សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប្រទេសជប៉ុន ជាមហាអំណាចមួយក្នុងតំបន់អាស៊ី និងពិភពលោក ទាំងសេដ្ឋកិច្ច និងពាណិជ្ជកម្មផងដែរ ប៉ុន្តែបញ្ហាប្រជាសាស្ត្រ និងការមិនសេពគ្រឿងស្រវឹងកំពុងបង្កជាក្តីកង្វល់ដល់រដ្ឋាភិបាលក្នុងការប្រឈមមុខទៅនឹងផលលំបាកនាពេលអនាគត។
យោងតាមរបាយការណ៍ធនាគារពិភពលោកចុងក្រោយនេះបានរកឃើញថា ពលរដ្ឋរបស់ជប៉ុនប្រមាណជា២៩ភាគរយមានអាយុចាប់ពី៦៥ឆ្នាំឡើងទៅ ខណៈដែលពលរដ្ឋភាគច្រើនគឺជាអ្នកដែលចូលចិត្តធ្វើការងារច្រើនហួស ហើយអត្រាបង្កកំណើតមានតិចតួចធៀបទៅនឹងបណ្តាប្រទេសអភិវឌ្ឍ និងកំពុងអភិវឌ្ឍលើពិភពលោក។ លើសពីនេះទៅទៀត ពលរដ្ឋជប៉ុនមានបញ្ហាស្ត្រេសនឹងការងារច្រើនធៀបទៅនឹងបណ្តាប្រទេសផ្សេងទៀត ហើយការលំហែកំសាន្តក៏មិនសូវមានច្រើននោះដែរដោយក្នុងនោះសូម្បីតែការប្រើប្រាស់គ្រឿងស្រវឹងក៏បានបន្តធ្លាក់ចុះខ្លាំងគួរព្រួយបារម្ភ។
តួលេខដែលត្រូវបានរាយការណ៍ដោយភ្នាក់ងារពន្ធដារបស់រដ្ឋាភិបាលជប៉ុនបានបង្ហាញថា ពលរដ្ឋជប៉ុនគិតចាប់តាំងតែពីឆ្នាំ១៩៩៥រហូតមកដល់ឆ្នាំ២០២០មានការធ្លាក់ចុះខ្លាំងជាបន្តបន្ទាប់ពី ១០០លីត្រក្នុងមួយឆ្នាំមកត្រឹមតែ ៧៥លីត្រក្នុងមួយឆ្នាំសម្រាប់ពលរដ្ឋម្នាក់ៗ។ មិនត្រឹមតែបញ្ហាផលិតភាពដែលបង្កដោយសារបញ្ហានឿយហត់នឹងការងារប៉ុណ្ណោះទេ ការមិនទទួលទានគ្រឿងស្រវឹងក៏បានធ្វើឲ្យរដ្ឋាភិបាលជប៉ុនមានក្តីព្រួយបារម្ភដល់ការប៉ះពាល់នៃការប្រមូលពន្ធប្រចាំឆ្នាំរបស់រដ្ឋទៀតផង។
ពលរដ្ឋជប៉ុនជំនាន់ថ្មីទទួលទានគ្រឿងស្រវឹងដែលរួមមានទាំងស្រា និងស្រាបៀរផងដែរ បានធ្លាក់ចុះយ៉ាងខ្លាំង និងបានធ្វើឲ្យអត្រាប្រមូលពន្ធរបស់រដ្ឋាភិបាលជប៉ុនមានការធ្លាក់ចុះពី ៥ភាគរយធៀបទៅនឹងពន្ធដាទាំងអស់កាលពីឆ្នាំ១៩៨០មកត្រឹមតែ១,៧ភាគរយប៉ុណ្ណោះនៃពន្ធដាទាំងអស់ក្នុងឆ្នាំ២០២០។
ដោយសារមើលឃើញនូវបញ្ហាប្រឈមមុខបែបនេះហើយ កាលពីចុងឆ្នាំ២០២២កន្លងមកនេះ រដ្ឋាភិបាលជប៉ុនបានដាក់ចេញនូវយុទ្ធនាការជាច្រើនដើម្បីអាចកៀងគរពលរដ្ឋដែលមានវ័យក្មេងៗឲ្យនាំគ្នាមកទទួលទានគ្រឿងស្រវឹងវិញឲ្យបានច្រើនជាងមុនដោយក្នុងនោះមានដូចជាយុទ្ធនាការដែលមានឈ្មោះថា Sake Vival ជាដើម។
ទោះបីជាយ៉ាងណាក្តី មានការចេញផ្សាយពីសារព័ត៌មានជប៉ុនជាច្រើនទាំងការរិះគន់ និងការគាំទ្រចំពោះកិច្ចខិតខំនេះ ពីព្រោះពលរដ្ឋមួយចំនួនយល់ឃើញថា វាគឺជាសកម្មភាពដែលធ្វើឲ្យប៉ះពាល់ដល់សុខភាពច្រើនជាងអត្ថប្រយោជន៍ ប៉ុន្តែអ្នកជំនាញបានលើកឡើងថាមិនត្រឹមតែអាចប្រមូលពន្ធបានច្រើនឡើងវិញ ថែមទាំងបានកាត់បន្ថយស្ត្រេសនៅកន្លែងការងារ, បង្កើនអត្រាកំណើតឡើងវិញនោះទេ ផលិតកម្មផលិតស្រា និងស្រាបៀរនឹងអាចជួយបង្កើតការងារជូនពលរដ្ឋវ័យក្មេង ព្រមទាំងពង្រឹងសេវាកម្មថែរក្សាមនុស្សចាស់ផងដែរនៅក្នុងផ្នែកមួយនៃកញ្ចប់ថវិការដ្ឋ៕
Account
Security
Favourite Content