សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ មណ្ឌលកម្សាន្តឆ្នេរសមុទ្រ ដែលមានទីតាំងនៅឆ្នេរអូរត្រេះ ស្ថិតក្នុងសង្កាត់លេខ៤ ក្រុងព្រះសីហនុ ត្រូវបានដាក់ឱ្យដំណើរការជាផ្លូវការហើយដោយផ្តោតសំខាន់លើការលំហែកាយ កម្សាន្តលក្ខណៈស៊ីវិល័យ មានទេសភាពកែច្នៃដ៏ល្អឥតខ្ចោះ មានចំណតកប៉ាល់ ទីកន្លែងចុះឧទ្ធម្ភាចក្រ រួមទាំងភោជនីយដ្ឋាន បន្ទប់សម្រាក និងសណ្ឋាគារលំដាប់ខ្ពស់ ។
ប្រធានក្រុមប្រឹក្សាភិបាលក្រុមហ៊ុន ហ្គោលដិន សាន់ស្តាយ អេនធើធេនម៉ិន លោក ហេង តុង បានលើកឡើងថា មណ្ឌលកម្សាន្តឆ្នេរសមុទ្រ ជាផ្នែកមួយបន្ថែមនៃការបោះជំហានយ៉ាងម៉ឺងម៉ាត់នៅក្នុងផែនការមេនៃការសាងសង់គម្រោង ហាយ ហ្គ្រេន ហូថេល និងគម្រោងក្រុមហ៊ុន ហ្គោលដិន សាន់ស្កាយ ដែលអាចនឹងក្លាយជាអត្តសញ្ញាណទីក្រុងថ្មីនៃខេត្តព្រះសីហនុ ក៏ដូចជារួមចំណែកដល់ការអភិវឌ្ឍទេសចរណ៍ខេត្តជាប់ឆ្នេរសមុទ្រមួយនេះផងដែរ។
លោក ហេង តុង បានបន្តថា ក្រោមការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន ធ្វើឱ្យសេដ្ឋកិច្ចកម្ពុជាមានការ អភិវឌ្ឍន៍យ៉ាងឆាប់រហ័ស និងជាប្រទេសមួយក្នុងចំណោមប្រទេសដែលមានការរីកចម្រើនលឿននៅអាស៊ី។ ពេលនេះគឺជាខួបលើកទី៣០ឆ្នាំ នៃការបង្កើតទំនាក់ទំនងជំនួបកិច្ចសន្ទនាអាស៊ាន ក្រោមគម្រោងកិច្ចសហប្រតិបត្តិការដ៏ត្រចះត្រចង់ ” ខ្សែក្រវាត់មួយ ផ្លូវមួយ ” ក្រុមហ៊ុននឹងបន្តលើកកម្ពស់វិស័យឧស្សាហកម្ម រួមទាំងពន្លឿនគម្រោងសាងសង់ពង្រីកវិស័យថ្មីៗទៀត និងបង្កើតជាឧស្សាហកម្មដែលមានការតភ្ជាប់គ្នា ដែលជាកន្លែងពោរពេញអាជីវកម្មបែបទំនើប និងការអភិវឌ្ឍលក្ខណៈសេវាកម្សាន្ត ក្រោយបញ្ចប់នៃជំងឺកូវីដ-១៩ ។
ឯកឧត្តម គួច ចំរើន អភិបាលខេត្តព្រះសីហនុ បានអបអរសាទរចំពោះការបើកសម្ពោធ និងដាក់ដំណើរការមណ្ឌលកម្សាន្តឆ្នេរសមុទ្រ ដែលបានបង្ហាញពីសកម្មភាពថ្មីនៃការបើកសេដ្ឋកិច្ចនៅកម្ពុជា។ នេះជាការចាប់ផ្ដើមដំបូងនៃការបើកដំណើរការសេដ្ឋកិច្ចនៅក្នុងខេត្តព្រះសីហនុ ជាពេលវេលាដ៏សមស្របបំផុត។
ឯកឧត្តមបានបន្តថា រាជរដ្ឋាភិបាលបានដាក់ចេញនូវវិធានការនានា ដើម្បីប្រយុទ្ធប្រឆាំងនឹងជំងឺកូវីដ- ១៩ ទទួលបានជោគជ័យ ពិសេសការបើកយុទ្ធនាការចាក់វ៉ាក់សាំង។ ការវិនិយោគបានផ្ដល់ឱកាសការងារដល់ប្រជាជន និងយុវជនកម្ពុជារបស់យើងយ៉ាងច្រើនសន្ធឹកសន្ធាប់ធ្វើឱ្យពួកគេមានឱកាសទទួលបានប្រាក់ចំណូល រួមចំណែកជំរុញកំណើនសេដ្ឋកិច្ចនៅក្នុងខេត្តព្រះសីហនុ ក៏ដូចជានៅព្រះរាជាណាចក្រកម្ពុជា ។
រាជរដ្ឋាភិបាលក៏បានលើកទឹកចិត្ត ដោយចាប់ផ្ដើមបើកដំណើរការសកម្មភាពសេដ្ឋកិច្ច និងសង្គមដោយការប្រុងប្រយ័ត្នព្រមៗគ្នា សម្រាប់ខេត្តព្រះសីហនុ ការអនុវត្តគោលនយោបាយ ” ផ្លូវមួយ ខ្សែក្រវាត់មួយ ” របស់សាធារណរដ្ឋប្រជាមានិតចិន និងការអនុវត្តយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល ពិតជាបានរួមចំណែកកែលម្អសោភ័ណភាពទីក្រុង និងផ្លូវថ្នល់ជាច្រើនក្នុងក្រុងខេត្តព្រះសីហនុ ។
សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្តល់កញ្ចប់ថវិកាធ្វើការអភិវឌ្ឍក្រុងខេត្តព្រះសីហនុ កសាងហេដ្ឋារចនាសម្ព័ន្ធផ្លូវថ្នល់ បណ្តាញអគ្គិសនីបំភ្លឺសាធារណៈ ភ្លើងស្តុប កាំម៉ារ៉ាសុវត្ថិភាព ផ្លូវថ្មើរជើង និងលំហរឆ្នេរសមុទ្រ បន្ទប់ទឹកសាធារណៈ ស្ថានីយ៍ប្រព្រឹត្តកម្មទឹកកខ្វក់ និងការផ្តល់ឱកាសដល់ការវិនិយោគកាន់តែមានភាពងាយស្រួល និងទាក់ទាញបំផុត ។
ជាមួយគ្នានេះ រាជរដ្ឋាភិបាលក៏បានជំរុញការវិនិយោគកំពង់ផែទឹកជ្រៅ ដោយសហការជាមួយរដ្ឋាភិបាលជប៉ុន ពង្រីកកំពង់ផែឱ្យមានសមត្ថភាពទទួលនាវាដែលមានជម្រៅទឹក ១៤,៥០ម៉ែត្រ អាចចូលចតបាន។ បង្កើនលទ្ធភាពព្រលានយន្តហោះកងកេង ពង្រីកផ្លូវរត់រហូតដល់ ៣ ៣០០ម៉ែត្រ ដែលវែងជាងគេនៅកម្ពុជានាពេលបច្ចុប្បន្ន និងមានសមត្ថភាពឱ្យយន្តហោះធុនធំ(ពីរជាន់)ចុះចតបាន។ បន្ថែមពីនេះ នៅមានការកសាងផ្លូវល្បឿនលឿន រាជធានីភ្នំពេញ -ខេត្តព្រះសីហនុ ដែលជាសក្តានុពលយ៉ាងខ្លាំង ផ្តល់ឱកាសឱ្យអ្នកវិនិយោគ ភ្ញៀវទេសចរ បន្តការចាប់អារម្មណ៍មកវិនិយោគនៅខេត្តព្រះសីហនុកាន់តែច្រើន៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា បង្វែរទិសដៅពីការផលិតគ្រឿងបង្គុំរថយន្ត ទៅជាគោលដៅប្រកួតប្រជែងទីផ្សារតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
កម្ពុជាកំពុងផ្តោតលើការផលិតគ្រឿងបង្គុំរថយន្ត ដើម្បីផ្គត់ផ្គង់ដល់រោងចក្រផ្គុំ និងដំឡើងរថយន្តក្នុងស្រុក និងមានគោលដៅនាំចេញទៅកាន់ទីផ្សារតំបន់ ជំនួសការប្រកួតប្រជែងក្នុងការផលិត និងផ្គុំរថយន្តពេញលេញជាមួយប្រទេសផ្សេងៗក្នុងតំបន់
ប្រជាធិបតេយ្យអាម៉េរិកធ្លាក់ដល់កម្រិតទាបបំផុតក្នុងរយៈពេល ៥០ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
ប្រជាធិបតេយ្យនៅសហរដ្ឋអាម៉េរិកកំពុងជួបប្រឈមនឹងការធ្លាក់ចុះយ៉ាងខ្លាំង ដោយសូចនាករជិតពាក់កណ្តាលក្នុងចំណោម ៣០ សូចនាករ បានធ្លាក់ដល់កម្រិតទាបបំផុតមិនធ្លាប់មានក្នុងរយៈពេល ៥០ ឆ្នាំ
ចិនជំរុញការកែលម្អប្រព័ន្ធសុខាភិបាល ឱ្យមានគុណភាពខ្ពស់ និងកាន់តែជិតប្រជាជន
ព្រឹត្តិការណ៍, អាជីវកម្មថ្មី និងនវានុវត្ត
• 16/09/2026
ចិននឹងពន្លឿនការកសាង និងកែលម្អប្រព័ន្ធថែទាំសុខភាព និងវេជ្ជសាស្ត្រ ក្នុងរយៈពេល ៥ ឆ្នាំខាងមុខ ដោយផ្តោតលើការផ្តល់សេវាដែលមានគុណភាពខ្ពស់ ប្រសិទ្ធភាព និងកាន់តែមានភាពងាយស្រួលសម្រាប់ប្រជាជននៅជិតទីកន្លែងរស់នៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content