សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិច ខណៈដែលទីផ្សារកំពុងរង់ចាំមើលកិច្ចប្រជុំរបស់ក្រុមប្រទេសនាំចេញប្រេង និងសម្ព័ន្ធមិត្ត (OPEC+) នៅចុងសប្តាហ៍នេះ ជាមួយនឹងក្តីសង្ឃឹមថា ពួកគេអាចដំឡើងទិន្នផលបន្ថែមទៀត។
យោងតាមប្រភពដដែលបានបញ្ជាក់ថា តម្លៃប្រេងឆៅម៉ាក Brent ធ្លាក់ចុះ ០,៣% ឬ មានតម្លៃ ៦៦,៧៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាកចុះ ០,៣% ឬ មានតម្លៃ ៦៣,២៩ ដុល្លារក្នុងមួយបារ៉ែល។ ជាមួយគ្នានេះគេបានព្យាករណ៍ថា ក្រុមប្រទេសនាំចេញប្រេង និងសម្ព័ន្ធមិត្ត (OPEC+) នឹងពិចារណាលើការបង្កើនផលិតកម្មបន្ថែមទៀតនៅក្នុងខែតុលា។ ប្រសិនបើ OPEC + សម្រេចចិត្តបង្កើនផលិតកម្ម វាមានន័យថាពួកគេនឹងចាប់ផ្តើមបូមប្រេងបន្ថែម ១,៦៥ លានបារ៉ែលក្នុងមួយថ្ងៃត្រឡប់ទៅទីផ្សារវិញ។ នេះគឺជាការបង្កើនទនិ្នផលប្រេងលឿនជាងការព្យាករណ៍ និងអាចកាត់បន្ថយតម្លៃបន្ថែមទៀត។
កាលពីសប្តាហ៍មុន ស្តុកផ្ទុកប្រេងឆៅរបស់អាម៉េរិកកើនឡើង ២,៤ លានបារ៉ែល ខណៈដែលរោងចក្រចម្រាញ់ប្រេងបានឈានចូលដល់រដូវថែទាំ។ នេះមានន័យថា រោងចក្រចម្រាញ់ប្រេងរបស់អាម៉េរិកត្រូវបិទប្រតិបត្តិការខ្លះជាទៀងទាត់ (ភាគច្រើនរដូវរងា និងរដូវស្លឹកឈើជ្រុះ) សម្រាប់ការថែទាំ និងរៀបចំធ្វើឱ្យប្រសើរឡើង។ នៅពេលដែលរោងចក្រចម្រាញ់ប្រេងដំណើរការតិចជាងមុន ការចម្រាញ់ទៅជាប្រេងសាំង ឬម៉ាស៊ូតមានបរិមាណតិចជាងមុន ខណៈដែលប្រេងឆៅមានបរិមាណកាន់តែច្រើននៅក្នុងស្តុក។ កាលពីថ្ងៃព្រហស្បតិ៍ ប្រធានាធិបតីអាម៉រិក Donald Trump បានប្រាប់មេដឹកនាំអឺរ៉ុបត្រូវតែបញ្ឈប់ការទិញប្រេងពីរុស្ស៊ី។ យ៉ាងណាមិញ ប្រសិនបើការនាំចេញប្រេងរបស់រុស្ស៊ីត្រូវបានកាត់បន្ថយ នោះអាចជំរុញឱ្យតម្លៃប្រេងពិភពលោកឡើងថ្លៃ៕
Account
Security
Favourite Content