សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាឱកាសអញ្ជើញចែកសញ្ញាបត្រជូននិស្សិតសាកលវិទ្យាល័យបៀលប្រាយ នៅព្រឹកថ្ងៃទី១៦ ខែមីនា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដោយផ្ដោតសំខាន់លើក្រសួងទេសចរណ៍ និងក្រសួងពាណិជ្ជកម្ម ក្នុងការចុះអនុវត្តការដាក់តម្លៃនៅលើផលិតផល។ ការធ្វើបែបនេះ ត្រូវបានសម្ដេចចាត់ទុកថាជាការបង្កើនការប្រកួតប្រជែង និងផ្តល់ភាពងាយស្រួលដល់បណ្តាទេសចរក្នុងការសម្រេចចិត្តទិញទំនិញ។
សម្ដេចនាយករដ្ឋមន្ត្រី ហ៊ុន សែន បានមានប្រសាសន៍យ៉ាងដូច្នេះថា ៖
“អ្នកលក់ដូរទាំងឡាយដែលមានលទ្ធភាព សូមឱ្យក្រសួងទេសចរណ៍ ក្រសួងពាណិជ្ជកម្ម ចូលរួមជាមួយគ្នាដើម្បីដាក់ជាតម្លៃដើម្បីកុំឱ្យពិបាកសួរ។ ជាក់ស្ដែងជនបរទេស ប្រសិនបើគាត់ចង់ហូបនំ គួរតែមានតម្លៃបញ្ជាក់ថានំនោះមានតម្លៃប៉ុន្មាន ដោយធ្វើបែបនេះមានភាពងាយស្រួលទាំងភ្ញៀវជាតិ និងអន្តរជាតិ។ ជាពិសេសក្នុងរដូវកាលនៃពិធីបុណ្យចូលឆ្នាំខ្មែរខាងមុខ ដែលនឹងមានភ្ញៀវទេសចរដើរកម្សាន្ដច្រើន”
សម្ដេចបានបន្តមានប្រសាសន៍ថា ៖
“គួរតែចាប់ផ្ដើមដាក់ ហើយមិនមែនដាក់តែចូលឆ្នាំនេះទេ វាស្រួលក្នុងការឱ្យទាំងខ្មែរ ទាំងបរទេស ជាពិសេស បរទេសកាន់តែច្រើន ហើយឆ្នាំនេះសង្ឃឹមថាមិនតិចជាង ៤លានកន្លះនាក់ទេ សម្ទុះទេសចរចូលមកប្រទេសយើងមិនតិចជាង៤លានកន្លះ អីចឹងយើងដាក់តម្លៃទៅ”
តាមរយៈការធ្វើបែបអាជីករ អ្នកលក់ដូរតាមតំបន់នានាក៏មានការប្រកួតប្រជែងមួយកម្រិតទៀត ដែលនឹងបង្កផលចំណេញដល់សេដ្ឋកិច្ចកម្ពុជាមួយកម្រិតទៀតផងដែរ។ ជាមួយគ្នានេះ សម្ដេចក៏បានជំរុញឱ្យក្រសួងទេសចរណ៍ ក្រសួងពាណិជ្ជកម្ម ជាពិសេសអាជ្ញាធរត្រូវចុះអនុវត្តរឿងនេះ កុំចាំថ្នាក់ជាតិ ថ្នាក់ក្រោមជាតិនាំគ្នាធ្វើទៅ ដើម្បីប្រកួតប្រជែង… ក្រៅពីអនាម័យគឺត្រូវរុញរឿងតម្លៃនេះដើម្បីឱ្យភ្ញៀវមានភាពងាយស្រួលក្នុងការទិញ ឬមិនទិញ៕
Account
Security
Favourite Content