ក្នុងខែតុលា ឆ្នាំ២០២៣កន្លងទៅនេះ កម្ពុជាតាមរយៈក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគលើវិស័យឧស្សាហកម្ម និងគម្រោងបង្កើតរោងចក្រថ្មីៗចំនួន ៣១គម្រោង ដែលគិតជាទឹកប្រាក់សរុបចំនួន ១៨៦,៨ លានដុល្លារអាមេរិក។

គម្រោងដែលត្រូវបានរាជរដ្ឋាភិបាលកម្ពុជាគាំទ្រ និងអនុម័តទាំងនោះរួមមាន ៖

១. គម្រោងបង្កើតរោងចក្រផលិតសម្ភារៈកីទ្បារបស់ក្រុមហ៊ុន “WP SPORTS (CAMBODIA) CO., LTD.”  ដែលមានទីតាំងវិនិយោគនៅក្រុងបាវិត ខេត្តស្វាយរៀង ក្នុងទុនវិនិយោគប្រមាណ ៧,២ លានដុល្លារ​អាមេរិក។

២. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “SHCA GARMENT (CAMBODIA) CO., LTD.”  ដែលមានទីតាំងវិនិយោគនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៦លានដុល្លារអាមេរិក។

៣. គម្រោងបង្កើតរោងចក្រផលិតស្បែកជើងរបស់ក្រុមហ៊ុន“ZHENSEN SHOES (CAMBODIA) CO., LTD.”  ដែលមានទីតាំងវិនិយោគនៅស្រុកបរសេដ្ឋ ខេត្តកំពង់ស្ពឺ ក្នុងទុនវិនិយោគប្រមាណ ៥,៨លានដុល្លារអាមេរិក។

៤. គម្រោងវិនិយោគបង្កើតរោងចក្រផលិត ស្បែកជើង (Slippers) គ្រឿងបន្សំស្បែកជើង កាត់ដេរសម្លៀកបំពាក់ និងកម្រាលគ្រប់ប្រភេទរបស់ក្រុមហ៊ុន “NAN TONG TONG SHENG FOOTWEAR CO., LTD.”  ដែលមានទីតាំងវិនិយោគនៅស្រុកសំរោងទង ខេត្តកំពង់ស្ពឺ ក្នុងទុន​វិនិយោគ​ប្រមាណ ៥,៥លានដុល្លារអាមេរិក។

៥. គម្រោងបង្កើតរោងចក្របោកគក់របស់ក្រុមហ៊ុន “JIN LU YUAN ENERGY ENVIRONMENT PROTECTION INDUSTRY CO., LTD.”  ដែលមានទីតាំងនៅស្រុកគងពិសី ខេត្តកំពង់ស្ពឺ ក្នុងទុន​វិនិយោគប្រមាណ ៥,៥ លានដុល្លារអាមេរិក។

៦. គម្រោងបង្កើតរោងចក្រផលិតចំណីសត្វរបស់ក្រុមហ៊ុន “HYPER HOPE NUTRITION (CAMBODIA) CO., LTD.”  ដែលមានទីតាំងនៅស្រុកកៀនស្វាយ ខេត្តកណ្តាល ក្នុងទុនវិនិយោគប្រមាណ ៥,៤ លានដុល្លារអាមេរិក។

៧. គម្រោងបង្កើតរោងចក្រផលិតអំពូលភ្លើងរបស់ក្រុមហ៊ុន “LUMINOUS CLOUD HOME DECOR CO., LTD.”  ដែលមានទីតាំងនៅស្រុកត្រាំកក់ ខេត្តតាកែវ ក្នុងទុនវិនិយោគប្រមាណ ៥,៤លានដុល្លារ​អាមេរិក។

៨. គម្រោងបង្កើតរោងចក្រ ផលិតថ្នាំលាបពណ៌របស់ក្រុមហ៊ុន “YUAN ZHENG COATING MATERIAL (CAMBODIA) CO., LTD.”  ដែលមានទីតាំងនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគ​ប្រមាណ ៥,២ លានដុល្លារអាមេរិក។

៩. គម្រោងវិនិយោគបង្កើតរោងចក្រផលិតស្បែកជើង និងគ្រឿងបន្សំស្បែកជើងរបស់ក្រុមហ៊ុន “JIAN QUAN XING ENTERPRISE CO., LTD.”  ដែលមានទីតាំងនៅខណ្ឌព្រែកព្នៅ រាជធានីភ្នំពេញ ក្នុងទុន​វិនិយោគប្រមាណ ៥,២លានដុល្លារអាមេរិក។

