សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានក្រើនរំលឹកជាថ្មីទៅដល់ក្រសួង និងស្ថានប័នដែលពាក់ព័ន្ធចុះជួយប្រជាពលរដ្ឋដែលរងផលប៉ះពាល់ដោយសារគ្រោះទឹកជំនន់ ដែលការអន្តរាគមន៍នេះ សម្ដេចតេជោ បានផ្ដោតលើរឿងធំៗចំនួន២គឺ ផ្ដល់ជាជំនួយផ្នែកកសិកម្ម និងផ្ដល់ជាការយោគយល់ផ្នែកហិរញ្ញវត្ថុ។
ដោយមើលឃើញពីការរងផលប៉ះពាល់របស់ប្រជាជនពីគ្រោះទឹកជំនន់ សម្ដេចតេជោ ហ៊ុន សែន នាព្រឹកថ្ងៃទី១៧ ខែតុលា ឆ្នាំ២០២២នេះ បានស្នើសុំឱ្យមន្ត្រីពាក់ព័ន្ធចុះទៅដល់ទីតាំងផ្ទាល់ដើម្បីចែកជូនគ្រាប់ពូជសម្រាប់ដាំដុះបន្ទាប់ពីដំណាំរបស់ប្រជាជនរងនូវការខូចខាត ព្រមទាំងផ្ដល់ជំនួយស្បៀងអាហារជាដើម។ ដោយឡែក សម្រាប់ក្រសួងផែនការ សម្ដេចតេជោបានស្នើសុំឱ្យធ្វើការវាយតម្លៃលើផលប៉ះពាល់ពីអតិផរណាក្នុងក្របខ័ណ្ឌអ្នកប៉ះពាល់ប្រមាណជាង ១០ម៉ឺនគ្រួសារ។
សម្តេចតេជោ បានមានប្រសាសន៍ថា ៖
“សម្រាប់ប្រជាជនដែលមានបណ្ណក្រីក្រស្រាប់ ពួកគេនឹងទទួលបានជំនួយជាទឹកប្រាក់ពីរាជរដ្ឋាភិបាល រីឯអ្នកដែលមិនមានបណ្ណក្រីក្រ ប៉ុន្តែបានរងនូវផលប៉ះពាល់ដែរនោះ ក៏ទទួលបាននូវការឧបត្ថម្ភជាទឹកប្រាក់ក្នុងរយៈពេល៣ខែផងដែរ”
បន្ថែមពីនេះ សម្ដេចតេជោក៏បានអំពាវនាវដល់វិស័យធនាគារ និងមីក្រូហិរញ្ញវត្ថុផងដែរថា៖
“ខ្ញុំសូមអំពាវនាវដល់មីក្រូហិរញ្ញវត្ថុ និងធនាគារសូមផ្ដល់នូវលទ្ធភាព ផ្ដល់នូវការអនុគ្រោះសម្រាប់អ្នកដែលរងផលប៉ះពាល់ដោយគ្រោះទឹកជំនន់នេះ តាមរយៈនៃការពន្យារពេលសម្រាប់ការសង បន្ធូរបន្ថយការប្រាក់ និងការរៀបចំឥណទានឡើងវិញ…សូមយោគយល់ចំពោះការលំបាករបស់ប្រជាពលរដ្ឋ”
សម្ដេចបានបន្តគូសបញ្ជាក់ទៀតថា ៖
“សូមធនាគារជាតិកម្ពុជាធ្វើការជួបប្រជុំមួយជាមួយម្ចាស់គ្រឹះស្ថានមីក្រូហិរញ្ញវត្ថុ និងធនាគារ ហើយក៏សូមអំពាវនាវត្រង់ទៅកាន់គ្រឹះស្ថានមីក្រូហិរញ្ញវត្ថុទាំងអស់ឱ្យចូលរួមសម្រាលបន្ទុក”
យ៉ាងណាមិញ ក្នុងការអន្តរាគមន៍ទាំងប៉ុន្មានខាងលើ សម្ដេចសូមឱ្យមានការធ្វើដោយយកចិត្តទុកដាក់ និងលឿនបំផុតតាមដែលអាចធ្វើទៅបាន ពោលគឺវាយតម្លៃរកឃើញទំហំនៃផលប៉ះពាល់ហើយ ភាគីពាក់ព័ន្ធត្រូវអន្តរាគមន៍ភ្លាមៗតែម្ដង។
បើតាមប្រសាសន៍របស់សម្ដេច នៅតាមទីជនបទមានអ្នកក្រីក្រប្រមាណជា ១៨ភាគរយ ដែលពួកគេនៅតែស្ថិតក្រោមបន្ទាត់ក្រីក្រ និងនៅក្រោមស្ថានភាពហានិភ័យ។ បើគិតជាចំនួនប្រជាជន គឺប្រហាក់ប្រហែលនឹងចំនួន ១០ម៉ឺនគ្រួសារ ដូច្នេះ ១៨ ភាគរយនៃប្រជាជនចំនួន ១០ម៉ឺនគ្រួសារ ឃើញថាមានប្រមាណជា ១ម៉ឺន៩ពាន់គ្រួសារដែលរងផលប៉ះពាល់ ហើយបើយោងលើទិន្នន័យនេះ ទឹកប្រាក់ដែលត្រូវជូនគ្រួសាររងគ្រោះ ១៨ ភាគរយនេះមានជាមធ្យម ៤២ដុល្លារ ក្នុងមួយគ្រួសារ ហើយត្រឹមរយៈពេល៣ខែរដ្ឋនឹងចំណាយប្រាក់ ២លាន៤សែនរៀល។ គួរបញ្ជាក់ថា ប្រសាសន៍របស់សម្ដេចនេះគឺធ្វើឡើងនៅក្នុងពិធីប្រគល់សញ្ញាបត្រជូននិស្សិត សាកលវិទ្យាល័យជាតិគ្រប់គ្រងជាង ៦ពាន់នាក់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content