សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប៖ រដ្ឋបាលខេត្តសៀមរាប បានរៀបចំបង្កើត«សមាគមកសិកម្មជនភៀសសឹក» នៅតាមវត្តអារាមចំនួន៩៥កន្លែង ដែលពលរដ្ឋភៀសសឹកកម្ពុជាកំពុងស្នាក់នៅ ដើម្បីអាចធានាបាននូវការផ្គត់ផ្គង់ស្បៀងគ្រប់គ្រាន់។
លោក អ៊ឹង គឹមលាង អភិបាលរងខេត្តសៀមរាបបានថ្លែងថា គម្រោងបង្កើតសមាគមកសិកម្មជនភៀសសឹកចាប់ផ្តើមអនុវត្តនៅតាមទីតាំងមួយចំនួនក្នងជំហានដំបូង ខណ:ពលរដ្ឋភៀសសឹកមកខេត្តសៀមរាបបានកើនដល់ ៣៦ ០០០គ្រួសារ ស្មើនឹង ១១៦ ០០០នាក់ គិតត្រឹមល្ងាចទី១៤ ខែធ្នូ ឆ្នាំ២០២៥។
លោកបានបញ្ជាក់ថា៖
«យើងនឹងបន្តអំពាវនាវដល់ជនភៀសសឹកទាំងអស់នៅក្នុងខេត្តសៀមរាបដែលស័្មគ្រចិត្តធ្វើកសិកម្មដើម្បីរស់ខ្លួនឯង ហើយយើងនឹងរកទីតាំងដែលមានប្រភពទឹក ដីមានជីជាតិល្អសម្រាប់ពួកគាត់ដាំបន្លែ និងចិញ្ចឹមសត្វ មាន់ ទាជាដើម។ គម្រោងសមាគមកសិកម្មជនភៀសសឹកនេះ គឺល្អសម្រាប់ពលរដ្ឋភៀសសឹក ដោយពួកគាត់អាចដាំបន្លែបង្ការ ចិញ្ចឹមសត្វនានាសម្រាប់ផ្គត់ផ្គង់ជីវភាពខ្លួនឯង ព្រោះការដែលភៀសខ្លួនមកនេះគឺគាត់បានបាត់បង់ទាំងស្រុងពីការងារប្រចាំថ្ងៃរបសគាត់។ បើហូបមិនអស់ ពួកគាត់សល់ គាត់ក៏អាចយកទៅលក់ ដើម្បីបានចំណូលខ្លះផងដែរ»។
ពិសេសជាងនេះទៅទៀតនោះ នៅពេលពលរដ្ឋភៀសសឹកចូលរួមអនុវត្តគម្រោងនេះ គឺបានបង្ហាញទឹកចិត្តនៃការប្រឹងប្រែងតស៊ូជាមួយវីរកងទ័ព និងរដ្ឋាភិបាលដែលមិនចាំពឹងតែទៅលើជំនួយ ឬការផ្តល់ជូននានាពីសប្បុរសជននោះឡើយ។
ដោយឡែក លោកទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តសៀមរាបបានប្រាប់ AMS ថា គម្រោងនេះ លោកបានទទួលយក និងបានពិភាក្សាការងារជាមួយរដ្ឋបាលខេត្ត ដើម្បីឱ្យការងារនេះអភិវឌ្ឍន៍ទៅបានរលូន ដែលអាចជួយដល់ប្រជាជនភៀសសឹក។
លោកបានបញ្ជាក់ថា៖
«យើងបានចូលរួមការងារជាមួយរដ្ឋបាលខេត្ត និងអង្គការដៃគូ ដោយមន្ទីរកសិកម្ម នឹងជួយដល់ជនភៀសសឹកដោយផ្តល់នូវការបង្រៀនពីរបៀបចិញ្ចឹមសត្វ ពិសេសការដាំបន្លែ ដោយរកបន្លែណាងាយៗដាំ និងឆាប់បានផលជូនដល់ពួកគាត់»។
សូបបញ្ជាក់ដែរថា នាថ្ងៃទី១៦ ខែធ្នូ ឆ្នាំ២០២៥ ថ្នាក់ដឹកនាំស្រុកអង្គរធំ រួមទាំងក្រុមការងារ កម្លាំងកងរាជអាវុធហត្ថស្រុក កម្លាំងអធិការដ្ឋាននគរបាលស្រុក មេភូមិ រួមជាមួយបងប្អូនជនភៀសសឹក បានរៀបចំថ្នាលសម្រាប់ដាំបន្លែ ដើម្បីទទួលផលសម្រាប់បំពេញតម្រូវការចាំបាច់ជាប្រចាំថ្ងៃ ស្របតាមការផ្តួចផ្តើម និងការបំផុសចលនា “យើងរួមគ្នាដើម្បីជាតិ” របស់លោកជំទាវបណ្ឌិត ពេជ ចន្នមុនី ហ៊ុន ម៉ាណែត តាមរយៈការដាំបន្ថែតាមផ្ទះ សាលារៀន វត្តអារ៉ាម និងសហគមន៍៕
Account
Security
Favourite Content