សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សម្រាប់ការបោះឆ្នោតជ្រើសតាំងតំណាងរាស្រ្តអាណត្តិទី៧ ដែលបានប្រព្រឹត្តទៅកាលពីថ្ងៃទី ២៣ ខែកក្កដា ឆ្នាំ២០២៣ កន្លងទៅនេះ ក្រសួងការបរទេស និងសហប្រតិបត្តិការអន្តរជាតិ នៅមួយថ្ងៃបន្តាប់បានឱ្យដឹងថា ការបោះឆ្នោតសកលឆ្នាំ២០២៣នេះ បានឆ្លុះបញ្ចាំងយ៉ាងពិតប្រាកដពីភាពចាស់ទុំខាងប្រជាធិបតេយ្យរបស់កម្ពុជា។ ភាពចាស់ទុំខាងប្រជាធិបតេយ្យនេះស្ដែងចេញតាមរយៈចំនួនអ្នកចូលរួមបោះឆ្នោតដ៏ច្រើនលើសលប់ និងធម្មានុរូបនៃការបោះឆ្នោត ហើយកម្ពុជានៅតែប្រកាន់ខ្ជាប់នូវការប្តេជ្ញាចិត្តឥតងាករេរបស់ខ្លួនចំពោះពហុបក្សនយោបាយ និងប្រជាធិបតេយ្យប្រកបដោយសន្តិភាព។
ក្រសួងដដែលបានឱ្យដឹងទៀតថា អ្នកបោះឆ្នោតជាង ៨,២ លាននាក់ បានប្រើប្រាស់សិទ្ធិរបស់ពួកគេស្របតាមរដ្ឋធម្មនុញ្ញ ក្នុងការជ្រើសរើសគណបក្សនយោបាយ និងអ្នកដឹកនាំនាពេលអនាគត ដែលពួកគេជឿថា អាចដឹកនាំប្រទេសជាតិបានប្រសើរបំផុត នៅលើមាគ៌ាសន្តិភាព ស្ថិរភាព និងការអភិវឌ្ឍសង្គម-សេដ្ឋកិច្ច។
យ៉ាងណាមិញ អត្រាអ្នកចូលរួមបោះឆ្នោត ៨៤,៥៨% ដែលលើសពីអត្រាអ្នកចូលរួមនៃការបោះឆ្នោតជាតិចំនួនបួនលើកកន្លងមក ចាប់តាំងពីឆ្នាំ២០០៣ គឺជាការបង្ហាញយ៉ាងច្បាស់នូវភាពរស់រវើក នៃប្រជាធិបតេយ្យរបស់កម្ពុជា និងឆ្លុះបញ្ចាំងពីការជឿទុកចិត្តរបស់ប្រជាពលរដ្ឋក្នុងដំណើរការបោះឆ្នោត។
តាមរយៈភាពចាស់ទុំរបស់កម្ពុជាលើប្រព័ន្ធគ្រប់គ្រងបែបប្រជាធិបតេយ្យបែបនេះ នាំឱ្យអ្នកជំនាញសេដ្ឋកិច្ច អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានដាក់ក្ដីរំពឹងថា សេដ្ឋកិច្ចកម្ពុជាទៅថ្ងៃខាងមុខនឹងកាន់តែល្អប្រសើរ។ ល្អប្រសើរព្រោះ កាលណាប្រជាជនក្នុងស្រុកមានការយល់ដឹងពីច្បាប់ និងសិទ្ធិសេរីភាព កាន់តែច្បាស់ វិនិយោគិនក៏មានទំនុកចិត្តក្នុងការចូលមកបណ្ដាក់ទុនផងដែរ។
ម្យ៉ាងទៀត ក្រោមការដឹកនាំរបស់រដ្ឋាភិបាលជំនាន់ក្រោយ ដែលសុទ្ធសឹងតែជាបញ្ញាវ័ន្ដ និងជាអ្នកមានចំណេះដឹងជ្រៅជ្រះ អ្នកឧកញ៉ាមានសុទិដ្ឋិនិយមថា កម្ពុជានឹងអាចសម្រេចបានជាប្រទេស មានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលកម្រិតខ្ពស់នៅឆ្នាំ២០៥០។
ជាផ្នែកមួយដែលឆ្លុះបញ្ចាំងពីទំនុកចិត្តរបស់ប្រជាជនកម្ពុជាទៅលើការបោះឆ្នោតនាអាណត្តិទី៧នេះដែរគឺ វិស័យធនាគារ។ លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា (ACELEDA Bank Plc) បានឱ្យដឹងថាធនាគារបានវាស់ស្ទង់ទំនុកចិត្តរបស់ប្រជាជនតាមរយៈការដាក់ប្រាក់បញ្ញើសន្សំក្នុងធនាគារមានការកើនឡើង ហើយក៏មិនមានអ្នកសម្រុកដកប្រាក់ដូចកាលបោះឆ្នោតអាណត្តិទី៦ ឆ្នាំ២០១៨នោះដែរ។
លោកបណ្ឌិតបានបញ្ជាក់ថា ជាឧទាហរណ៍ក្នុងអំឡុងពេលនៃការបោះឆ្នោតឆ្នាំ២០១៣ ដែលកាល ណោះប្រជាជននាំគ្នាសម្រុកដកប្រាក់ចេញពីធនាគារអស់ក្នុងចំនួនដ៏ច្រើន ត្រឹមតែរយៈពេល ២សប្ដាហ៍មុនបោះឆ្នោតប៉ុណ្ណោះ។ រីឯការបោះឆ្នោតឆ្នាំ២០១៨ ថ្វីត្បិតថាមិនមានការសម្រុកដកប្រាក់ក្ដី ប៉ុន្តែក៏មិនមានការកើនឡើងនៃបញ្ញើសន្សំនោះដែរ។ ដោយឡែក ឆ្នាំ២០២៣នេះ ប្រាក់បញ្ញើសន្សំនៅតែមានកំណើនកើនគួរឱ្យកត់សម្គាល់ ដោយមានអាត្រាជាង ៨%ក្នុងរយៈពេល៦ខែ។ គិតតែក្នុងខែមិថុនា មានប្រាក់បញ្ញើសន្សំ ចំនួន ៦៧៤០លានដុល្លារសហរដ្ឋអាមេរិក៕
Account
Security
Favourite Content