សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Oil Price បានឲ្យដឹងថា តម្លៃប្រេងបានឡើងជាង ២ ភាគរយ ខណៈដែលភាពតានតឹងភូមិសាស្ត្រនយោបាយនៃសង្គ្រាមរុស្ស៊ី-អ៊ុយក្រែនកាន់តែក្តៅគគុក។ ទន្ទឹមនឹងនេះ តម្លៃប្រេងឆៅម៉ាក Brent បានឡើងថ្លៃ ២,០៣ ភាគរយ ឬ ៧៤,២៩ ដុល្លារក្នុងមួយបារ៉ែល ខណៈដែលតម្លៃប្រេងម៉ាក West Texas Intermediate (WTI) បានឡើងថ្លៃ ២,០៧ ភាគរយ ឬ ៧០,១៧ ដុល្លារក្នុងមួយបារ៉ែល។
ថ្មីៗនេះ ពាណិជ្ជករប្រេងកំពុងកំណត់តម្លៃជាថ្មីម្តងទៀត ដោយសារមានការរំខានដល់ការផ្គត់ផ្គង់បន្ទាប់ពីរុស្ស៊ីបានបាញ់មីស៊ីលវាយប្រហារមកលើអ៊ុយក្រែនជាការសងសឹកដែលអ៊ុយក្រែនបាញ់មីស៊ីផលិតដោយសហរដ្ឋអាមេរិក និងអង់គ្លេសចូលមកលើទឹកដីរបស់ខ្លួន។ អ្នកវិភាគព្រមានថា ការវាយប្រហាររបស់អ៊ុយក្រែនអាចប៉ះពាល់ដល់ហេដ្ឋារចនាសម្ព័ន្ធថាមពលរបស់រុស្ស៊ី ឬ បង្កឱ្យរុស្ស៊ីសងសឹកដោយរឹតបន្តឹងការផលិត ឬការនាំចេញប្រេង។
គូរឲ្យបញ្ជាក់ដែរថា រុស្ស៊ីគឺជាប្រទេសនាំចេញប្រេងឆៅធំជាងគេទី២ របស់ពិភពលោក ដែលធ្វើឲ្យពាណិជ្ជករប្រេងកំពុងព្រួយបារម្ភពីការគំរាមកំហែងដល់ផលិតកម្ម។ មិនត្រឹមតែប៉ុណ្ណោះ OPEC+ ដែលមានរុស្ស៊ីជាសមាជិកកំពុងពិចារណាលើការពន្យារពេលការដំឡើងទិន្នផលប្រេង ដើម្បីគាំទ្របន្ថែមទៀតលើតម្លៃប្រេងឆៅ។ ជាលទ្ធផល តម្លៃប្រេងនឹងឡើងថ្លៃបន្ថែមទៀត។
កាលពីសប្តាហ៍មុន ស្តុកប្រេងឆៅរបស់សហរដ្ឋអាមេរិកបានកើនឡើងចំនួន ៥៤៥ ០០០ បារ៉ែល ខណៈដែលស្តុកប្រេងសាំងក៏បានកើនឡើងផងដែរ។ នេះបង្ហាញពីភាពទន់ខ្សោយនៃតម្រូវការប្រេង។ ជាមួយគ្នានេះ ស្របពេលដែលតម្លៃប្រេងបន្តប្រែប្រួល ពាណិជ្ជករប្រេងកំពុងព្រួយបារម្ភពីភាពតានតឹងនៃភូមិសាស្ត្រ ដែលបង្កឲ្យការផ្គត់ផ្គង់ប្រេងកាន់តែតានតឹងផងដែរ។ លើសពីនេះ ទីផ្សារប្រេងអាចប្រឈមមុខនឹងបញ្ហាផ្គត់ផ្គង់ដ៏ច្រើននៅឆ្នាំ២០២០៥ ដោយអ្នកវិនិយោគកំពុងមើលការសម្រេចចិត្តពីអង្គការ OPEC+ លើផែនការផលិតកម្មរបស់ពួកគេ។
Account
Security
Favourite Content