពីក្រុមហ៊ុនផលិតនាវារបស់បារាំង ក្នុងទំហំទឹកប្រាក់ប្រមាណ ៤,៩៩ ពាន់លានដុល្លារអាមេរិក
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
Top News, ព្រឹត្តិការណ៍, សេដ្ឋកិច្ច
• 01/09/2026
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
ប្រទេសអ៊ីស្លង់ សម្រេចធ្វើប្រជាមតិមិនចរចាដើម្បីចូលជាសមាជិកអឺរ៉ុបឡើយ
ព្រឹត្តិការណ៍, អាជីវកម្មថ្មី និងនវានុវត្ត
• 31/08/2026
ប្រជាជនអ៊ីស្លង់ បានធ្វើការបោះឆ្នោតបដិសេធទៅនឹងផែនការដ៏សំខាន់មួយរប់សប្រទេសកាលពីពេលថ្មីៗនេះ ចំពោះកិច្ចខិតខំប្រឹងប្រែងរបស់រដ្ឋាភិបាលក្នុងការស្តារកិច្ចចរចាឡើងវិញដើម្បីអាចចូលរួមជាសមាជិករបស់សហភាពអឺរ៉ុប
មន្ត្រីជាន់ខ្ពស់រុស្ស៊ីអះអាងថា អឺរ៉ុបបង្កើតរូបភាពយករុស្ស៊ីធ្វើជាសត្រូវ ជាលេសបង្កើនការយកពន្ធបន្ថែមពីពលរដ្ឋ
ព្រឹត្តិការណ៍, អាជីវកម្មថ្មី និងនវានុវត្ត
• 31/08/2026
អ្នកនាំពាក្យវិមានក្រឹមឡាំង លោក Dmitry Peskov អះអាងថា អឺរ៉ុបបានបង្កើតរូបភាពយករុស្ស៊ីធ្វើជាសត្រូវ ដើម្បីគ្រាន់តែជាលេសបង្កើនការយកពន្ធបន្ថែមពីពលរដ្ឋតែប៉ុណ្ណោះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content