ក្រុមការងារជំរុញការវិនិយោគនៅប៉ែកឦសាន ចុះត្រួតពិនិត្យ និងវាយតម្លៃគម្រោងវិនិយោគចំនួន៧ ក្រោយស្នើ​សុំ​គោលការណ៍​ពិសេស

យោងតាមសេចក្ដីប្រកាសព័ត៌មាន​របស់ក្រុមការងារ​ជំរុញការ​វិនិយោគក្នុងភូមិភាគឦសានបាន​បង្ហាញថា ការចុះពិនិត្យ​ និងវាយតម្លៃគម្រោង​វិនិយោគដែលបានស្នើសុំ​គោលការណ៍លើកទឹកចិត្តពិសេស​ទាំង៧គម្រោងនេះ ក្នុង​គោលបំណងពិនិត្យ និងពិភាក្សាជាមួយវិនិយោគិន/ធុរជន ដែលបានស្នើសុំគោលការណ៍លើកទឹកចិត្តពិសេស ដោយស្នើធ្វើបទបង្ហាញគម្រោងវិនិយោគ, ផែនការគម្រោងវិនិយោគ, សក្តានុពល បញ្ហាប្រឈមនៃគម្រោងវិនិយោគ និងការស្នើសុំកិច្ចសម្របសម្រួលពាក់ព័ន្ធផ្សេងៗ ពី ក.វ.ឦ​សា​ន និងបានចុះទៅដល់ទីតាំងផ្ទាល់របស់ក្រុមហ៊ុន/សហគ្រាស ដែលបានស្នើសុំការលើកទឹកចិត្តពិសេស ដោយមានការអញ្ជើញចូលរួមពីក្រុមការងារ ក.វ.ឦសាន, រដ្ឋបាលខេត្តក្រចេះ ខេត្តស្ទឹងត្រែង ខេត្តរតនគិរី និងមន្ត្រីជំនាញពាក់ព័ន្ធ ។

លោក ម៉ៅ បូរាណ នាយករង​វិទ្យាស្ថានសេដ្ឋកិច្ច​ និងហិរញ្ញវត្ថុ និងជាទីប្រឹក្សា​ក្រុមការ​ងារជំរុញការ​វិនិយោគក្នុងភូមិភាគឦសាន​​ បានគូសរំលេចអំពីអត្ថប្រយោជន៍នៃកម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា ឆ្នាំ២០២៥-២០២៨ ដែលមានគោលដៅជំរុញការវិនិយោគតាមរយៈការផ្តល់លើកទឹកចិត្តពិសសេស ការអនុគ្រោះ និងការសម្របសម្រួលនីតិវិធី ដែលមានសក្តានុពលលើវិស័យកសិកម្ម, កសិ-ឧស្សាហកម្ម, និងវិស័យទេសចរណ៍ ជាពិសេសការ ដោះស្រាយបញ្ហាប្រឈមជាកញ្ចប់នៅហ្នឹងកន្លែងតាមរយៈការអនុវត្តយន្តការ «ច្រកចេញចូលតែមួយ» និង ស្របតាមអភិក្រម “ជវភាពនៃប្រព័ន្ធតួអង្គតែមួយ” ។

លោកបានលើកឡើងអំពីការយកចិត្តទុកដាក់ខ្ពស់លើស្ថានភាពវិនិយោគក្នុងភូមិភាគឦសាន របស់ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី ប្រធានក្រុមការងារ ក.វ.ឦសាន ដែលជានិច្ចកាលតែងតែណែនាំឱ្យក្រុមការងារ ចុះជាប់ជាប្រចាំជាមួយវិនិយោគិន នៅទីតាំងវិនិយោគផ្ទាល់ ដើម្បីក្តាប់ឱ្យបាននូវសុខទុក្ខរបស់វិនិយោគិន និង ចូលរួមផ្តល់ការគាំទ្រ​ សម្របសម្រួលគ្រប់បែបយ៉ាងដល់វិនិយោគិន និង ធុរជន ។

