សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រឹត្តិការណ៍ពិព័រណ៍ពាណិជ្ជកម្មកម្ពុជា ឬ Cambodia’s Biz Fair ជាព្រឹត្តិការណ៍ដែលមានការជួបជុំស្តង់ពាណិជ្ជកម្មសម្រាប់ដាក់តាំងលក់ផលិតផលនានា និងជាវេទិកាបង្កើតទំនាក់ទំនងរវាងអ្នកជំនួញផងដែរ។ ដោយឡែកឆ្នាំនេះ ព្រឹត្តិការណ៍ពាណិជ្ជកម្មកម្ពុជានឹងផ្ដោតលើ «ម្ហូបអាហារ ភេសជ្ជៈ ទេសចរណ៍ និងសម្ភារៈចម្រុះ» ដោយវេទិកាមួយនេះនឹងនាំយកម្ហូបអាហារ និងភេសជ្ជៈពី២៥ខេត្តក្រុងមកដាក់តាំង ប្រកួតគ្នា ហើយខេត្តមួយអាចនាំយកម្ហូបមកប្រកួត៥មុខ និងបង្អែម២មុខ ជាអ្វីដែលសមាគមទេសចរណ៍អាស៊ីប៉ាស៊ីហ្វិក (PATA) បានកំណត់។
តាមរយៈការកំណត់នូវចំនួនមុខម្ហូប ក៏ដូចជាមុខបង្អែមខាងលើនេះ លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិក (PATA) បានបង្ហាញពីក្ដីរំពឹងថា កម្ពុជានឹងអាចនាំយកម្ហូបដែលជាអត្តសញ្ញាណរបស់ខេត្តនីមួយៗមកដាក់តាំង និងធ្វើឱ្យអ្នកចូលរួមស្គាល់កាន់តែច្រើន ខណៈដែលកម្ពុជាមានមុខម្ហូបដល់ទៅរាប់ពាន់មុខឯណោះ។
ប្រធានសមាគមរូបនេះបានបង្ហាញពីសក្កានុពលនៃវិស័យម្ហូបអាហារទៅលើគោលដៅទេសចរណ៍ ដោយលោកលើកយកករណីរបស់ប្រទេសថៃមកនិយាយផងដែរ។
លោកមានប្រសាសន៍ថា ៖
“ទេសចរជាច្រើនបានតម្រង់ទៅប្រទេសថៃ ដើរហូបអាហារតាមផ្លូវដ៏សម្បូរបែប ដែលមានតម្លៃធូរថ្លៃនឹងមានអនាម័យល្អ។ កម្ពុជាក៏មិនខ្វះមុខម្ហូបសម្រាប់ទាក់ទាញទេសចរនោះដែរ ក៏ប៉ុន្តែវាទាមទារឱ្យថ្លៃដើមនៃការផលិតទាប និងមានការកែច្នៃម្ហូបជាប្រចាំ ដើម្បីឱ្យភ្ញៀវអាចទទួលបានបទពិសោធន៍ថ្មីៗពីរសជាតិម្ហូបរបស់កម្ពុជា”
លោក ធួន ស៊ីណាន បានបន្តថា ៖
“ម្ហូបអាហារគឺសំខាន់ណាស់ មិនមែនតែក្នុងវិស័យទេសចរណ៍ទេ! វាជាចំណែកដ៏សំខាន់ក្នុងការរស់នៅប្រចាំថ្ងៃ ដូច្នេះហើយវាជារឿងមិនគួររំលងដែលយើងប្រើប្រាស់ម្ហូបជាភាពទាក់ទាញទេសចរ”
គួរបញ្ជាក់ថា ព្រឹត្តិការណ៍ពិព័រណ៍ពាណិជ្ជកម្មកម្ពុជានឹងធ្វើឡើងនៅថ្ងៃទី៥ ដល់ថ្ងៃទី៩ ខែវិច្ឆិកា នៅឯឆ្នេរពយជំទាវម៉ៅ ខេត្តព្រះសីហនុ។ ព្រឹត្តិការណ៍នេះនឹងបើកឱ្យបណ្ដាប្រទេសក្នុងអាស៊ាន និងប្រទេសក្នុងតំបន់អាស៊ីប៉ាស៊ីហ្វិកចូលរួមបង្កើតទំនាក់ទំនងពាណិជ្ជកម្ម ក៏ដូចជាលើកស្ទួយផលិតផលកសិកម្មខ្មែរ ដែលរំពឹងថាអាចមានអ្នកចូលរួមប្រមាណ ៥០ម៉ឺននាក់ ជាមួយស្តង់ផលិតផលចំនួន៧០០ស្តង់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content