១០. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “SUNDLY CLOTHING INTERNATIONAL (CAMBOIA) CO., LTD.”  ដែលមានទីតាំងនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,២ លានដុល្លារអាមេរិក។

១១. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “HAOLIDA (CAMBODIA) FASHION CO., LTD.”  ដែលមានទីតាំងវិនិយោគនៅស្រុកអង្គស្នួល ខេត្តកណ្តាល ក្នុងទុនវិនិយោគ ប្រមាណ ៥,២ លានដុល្លារអាមេរិក។

១២. គម្រោងបង្កើតរោងចក្រផលិតកាបូបគ្រប់ប្រភេទរបស់ក្រុមហ៊ុន “ANYU (CAMBODIA) BAGS CO., LTD.”  ដែលមានទីតាំងវិនិយោគនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥លានដុល្លារអាមេរិក។

១៣. គម្រោងបង្កើតរោងចក្រផលិតគ្រឿងបន្សំម៉ាស៊ីនបូមធូលី ម៉ាស៊ីនត្រជាក់ តម្រងម៉ាស៊ីន​បន្សុទ្ធខ្សល់ និងទឹករបស់ក្រុមហ៊ុន “JIANMIN FILTER (CAMBODIA) CO., LTD.”  ដែលមានទីតាំង​វិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តស្វាយរៀង ក្នុងទុនវិនិយោគ​ប្រមាណ ៥,៧ លានដុល្លារអាមេរិក។

១៤. គម្រោងបង្កើតរោងចក្រស្ល និងកែច្នៃលោហៈធាតុរបស់ក្រុមហ៊ុន “METENDA METAL (CAMBODIA) CO., LTD.”  ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តព្រះ​សីហនុ ក្នុងទុនវិនិយោគ ៥លានដុល្លារអាមេរិក។

១៥. គម្រោងវិនិយោគបង្កើតរោងចក្រផលិតផលិត ផលិតផលធ្វើអំពីកាកាវរបស់ក្រុមហ៊ុន “HUANDA COCOA FOOD CO., LTD.” ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តព្រះសីហនុ ក្នុងទុនវិនិយោគប្រមាណ ១,៣លានដុល្លារអាមេរិក។

១៦. គម្រោងវិនិយោគបង្កើតរោងចក្រផលិតសម្ភារៈវេចខ្ចប់របស់ក្រុមហ៊ុន “HAINING NUOHE NEW MATERIAL CO., LTD.” ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តព្រះសីហនុ ក្នុងទុនវិនិយោគ ១លានដុល្លារអាមេរិក។

១៧. គម្រោងវិនិយោគបង្កើត និងធ្វើអាជីវកម្មមជ្ឈមណ្ឌលទិន្នន័យរបស់ក្រុមហ៊ុន “TELCOTECH LTD.” ដែលមានទីតាំងវិនិយោគស្ថិតនៅអគារ Kampus រាជធានីភ្នំពេញ ក្នុងទុនវិនិយោគប្រមាណ ២៧,៧លានដុល្លារអាមេរិក។

១៨. គម្រោងបង្កើតរោងចក្រផលិតអំពូលភ្លើង គ្រឿងអេឡិចត្រូនិក គ្រឿងបន្លាស់ និងឧបករណ៍​អគ្គិសនីធ្វើពីប្លាស្ទីក អាគ្រីលីក និងគ្រីស្តាល់របស់ក្រុមហ៊ុន “JINZHENG HOME DECORATION (CAMBODIA) CO., LTD.”  ដែលមានទីតាំងនៅស្រុកត្រាំកក់ ខេត្តតាកែវ ក្នុងទុនវិនិយោគប្រមាណ ៨,៩ លានដុល្លារអាមេរិក។

១៩. គម្រោងបង្កើតរោងចក្រកាត់ដេរសម្លៀកបំពាក់ ស្រោមខ្នើយ ស្រោមពូក ភួយ និងវាំងនន របស់ក្រុមហ៊ុន “BESWIN FASHION (CAMBODIA) CO., LTD.” ដែលមានទីតាំងនៅ​ស្រុកបរសេដ្ឋ ខេត្តកំពង់ស្ពឺ ក្នុងទុនវិនិយោគប្រមាណ ៥,៩ លានដុល្លារអាមេរិក។

