សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សម័យកាលបច្ចេកវិទ្យាជំនាន់ 4.0 ពិភពលោក និងម៉ាស៊ីនស្វ័យប្រវត្តិលែងរស់នៅឆ្ងាយពីគ្នាដូចកាលពីអតីតកាលទៀតហើយ ក្នុងនោះការធ្វើដំណើរមកដល់នៃបច្ចេកវិទ្យាមនុស្សយន្ត(រ៉ូបូត)និងបច្ចេកវិទ្យាស្វ័យប្រវត្តិទៅក្នុងវិស័យសំណង់ក៏មិនមែនជារឿងប្រឌិតបែបវិទ្យាសាស្ត្រដូចកាលពីរាប់ទសវត្សរ៍មុនទៀតនោះដែរ។
ពិភពលោកបានចាប់ផ្តើមទទួលយកសមាសភាពរបស់ពួកគេចូលនៅក្នុងឧស្សាហកម្មសំណង់រចរាល់ទៅហើយដើម្បីអាចដោះស្រាយបញ្ហា និងឧបសគ្គជាច្រើនដែលកម្លាំងជាមនុស្សធម្មតាមិនអាចធ្វើបានដូចជាការបង្កើនប្រសិទ្ធភាពការងារ ការធ្វើឱ្យបរិយាកាសការងារប្រសើរឡើង កាត់បន្ថយការប្រើប្រាស់កម្លាំងពលកម្ម ជាពិសេស ថែមទាំងអាចជួយដល់កាត់បន្ថយផលប៉ះពាល់បរិស្ថានទៀតផង។
បច្ចុប្បន្ន រ៉ូបូតដែលប្រើប្រាស់នៅក្នុងវិស័យសំណង់អាចធ្វើការងារស្ទើរគ្រប់បែបយ៉ាងនៅក្នុងសកម្មភាពចាំបាច់ រាប់ចាប់តាំងតែពីការងារបូកស៊ីម៉ង់ត៍, ការងារលាបថ្នាំ, ការងាររៀបចំគ្រឹះ, រហូតទៅដល់ការងារវិភាគសំណង់, ការងារគូសប្លង់ និងមុខងារជាច្រើនមុខទៀត។
ជាក់ស្តែងខាងក្រោមនេះជាបច្ចេកវិទ្យារ៉ូបូតដែលកំពុងត្រូវបានប្រើប្រាស់យ៉ាងមានប្រសិទ្ធភាពនៅក្នុងការងារសាងសង់សំណង់ធំៗជាច្រើនរួចមកហើយតាមបណ្តាប្រទេសជាច្រើនលើពិភពលោក ៖
១. HRP-5P Humainoid Robot ៖ រ៉ូបូតរូបរាងជាមនុស្សផលិតនៅប្រទេសជប៉ុនដែលអាចមានសមត្ថភាពលើកដាក់វត្ថុ និងឧបករណ៍ធ្ងន់ៗយ៉ាងមានសុវត្ថិភាពបំផុតនៅតាមការដ្ឋានសាងសង់ធំតូច និងគ្រោះថ្នាក់កម្រិតណាក្តី
២. Canvas ៖ រ៉ូបូតជំនាញខាងបាញ់ថ្នាំប្រើប្រាស់នៅក្នុងការឌីសាញផ្ទៃខាងក្នុងអគារដោយសមត្ថភាពខ្ពស់ និងលឿនជាងការងាររបស់មនុស្សយើងធម្មតា
៣. SAM-Brick Laying ៖ រ៉ូបូតរៀបឥដ្ឋ និងបូកស៊ីម៉ង់ត៍ ហើយល្បឿននៃការងារធ្វើការរបស់វាគឺលឿនជាងមនុស្សកម្មករជាមនុស្សដល់ទៅ៦ដង និងអាចធ្វើការងារបានយូរម៉ោងក្នុងមួយថ្ងៃ
៤. Tybot ៖ រ៉ូបូតជំនាញខាងរៀបចំគ្រឹះសំណង់។ បន្ថែមពីនេះ Tybot អាចធ្វើការចង់លួសជាមួយនឹងដែកគ្រឹះអគារដល់ទៅ ១ ០០០ដង ដោយប្រើពេលត្រឹមមិនដល់មួយម៉ោងប៉ុណ្ណោះ និងមិនចាំបាច់មានការជួយគាំទ្រពីកម្លាំងមនុស្សឡើយ
៥. Okibo ៖ រ៉ូបូតដែលមានរូបរាងជាដៃផលិតឡើងដោយក្រុមហ៊ុនអ៊ីស្រាអ៊ែល និងមានជំនាញលាបថ្នាំបានច្បាស់ និងត្រឹមត្រូវបំផុត ពីព្រោះថាបានបំពាក់មកជាមួយនឹងមុខងារ 3D ដើម្បីធ្វើការកំណត់ទុកជាមុននូវកិច្ចការងារ
ថ្វីត្បិតតែបច្ចេកវិទ្យារ៉ូបូតអាចនឹងដណ្តើមការងាររបស់មនុស្សលោកក្តីនាពេលខាងមុខ ប៉ុន្តែរាល់កិច្ចការងារគ្រប់គ្រង និងត្រួតពិនិត្យពីខាងលើនៅតែស្ថិតនៅជាទំនួលខុសត្រូវរបស់យើងដដែល ផ្ទុយទៅវិញ បច្ចេកវិទ្យានេះវានឹងធ្វើឲ្យវិស័យសំណង់មានភាពរីកចម្រើន ហើយទទួលបានការងារ និងគម្រោងកាន់តែច្រើនឡើងបន្ថែមទៀត ៕
Account
Security
Favourite Content