គួរ​បញ្ជាក់ថា​ គម្រោ​ងវិនិយោគចំនួន១៧ ដែលបានស្នើ​សុំ​វិនិយោគនៅភូមិ​ភាគឦសាន​ មានទុនវិនិយោគប្រមាណ ១៣៤,៥០ លានដុល្លារអាមេរិក អាចបង្កើតការងារជូនប្រជាពលរដ្ឋប្រមាណ ១៨៥០កន្លែង ។ គម្រោងទាំង​នោះរួមមានគម្រោងវិនិយោគ ១.ក្រុមហ៊ុន ធី.ធី.ភី.គ្រុប (TTPGROUP Co.,LTD.) ស្នើសុំរៀបចំបណ្តុំសហគ្រាសធុនតូច និងមធ្យម (SME Cluster) ក្នុងខេត្តមណ្ឌលគិរី,ខេត្តស្ទឹងត្រែង និងខេត្តក្រចេះ ។ ២. ក្រុមហ៊ុន ឃ្យូរ-ធីស៊ីភី អ៊ិនណូវេសិន (Q-TCP INNOVATION Co.,LTD.) ស្នើសុំវិនិយោគលើ វិស័យកសិកម្ម – កសិឧស្សាហកម្ម ក្នុងខេត្តរតនគិរី ៣.ក្រុមហ៊ុន អាយ7 រ៉េនច៍ ខេមបូឌា (I7 RANCH CAMBODIA Co.,LTD.) ស្នើសុំវិនិយោគលើ វិស័យកសិកម្ម – កសិឧស្សាហកម្ម ក្នុងខេត្តរតនគិរី ។​ ៤.ក្រុមហ៊ុន  ហ៊្សឺ ជឺ ហ្សាន អេហ្គ្រីខលឈ័រ (Shi Zi Shan Agriculture) ស្នើសុំវិនិយោគបង្កើតរោងចក្រកែច្នៃធុរេន និង ដាំដុះដំណាំធុរេន ក្នុងខេត្តស្ទឹងត្រែង ។ ៥.ក្រុមហ៊ុន  ដូវទឺសាយហ្គន-ប៊ិញហ្វឿក អេស ប៊ី ខេ (DAUZ TU SAIGON-BINH PHUOC S.B​​.​​K CO.,LTD.) ស្នើសុំវិនិយោគដំណាំកសិឧស្សាហកម្ម និងកៅស៊ូ ក្នុងខេត្តក្រចេះ ៦.ក្រុមហ៊ុន  ភូរៀង ក្រចេះ អភិវឌ្ឍន៍កៅស៊ូ (PHU RIENG KRATIE APHIVATH CAOUTCHOUC  CO.,LTD.) ស្នើសុំវិនិយោគដំណាំកសិឧស្សាហកម្ម និងកៅស៊ូ ក្នុងខេត្តក្រចេះ ។ ៧.ក្រុមហ៊ុន  វៀតណាម(កម្ពុជា) អ៊ិខននើមីត្រេដអែនអ៊ិនដាសស្ទ្រីខមភេនីលីមីធីត(វីខេតធី)(VIETNAM (KAMPUCHEA) ECONOMY TRADE AND INDUSTRY COMPANY LIMITED (VKETI)  CO.,LTD.) ស្នើសុំវិនិយោគដំណាំកសិឧស្សាហកម្ម និងសាងសង់រោងចក្រកែច្នៃកៅស៊ូ ក្នុងខេត្តក្រចេះ ។

លោក ម៉ៅ បូរាណ បានបញ្ជាក់​បន្ថែមថា ការចុះត្រួតពិនិត្យ និងវាយតម្លៃគម្រោងវិនិយោគនៅទីតាំងវិនិយោ​គផ្ទាល់ គឺជាសកម្មភាពដ៏សំខាន់មួយរបស់ ក.វ.ឦសាន ដើម្បីផ្តល់ភាពកក់ក្តៅដល់វិនិយោគិនដែលមានស្រាប់ ប្រយោជន៍ដើម្បីលើកទឹកចិត្តវិនិយោគិនឱ្យបន្ត ឬពង្រីកបន្ថែមគម្រោងវិនិយោគរបស់ខ្លួន, ជំរុញវិនិយោគិនបង្កើនតម្លៃបន្ថែមនៃខ្សែច្រវាក់ផលិតកម្មរបស់ខ្លួន ឆ្ពោះទៅរកឧស្សាហកម្មកែច្នៃ ដោយប្រើប្រាស់វត្ថុធាតុដើមក្នុងស្រុក, លើកទឹកចិត្តឱ្យមានការបណ្តុះបណ្តាល និងផ្ទេរជំនាញដល់កម្មករខ្មែរ, ក៏ដូចជាផ្សព្វផ្សាយបន្តនូវសក្តានុពល និង កាលានុវត្តភាពវិនិយោគ នៃតំបន់ភូមិភាគឦសាន ។

លោក​ថា មួយរយៈចុងក្រោយនេះ​ តំបន់ភូមិភាគឦសានមានការកើនឡើងជាបន្តបន្ទាប់លើការស្នើគម្រោងវិនិយោគ និងការផ្តល់គោលការណ៍វិនិយោគ ស្ថិតក្នុងក្របខណ្ឌកម្មវិធីពិសេសជំរុញការវិនិយោគក្នុងភូមិភាគឦសាន ។ វិនិយោគិន ក៏មានសំ​ណើ​លើតម្រូវការដីធ្លីសក្តានុពលក្នុងខេត្តទាំងបួន សម្រាប់គម្រោងវិនិយោគដើម្បីបង្កើតតំបន់បណ្តុំសហគ្រាសធុនតូច និង មធ្យម ឬ ហៅថា SME Cluster ដែលការដាំដុះដំណាំកសិកម្ម ការបង្កើតរោងច​ក្រ តំបន់សេដ្ឋកិច្ចពិសេស និងការបង្កើតតំបន់ទេសចរណ៍ ដែលនឹងបង្កើតការងារ ការផ្ទេរចំណេះ-ជំនាញ និងបច្ចេកវិទ្យាជាដើម ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​


Leave a Reply

Your email address will not be published.Required fields are marked *