សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងត្រីមាសទី១នៃឆ្នាំ២០២២នេះ អគ្គនាយកដ្ឋានពន្ធដារបានបំបែកឯតទគ្គកម្មជាប្រវត្តិសាស្ត្រ ដោយប្រមូលបានចំណូលពន្ធផ្ទៃក្នុងរហូតដល់ជាង ១ ២០០លានដុល្លារអាមេរិក ខណៈត្រីមាសទី១ ឆ្នាំ២០២១កន្លងទៅ ចំណូលរបស់ពន្ធដារទទួលបានត្រឹមតែ ១ ០៣២ លានដុល្លារអាមេរិក។ នេះបើតាមប្រសាសន៍សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្លែងក្នុងពិធីសម្ពោធស្ពានអាកាសនិងផ្លូវក្រោមដីចោមចៅនៅព្រឹកថ្ងៃទី៣១ ខែមីនា ឆ្នាំ២០២២នេះ ។
សម្ដេចតេជោ ហ៊ុន សែន បានមានប្រសាសន៍ថា កាលពីត្រីមាសទី១ ឆ្នាំ២០២១ ចំណូលពន្ធដារក្នុងខែមករា ចំនួន ២១៧លានដុល្លារ ខែកុម្ភៈ មានចំនួន២០០លានដុល្លារអាមេរិក និងខែមីនា ទទួលបានចំណូល ៦១៥លានដុល្លារអាមេរិក។ ដោយឡែកក្នុងឆ្នាំ២០២២នេះ ក្នុងខែមករា ពន្ធដាររកបានចំណូល ២៨៨ លានដុល្លារអាមេរិក ខែកុម្ភៈ ទទួលបាន២២៣លានដុល្លារអាមេរិក និងខែមីនាសម្រេចចំណូលពន្ធចំនួនជាង៧០០លានដុល្លារអាមេរិក ដូច្នេះបើប្រៀបធៀបត្រីមាសទី១ឆ្នាំនេះទៅនឹងឆ្នាំមុន ចំណូលពន្ធបានកើនលើសប្រមាណជាង២០០លានដុល្លារអាមេរិក ។
សម្ដេចតេជោបន្ថែមថា កំណើននៃចំណូលពន្ធនេះ បានកើនឡើងខ្ពស់នៅក្នុងខែមីនានេះ ដោយសារតែបណ្ដាក្រុមហ៊ុននានាត្រូវបង់ពន្ធលើប្រាក់ចំណេញ និងពន្ធនានាផ្សេងទៀត ដែលធ្វើឱ្យចំណូលពន្ធដារកើន ហើយក្នុងខែមីនានេះដែរ បើបូកជាមួយចំណូលពន្ធគយដែលមានចំនួនជាង២០០លានដុល្លារអាមេរិកទៀត ដូច្នេះក្នុងខែមីនា២០២២នេះ រដ្ឋាភិបាលទទួលបានប្រាក់ចំណូលរហូតដល់ជាង៩០០លានដុល្លារអាមេរិក ។ ក្នុងពេលជាមួយគ្នានេះ សម្ដេចតេជោបានបញ្ជាក់ថា ទោះបីជាក្នុងរយៈពេល៣ខែដំបូងនេះអាចទទួលបានចំណូលពន្ធខ្ពស់បែបនេះក្ដី តែមិនមែនមានន័យថាជំរុញឱ្យស្ថាប័ននានាបង្កើនការចាយលុយនោះទេ ពោលគឺត្រូវតែបន្តចាយវាយដោយសន្សំសំចៃដដែល តែគ្រាន់តែបញ្ជាក់ជូនថា កាលពីឆ្នាំមុនតម្រូវការចំណាយធំ តែចំណូលតិច ហើយដល់បើកសេដ្ឋកិច្ចឡើងវិញចំណាយក៏នៅតែធំដដែល៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន រឹតបន្តឹងការគ្រប់គ្រងលើអ្នកជំនាញ AI ដើម្បីសម្រេចគោលដៅ ៥ឆ្នាំ លើវិស័យផលិតកម្ម និងស្វ័យប្រវត្តិកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 27/05/2026
រដ្ឋាភិបាលចិន បានប្តេជ្ញាក្នុងការរឹតបន្តឹងលើការធ្វើដំណើរទៅក្រៅប្រទេសសម្រាប់អ្នកជំនាញផ្នែកបញ្ញាសិប្បនិម្មិត AI កម្រិតខ្ពស់នៅក្នុងវិស័យបច្ចេកវិទ្យា
ក្រសួងរៀបចំដែនដី កំពុងពន្លឿនការចុះបញ្ជីដីធ្លីឲ្យចប់រួចរាល់ក្នុងរយៈពេល ៦ខែខាងមុខនេះ
Top News, ព្រឹត្តិការណ៍, អចលនទ្រព្យ
• 27/05/2026
ក្រសួងរៀបចំដែនដី នគរូបនីយកម្ម និងសំណង់ រួមជាមួយនឹងក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ និងរដ្ឋបាលថ្នាក់ក្រោមជាតិ បានប្រជុំគ្នារិះរកវិធានការថ្មីៗបន្ថែមទៀត ដើម្បីពន្លឿនការរៀបចំឯកសារ និងការចេញបណ្ណកម្មសិទ្ធិដីធ្លីជូនប្រជាពលរដ្ឋ
តម្លៃទីផ្សាររបស់ក្រុមហ៊ុនផលិតឈីបកូរ៉េខាងត្បូង SK Hynix កើនឡើងជាង ១ ទ្រីលានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 27/05/2026
តម្លៃទីផ្សាររបស់ក្រុមហ៊ុនផលិតឈីបកូរ៉េខាងត្បូង SK Hynix កើនឡើងលើស ១ ទ្រីលានដុល្លារ ដោយសារតម្រូវការខ្ពស់នៃបន្ទះឈីបបញ្ញាសិប្បនិម្មិត AI។
ប្រព័ន្ធវិក្កយបត្រអេឡិចត្រូនិកកម្ពុជា ជាឧបករណ៍គន្លឹះក្នុងការលើកកម្ពស់តម្លាភាពសេដ្ឋកិច្ចនិងធុរកិច្ច
ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
ការធ្វើទំនើបកម្មប្រព័ន្ធគ្រប់គ្រងហិរញ្ញវត្ថុ និងពន្ធដារនៅកម្ពុជា បានឈានដល់ជំហានរបត់ថ្មីមួយទៀត តាមរយៈការដាក់ឱ្យអនុវត្តកាន់តែទូលំទូលាយនូវ «ប្រព័ន្ធវិក្កយបត្រអេឡិចត្រូនិកកម្ពុជា»
កម្ពុជា ត្រូវបានចាត់ចូលក្នុងបញ្ជីទេសចរណ៍ពិភពលោកល្អបំផុតនៅរដូវកាលបៃតង ឆ្នាំ២០២៦
Top News, ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
កម្ពុជា ជាប្រទេសមួយក្នុងចំណោមប្រទេសគោលដៅទេសចរណ៍អាស៊ីអាគ្នេយ៍ចំនួនពីរ ដែលត្រូវបានចាត់ចូលក្នុងបញ្ជីទេសចរណ៍ល្អបំផុតក្នុងរដូវកាលបៃតង (Green Season) ឆ្នាំ២០២៦ របស់ទស្សនាវដ្តី Wanderlust នៃចក្រភពអង់គ្លេស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content