សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមការបញ្ជាក់របស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងពិធីចុះហត្ថលេខាលើកិច្ចព្រមព្រៀងក្របខណ្ឌសម្រាប់គម្រោងសាងសង់ផ្លូវល្បឿនលឿនភ្នំពេញ-បាវិត ជាមួយក្រុមហ៊ុនសាជីវកម្មស្ពាន ថ្នល់ចិន នៅព្រឹកថ្ងៃទី១០ វិច្ឆិកា២០២២បានឱ្យដឹងថា ផ្លូវល្បឿនលឿនទី២នេះគ្រោងនឹងបើកការដ្ឋានសាងសង់នៅឆ្នាំ២០២៣ខាងមុខដោយគ្រោងនឹងចំណាយថវិកាប្រមាណ១,៦៣ពាន់លានដុល្លារអាមេរិក ។
ឯកឧត្តមទេសរដ្ឋមន្ត្រីបានបន្តថា ផ្លូវល្បឿនលឿនភ្នំពេញ-បាវិត មានចំងាយសរុប ១៣៨គីឡូម៉ែត្រ និងធ្វើស្ពានឆ្លងទន្លេមេគង្គដ៏វែងមួយដែលគិតទាំងស្ពាន និងផ្លូវប្រហែលជា៥គីឡូម៉ែត្រ ហើយថវិកាដែលគ្រោងបណ្ដាក់ទុនប្រមាណ ១ ៦៣៨លានដុល្លារអាមេរិក បើធៀបនឹងផ្លូវល្បឿនលឿនភ្នំពេញ-ក្រុងព្រះសីហនុមានតំហំតិចជាងតែប្រវែងក៏ខ្លីជាងផ្លូវល្បឿនលឿនទី១ដែរ ។
ឯកឧត្តមបន្ថែមថា ផ្លូវនេះនឹងត្រូវបញ្ចប់នៅចុងឆ្នាំ២០២៦ ឬក៏ដើមឆ្នាំ២០២៧ ដែលគម្រោងផ្លូវនេះដែរនឹងជួយតភ្ជាប់ប៉ូលសេដ្ឋកិច្ចភ្នំពេញ ទៅកាន់បាវិត និងបន្តទៅកាន់ប្រទេសវៀតណាម និងប្រទេសអាស៊ានផ្សេងៗទៀត ។
លោក ថា ថេង ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តស្វាយរៀងបានឱ្យដឹងតាមទូរសព្ទថា វាជាដំណឹងល្អមួយដែលគម្រោងផ្លូវល្បឿនលឿនភ្នំពេញ-បាវិតនេះគ្រោងនឹងសាងសង់នៅឆ្នាំក្រោយ ហើយតាមរយៈផ្លូវនេះដែរ នឹងជំរុញសេដ្ឋកិច្ច ពាណិជ្ជកម្ម ការវិនិយោគនៅក្នុងខេត្តស្វាយរៀង ជាពិសេសនៅក្រុងបាវិតបានមួយកម្រិតទៀតផងដែរ ។ លោកបន្តថា ចាប់តាំងពីរាជរដ្ឋាភិបាលបានបង្ហាញពីគម្រោងផ្លូវល្បឿនលឿនភ្នំពេញ-បាវិតឃើញថា គម្រោងវិនិយោគដែលជាប់គាំងនៅក្នុងខេត្តស្វាយរៀងតាំងពីឆ្នាំ២០១៩មកនោះ បានចាប់ផ្ដើមដំណើរការឡើងវិញជាបន្តបន្ទាប់ ប៉ុន្តែដោយសារតែបណ្តាប្រទេសជិតខាង ក៏ដូចជាប្រទេសថៃគូអភិវឌ្ឍន៍ភាគច្រើនកំពុងតែប្រឈមនឹងវិបត្តិ ទើបមិនទាន់មានការវិនិយោគថ្មីៗ ធំៗ នៅក្នុងទឹកដីនៃខេត្តស្វាយរៀងនៅឡើយនោះទេ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content