សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចាប់ពីថ្ងៃទី ៨ ដល់ថ្ងៃទី ១០ ខែមេសា ឆ្នាំ២០២៤ នេះ គឺជាព្រឹត្តិការណ៍ដ៏អងស្ចារ្យនៃការប្រារព្ធកម្មវិធីពិព័រណ៍ធុរកិច្ច និងដៃគូពាណិជ្ជកម្មរបស់ក្រុមហ៊ុន RMA Cambodia ក្រោមអធិបតីភាពរបស់លោកជំទាវ ចម និម្មល រដ្ឋមន្ត្រីក្រសួង ពាណិជ្ជកម្ម នៅដឹព្រេមៀសេនធ័រ សែនសុខ រាជធានីភ្នំពេញ។
ជាកិច្ចចាប់ផ្ដើម លោកជំទាវ ចម និម្មល បានសាទរចំពោះសមិទ្ធផលរបស់ក្រុមហ៊ុន ដែលបានរួមចំណែកដ៏សំខាន់ក្នុងវិស័យយានយន្ដនៅកម្ពុជា។ ដើម្បីជាការគាំទ្រ លោកជំទាវបានលើកឡើងអំពីច្បាប់ទាក់ទិននឹងការវិនិយោគមួយចំនួន ដែលក្រសួងកំពុងតែអនុវត្ត និងពង្រឹងបន្ថែមទៀត។
ជាមួយគ្នានេះដែរ លោក ងន សាំង ដែលជាអគ្គនាយកក្រុមហ៊ុន RMA Cambodia បានថ្លែងឱ្យដឹងពីការប្ដេជ្ញារបស់ខ្លួនក្នុងការចូលរួមជាមួយរាជរដ្ឋាភិបាល ដើម្បីជំរុញវិស័យយានយន្ដនៅកម្ពុជា។
បើតាមការឱ្យដឹងរបស់លោក ងន សាំង តាមរយៈពិព័រណ៍ធុរកិច្ច និងដៃគូពាណិជ្ជកម្មនេះ មិនត្រឹមតែជាការដាក់តាំងបង្ហាញផលិតផលរបស់ក្រុមហ៊ុនប៉ុណ្ណោះទេ ប៉ុន្តែបានបង្ហាញពីទំនាក់ទំនងអាជីវកម្ម និងភាពជាដៃគូមិនអាចខ្វះបានរបស់ក្រុមហ៊ុននៅក្នុងទិដ្ឋភាពនៃពាណិជ្ជកម្មសកល។
ព្រឹត្តិការណ៍នេះ ក៏បានផ្ដល់ឱកាសជូនពាណិជ្ជករ វិនិយោគិន និងធុរជនទាំងអស់ផ្សារភ្ជាប់ទំនាក់ទំនងដោយផ្ទាល់ជាមួយនឹងអតិថិជន អ្នកផ្គត់ផ្គង់ អ្នកវិនិយោគ ជាមួយអាជីវកម្មផ្សេងៗទៀត និងបង្កើតឱកាសនៃការផ្សារភ្ជាប់ដើម្បីឈានទៅរកកិច្ចសហការថ្មីៗផងដែរ។
អគ្គនាយកក្រុមហ៊ុនរូបនេះបានឱ្យដឹងដែរថា ក្រុមហ៊ុននឹងបន្តចូលរួមចំណែកជំរុញការអភិវឌ្ឍវិស័យយាន្ដយន្ដនៅកម្ពុជា ស្របតាមយុទ្ធសាស្ត្របញ្ចកោណដំណាក់កាលទី១ និងស្របតាមផែនទីបង្ហាញផ្លូវលើវិស័យយានយន្ដ និងអេឡិចត្រូនិករបស់រាជរដ្ឋាភិបាលកម្ពុជា ដែលបានកំណត់វិស័យយានយន្ដជាវិស័យអាទិភាពដើម្បីទាក់ទាញការវិនិយោគ។
លោក ងន សាំង បានបញ្ជាក់ដូច្នេះថា ៖
«ក្រុមហ៊ុនមានមហិច្ឆតាជំរុញកម្ពុជាពីប្រទេសដែលតម្លើងរថយន្ដ ទៅជាប្រទេសដែលផលិតរថយន្ដ ព្រមទាំងប្រែក្លាយកម្ពុជាពីប្រទេសដែលផលិតសម្រាប់ការផ្គត់ផ្គង់ ទៅជាប្រទេសដែលផលិតរថយន្ដសម្រាប់នាំចេញផ្គត់ផ្គង់ទៅទីផ្សារក្រៅស្រុក»។
គួរបញ្ជាក់ថា ក្នុងរយៈពេល៣ថ្ងៃនៃកម្មវិធីពិព័រណ៍ធុរកិច្ច និងដៃគូពាណិជ្ជកម្ម មានការដាក់តាំងបង្ហាញពីផលិតផលជាច្រើនដូចជា យានយន្ដ គ្រឿងចក្រធុនធ្ងន់ គ្រឿងយន្ដកសិកម្ម ឧបករណ៍សម្អាត ឧបករណ៍ធ្វើតេស្តទឹកភ្លើង សេវាកម្មជួសជុល ទូរគមនាគមន៍ ដឹកជញ្ជូន ប្រេង គ្រឿងបន្លាស់ និងគ្រឿងបរិក្ខារថយន្ដជាដើម៕
Account
Security
Favourite Content