សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យរដ្ឋ និងវិស័យឯកជនកាលពីពេលកន្លងទៅថ្មីៗនេះ បានជួបពិភាក្សាគ្នាពីដំណើរការនៃការប្រែក្លាយឧស្សាហកម្មបែបប្រពៃណី ទៅជាឧស្សាហកម្មបែបទំនើប ដោយបានផ្ដោតជាពិសេសលើការពង្រឹងវិស័យដឹកជញ្ជូន។ កិច្ចពិភាក្សានេះត្រូវបានធ្វើឡើងក្រោមការរៀបចំរបស់ក្រុមហ៊ុន CBRE Cambodia កាលពីថ្ងៃទី ១៥ ខែវិច្ឆិកា ឆ្នាំ២០២២ នៅអគារពាណិជ្ជចំរុះ Morgan Tower កោះពេជ្រ រាជធានីភ្នំពេញ។
តំណាងពីវិស័យរដ្ឋ ឯកឧត្តម ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្មនៃក្រសួងសាធារណការ និងដឹកជញ្ជូន បានធ្វើបទបង្ហាញត្រួសៗអំពីចក្ខុវិស័យរបស់រាជរដ្ឋាភិបាលកម្ពុជា ដែលស្ថិតក្នុងក្នុងយុទ្ធសាស្ត្រចតុកោនដំណាក់កាលទី៤ គឺការក្លាយខ្លួនជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០។ ក្នុងនោះ វិស័យដឹកជញ្ជូនបានរួមចំណែកយ៉ាងសំខាន់ក្នុងសកម្មភាពសេដ្ឋកិច្ចកម្ពុជា ដូច្នេះហើយនេះជារឿងអាទិភាពមួយដែលរាជរដ្ឋាភិបាលកម្ពុជាកំពុងតែខិតខំប្រឹងប្រែង។
ឯកឧត្តម ឈៀង ពេជ្រ បានមានប្រសាសន៍ពីចក្ខុវិស័យរបស់ក្រសួងយ៉ាងដូច្នេះថា ៖
“ក្រសួងមានបំណងក្នុងការប្រែក្លាយប្រព័ន្ធដឹកជញ្ជូនទៅជាហេដ្ឋារចនាសម្ព័ន្ធធន់នឹងការប្រែប្រួលអាកាសធាតុ បង្កើនសមាហរណកម្មក្នុងតំបន់ក្នុងខ្សែសង្វាក់ផ្គត់ផ្គង់ពិភពលោក បង្កើនការប្រកួតប្រជែងឧស្សាហកម្ម ព្រមទាំងលើកកម្ពស់ការប្រកួតប្រជែងផ្នែកភស្តុភា”
ក្រៅពីនោះ ក៏មានផងដែរនូវការអភិវឌ្ឍន៍ការដឹកជញ្ជូនផ្លូវដែក ផ្លូវទឹក-សមុទ្រ ការដឹកជញ្ជូន និងកំពង់ផែ ការអភិវឌ្ឍន៍ការដឹកជញ្ជូនតាមផ្លូវអាកាស ការអភិវឌ្ឍន៍ច្រករបៀងសេដ្ឋកិច្ច និងច្រកទ្វារអន្តរជាតិ និងពាណិជ្ជកម្មឆ្លងព្រំដែន ការពង្រឹងក្របខ័ណ្ឌច្បាប់ជាដើម ដែលសកម្មភាពទាំងនេះ គឺសុទ្ធសឹងតែជាការសម្រួលប្រព័ន្ធដឹកជញ្ជូនឱ្យកាន់តែងាយស្រួលជាងមុន និងមានជម្រើសច្រើនជាងមុន។
ពីទស្សនៈនៃក្រុមហ៊ុន CBRE Cambodia លោក Lawrence Lennon ដែលជានាយកប្រតិបត្តិប្រចាំប្រទេសបានមើលឃើញពីភាពរីកចម្រើន នៃហេដ្ឋារចនាសម្ព័ន្ធរបស់កម្ពុជាដែលបម្រើឱ្យវិស័យដឹកជញ្ជូន។ ដោយឡែក លោកក៏បានលើកឡើងអំពីឧស្សាហកម្មសំខាន់ៗនៅកម្ពុជាដែលរួមមាន ឧស្សាហកម្មផ្នែកសំលៀកបំពាក់ (44%) ផ្នែកកាបូប (១០%) ផ្នែកស្បែកជើង (9%) កង់ (៥%) និងស្រូវ (២%)។ ក្នុងនោះ គោលដៅនាំចេញសំខាន់ៗរួមមាន សហរដ្ឋអាមេរិក (៤៤%) សហភាពអ៊ឺរ៉ុប (១៩%) ប្រទេសក្នុងតំបន់អាស៊ាន (៧%) ចិន (៦%) ជប៉ុន (៦%) និងប្រទេសផ្សេងៗទៀតចំនួន ១៣%។
យ៉ាងណាមិញ មូលហេតុដែលនាំឱ្យតម្រូវការនៃការនៃវិស័យដឹកជញ្ជូនកើនឡើងក៏ដោយសារតែសេដ្ឋកិច្ចពិភពលោកចាប់ផ្ដើមងើបឡើងវិញ ការកើនឡើងនៃផលិតកម្មនៅក្នុងស្រុក និងការរីកចម្រើននៃវិស័យផ្សេងៗ ដែលទាមទារនូវការសាងសង់ហេដ្ឋារចនាសម្ព័ន្ធថ្មីៗបន្ថែម។ នេះបើតាមការបញ្ជាក់របស់លោក Lawrence Lennon ។