២០. គម្រោងបង្កើតរោងចក្រផលិតគ្រឿងបន្សំបន្ទះសូឡារបស់ក្រុមហ៊ុន “PET NEW MATERIALS (CAMBODIA) CO., LTD.” ដែលមានទីតាំងនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគ​ប្រមាណ ៥,៨ លានដុល្លារអាមេរិក។

២១. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “MAXWILL GARMENT (CAMBODIA) CO., LTD.”  ដែលមានទីតាំងនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគ​ប្រមាណ ៥,៣ លានដុល្លារអាមេរិក។

២២. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “DISHANG RUIHUASHENG (CAMBODIA) GARMENTS CO., LTD.”  ដែលមានទីតាំងវិនិយោគនៅស្រុកកណ្តាលស្ទឹង ខេត្តកណ្តាល ក្នុងទុនវិនិយោគប្រមាណ ៧,៥លានដុល្លារអាមេរិក។

២៣. គម្រោងបង្កើតរោងចក្រផលិតកាបូបគ្រប់ប្រភេទរបស់ក្រុមហ៊ុន “EVERGREEN SPORTING GOODS (CAMBODIA) CO., LTD.”  ដែលមានទីតាំងវិនិយោគនៅ ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៧លានដុល្លារអាមេរិក។

២៤. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន “KJ APPAREL (CAMBODIA) CO., LTD.”  ដែលមានទីតាំងនៅស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៥,៦លានដុល្លារ​អាមេរិក។

២៥. គម្រោងបង្កើតរោងចក្រកាត់ដេរ និងចាក់សម្លៀកបំពាក់របស់ក្រុមហ៊ុន “ASTI KNITWEAR CO., LTD.”  ដែលមានទីតាំងនៅស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,២លានដុល្លារ​អាមេរិក។

២៦. គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន​ “IMAGE GARMENTS (CAMBODIA) CO., LTD.”  ដែលមានទីតាំងវិនិយោគស្ថិតនៅក្នុងសួនឧស្សាហកម្មកាណាស៊ីធី រាជធានីភ្នំពេញ ក្នុងទុនវិនិយោគប្រមាណ ៥,២លានដុល្លារអាមេរិក។

២៧. គម្រោងបង្កើតរោងចក្រផលិតកាបូប ខ្សែបូ ខ្សែពួរ ខ្សែសុវត្ថិភាព និងខ្សែក្រវាត់ការពារ​សុវត្ថិភាព​សម្រាប់សត្វចិញ្ចឹមរបស់ក្រុមហ៊ុន “STANDFORD TEXTILE INDUSTRIES CO., LTD.”  ដែលមានទីតាំងនៅស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ ៥,២លានដុល្លារអាមេរិក។

២៨. គម្រោងបង្កើតរោងចក្រផលិតកាបូប សម្ភារៈធ្វើដំណើរ កៅអី (ដែក-ក្រណាត់) តង់ សម្ភារៈ​ក្នុងឡាន និងសម្ភារៈសត្វចិញ្ចឹមរបស់ក្រុមហ៊ុន “SIRIUS GEAR OUTDOOR PRODUCTS (CAMBODIA) COMPANY LIMITED”  ដែលមានទីតាំងនៅស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៥,១លានដុល្លារអាមេរិក។

២៩. គម្រោងបង្កើតរោងចក្រផលិតស្រោមជើងរបស់ក្រុមហ៊ុន “JUHAI BAOSHUN (CAMBODIA) CO., LTD.”  ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសខេត្តព្រះសីហនុ ក្នុងទុនវិនិយោគ​ប្រមាណ ៥,២លានដុល្លារអាមេរិក។

៣០. គម្រោងគបង្កើតរោងចក្រផលិតគ្រឿងសង្ហារិមក្រៅផ្ទះ របស់ក្រុមហ៊ុន “HOME TERRACE CO., LTD.”  ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តស្វាយរៀង ក្នុងទុនវិនិយោគ ៥លានដុល្លារអាមេរិក។

៣១.គម្រោងបង្កើតរោងចក្រផ្គុំដំឡើងគ្រឿងបន្លាស់រថយន្តរបស់ក្រុមហ៊ុន  “ TECHNO PARK POI PET PVT CO., LTD.”  ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេត្តបន្ទាយមានជ័យ ក្នុងទុនវិនិយោគប្រមាណ ២,៦លានដុល្លារអាមេរិក៕