សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN រាយការណ៍ថា គេប្រទះឃើញត្រីដូហ្វីនជាង ១០០ ក្បាលស្លាប់នៅតំបន់អាម៉ាហ្សូនរបស់ប្រទេសប្រេស៊ីល ខណៈដែលតំបន់នេះកំពុងមានគ្រោះរាំងស្ងួត និងសីតុណ្ហភាពទឹកខ្ពស់ប្រហែល ៣៩ អង្សាសេ។
យោងតាមវិទ្យាស្ថាន Mamirauá បានឱ្យដឹងថា ត្រីដូហ្វីនស្លាប់ទាំងនោះត្រូវបានរកឃើញនៅក្នុងបឹង Tefé ក្នុងរយៈពេលប្រាំពីរថ្ងៃកន្លងមកនេះ។ ចំនួនត្រីស្លាប់ដ៏ច្រើនបែបនេះគឺជាបញ្ហាធំមួយ ដោយសារសីតុណ្ហភាពបឹងខ្ពស់ជាកំណត់ត្រា និងគ្រោះរាំងស្ងួតជាប្រវត្តិសាស្ត្រនៅតំបន់អាម៉ាហ្សូន។ ទន្ទឹមនឹងនេះ ដំណឹងនេះកំពុងបន្ថែមការព្រួយបារម្ភដល់អ្នកវិទ្យាសាស្ត្រអំពីបម្រែបម្រួលអាកាសធាតុ ផលប៉ះពាល់នៃសកម្មភាពរបស់មនុស្ស និងគ្រោះរាំងស្ងួតខ្លាំងនៅក្នុងតំបន់នោះ។
វិទ្យាស្ថាន Mamirauá បាននិយាយថា ប្រភពដើមនៃឧប្បត្តិហេតុដែលមិនធ្លាប់មានពីមុនមកនេះកំពុងនៅក្រោមការស៊ើបអង្កេតនៅឡើយ ប៉ុន្តែបើយោងតាមអ្នកជំនាញ វាពិតជាពាក់ព័ន្ធទៅនឹងគ្រោះរាំងស្ងួតនាពេលបច្ចុប្បន្ន និង សីតុណ្ហភាពខ្ពស់របស់បឹង Tefé ដែលនៅកន្លែងខ្លះមានលើសពី ៣៩ អង្សាសេ។
ស្របពេលនេះដែរ ក្រុមអ្នកស្រាវជ្រាវ និងសកម្មជនកំពុងព្យាយាមជួយសង្គ្រោះត្រីដូហ្វីននៅរស់ ដោយផ្ទេរពួកវាពីបឹងទៅកាន់ផ្នែកសំខាន់នៃទន្លេដែលមានទឹកត្រជាក់ជាងនេះ។ យ៉ាងណាមិញ ប្រតិបត្តិការនេះមិនងាយស្រួលទេ ដោយសារបឹងស្ថិតនៅតំបន់ដាច់ស្រយាល។ លោក André Coelho អ្នកស្រាវជ្រាវនៅវិទ្យាស្ថាន Mamiraua បានលើកឡើងថា ការផ្ទេរត្រីដូហ្វីនពីកន្លែងមួយទៅកាន់កន្លែងមួយផ្សេងទៀតគឺមិនមានសុវត្ថិភាពនោះទេ ព្រោះវាមានសារៈសំខាន់ណាស់ក្នុងការត្រួតពិនិត្យថា តើទឹកមានជាតិពុល និង មេរោគឬអត់?
គួរឲ្យបញ្ជាក់ដែរថា ទន្លេអាម៉ាហ្សូន ដែលជាផ្លូវទឹកដ៏ធំបំផុតរបស់ពិភពលោក បច្ចុប្បន្នកំពុងស្ថិតនៅក្រោមការគំរាមកំហែងពីរដូវប្រាំង និង គ្រោះរាំងស្ងួរ។ គ្រោះរាំងស្ងួតបានប៉ះពាល់ដល់ជីវិតសត្វព្រៃនៅតាមដងទន្លេ ហើយកំពុងប៉ះពាល់ដល់សេដ្ឋកិច្ចផងដែរ។ នៅក្នុងរដ្ឋ Amazonas ទីក្រុងចំនួន ៥៩ ត្រូវបានរាយការណ៍ថា ពួកគេកំពុងប្រឈមនឹងបញ្ហាកម្រិតទឹកទាបជាងមធ្យម ដែលកំពុងរារាំងការដឹកជញ្ជូនតាមដងទន្លេ និងការនេសាទ។ លើសពីនេះផងដែរ អាជ្ញាធរកំពុងព្រួយបារម្ភថា វាអាចនឹងមានគ្រោះរាំងស្ងួតធ្ងន់ធ្ងរបន្ថែមទៀតក្នុងរយៈពេលពីរ ឬ បីសប្តាហ៍ខាងមុខ ដែលអាចបណ្តាលឱ្យមានត្រីដូហ្វីនស្លាប់បន្ថែមទៀត៕
Account
Security
Favourite Content