តាមរយៈឧស្សាហកម្មធំៗ និងគោលដៅនាំចេញសំខាន់ៗដែលលោកបានរៀបរាប់មកនេះ គឺត្រូវការជាចាំបាច់នូវការជួយសម្រួលផ្នែកដឹកជញ្ជូន ទាំងផ្លូវគោក ផ្លូវទឹក និងផ្លូវអាកាស ដើម្បីបង្កើនការនាំចេញកាន់តែច្រើន។
គួរកត់សម្គាល់ថា ក្នុងកិច្ចពិភាក្សាខាងលើនេះ ភាគីទាំង២បានបង្ហាញពីក្ដីរំពឹងខ្ពស់ថាការលើកយកប្រធានបទនេះមកជជែក នឹងក្លាយជាចំណែកមួយក្នុងការឈានទៅសម្រេចបាននូវយុទ្ធសាស្ត្រដំណាក់កាលទី៤របស់រាជរដ្ឋាភិបាលកម្ពុជា ស្របទៅតាមផែនការ និងតាមការកំណត់។ ម្យ៉ាងទៀត ក៏ជាការជូនដំណឹងទៅដល់វិស័យឯកជន ដើម្បីកៀរគរការវិនិយោគបន្ថែមទៀតផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
ការបោះឆ្នោតពាក់កណ្តាលអាណត្តិនៅអាម៉េរិក ស្របពេលបញ្ហាផ្ទៃក្នុង និងភូមិសាស្ត្រនយោបាយកំពុងឡើងកំដៅខ្លាំង
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
បរទេស ៖ ការបោះឆ្នោតពាក់កណ្តាលអាណត្តិក្នុងទឹកដីសហរដ្ឋអាម៉េរិកនឹងប្រព្រឹត្តិទៅនៅអង្គារ ទី៣ ខែវិច្ឆិកា នេះ ពោល គឺចំពេលដែលស្ថានភាពពិភពលោកកំពុងជួបបញ្ហាយ៉ាងក្ដៅគគុកផ្នែកភូមិសាស្ត្រនយោបាយដ៏អាក្រក់ផង និងបញ្ហាផ្ទៃក្នុងជាច្រើននៅក្នុងប្រទេសខ្លួនឯងផង ដែលមនុស្សជាច្រើន រួមមានទាំងអ្នកនយោបាយ ទាំងអ្នកជំនួញ ក៏ដូចជាប្រជាពលរដ្ឋទូទៅផងដែរ កំពុងតាមដានយ៉ាងយកចិត្តទុកដាក់បំផុត។ កាសែត RT បានចេញផ្សាយថា មានប្រជាជនអាម៉េរិកជាង ៥១ លាននាក់ហើយបានចូលរួមការបោះឆ្នោតមុនកាលកំណត់ផ្លូវការគិតត្រឹមថ្ងៃអាទិត្យម្សិលមិញនេះ
Binance ផ្អាកការដកប្រាក់ ក្រោយរកឃើញការផ្ទេរគ្រីបតូសង្ស័យរាប់ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
Binance ដែលជាទីផ្សារជួញដូររូបិយប័ណ្ណគ្រីបតូធំបំផុតរបស់ពិភពលោក បានបើកការស៊ើបអង្កេតផ្នែកសន្តិសុខជាបន្ទាន់ បន្ទាប់ពីមានរបាយការណ៍អំពីការផ្ទេរទ្រព្យសកម្មឌីជីថលដ៏ធំមួយ ខណៈក្រុមហ៊ុនបានផ្អាកជាបណ្តោះអាសន្ននូវការដកប្រាក់ និងបង្កកទ្រព្យសកម្មឌីជីថលដែលពាក់ព័ន្ធ
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ
ព្រឹត្តិការណ៍, អាជីវកម្មថ្មី និងនវានុវត្ត
• 31/10/2026
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ ក្នុងគោលបំណងបង្កើនគម្របបៃតង ស្តារ និងអភិរក្ស ធនធានធម្មជាតិ ខេត្តកំពង់ស្ពឺ ៖ ក្នុងស្មារតីទទួលខុសត្រូវខ្ពស់ចំពោះសង្គម និងការអភិរក្សធនធានធម្មជាតិ នៅថ្ងៃទី៣១ ខែតុលា ឆ្នាំ២០២៦ អិលអូអិលស៊ី (ខេមបូឌា)
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ច្បាប់ស្តីពីការគ្រប់គ្រងភស្តុភារកម្ម នឹងកាត់បន្ថយថ្លៃដើមដឹកជញ្ជូន ជំរុញសេដ្ឋកិច្ច និងបង្កើនសមត្ថភាពប្រកួតប្រជែង
កម្ពុជា នឹងប្រើបច្ចេកវិទ្យាផ្កាយរណប និងបញ្ញាសិប្បនិម្មិត ជួយសម្រួលដល់វិស័យដឹកជញ្ជូនតាមផ្លូវទឹក ផ្លូវសមុទ្រ
Account
Security
Favourite Content