សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិបត្តិកូវីដ បានធ្វើឲ្យពិភពលោកទទួលរងផលប៉ះពាល់ផ្នែកសេដ្ឋកិច្ចយ៉ាងធ្ងន់ធ្ងរ ដោយក្នុងនោះមិនថាចំពោះប្រទេសអភិវឌ្ឍ និងរីកចម្រើនប៉ុណ្ណានោះទេ បូករួមទាំងអាមេរិក និងចិនផងដែរ បើទោះជាស្ថានភាពល្អប្រសើរចាប់ផ្តើមដំណើរការឡើងវិញបន្តិចក្រោយពេលដែលវ៉ាក់សាំងត្រូវបានចែកចាយគ្រប់ទីកន្លែងក៏ដោយ។
ស្ថិតនៅក្នុងដំណាក់កាលកំពុងព្យាបាលរបួសនៅឡើយនោះ ពិភពលោកបែរជាបានធ្លាក់ចូលទៅក្នុងវិបត្តិដ៏ធំមួយទៀត និងបានកំពុងតែទាញឲ្យការងើបឡើងវិញនៃសេដ្ឋកិច្ចត្រូវបានរាំងស្ទះ។ វិបត្តិថាមពល និងវិបត្តិស្បៀងអាហារដែលបណ្តាមកពីជម្លោះដោយយោធារវាងអ៊ុយក្រែន និងរុស្ស៊ី បានធ្វើឲ្យបញ្ហាអតិផរណា និងការកើនឡើងថ្លៃនៃវិស័យដឹកជញ្ជូនទំនិញនៅទូទាំងពិភពលោកកំពុងជួបផលលំបាកស្ទើរងើបខ្លួនមិនរួច។
នៅក្នុងដំណាក់កាលនេះ បណ្តាប្រទេសនៅលើពិភពលោកទាំងមូលកំពុងនាំគ្នារវល់ និងតាមដានស្ថានភាពសេដ្ឋកិច្ចសកលយ៉ាងខ្លាំងពីព្រោះថាមកដល់ពេលនេះមានប្រទេសមិនតិចឡើយកំពុងជួបទុក្ខលំបាក ស្ទើរដោះស្រាយមិនរួចនៅឡើយ។ ជាក់ស្តែងដូចជាវិបត្តិអតិផរណានៅអាមេរិក វិបត្តិថាមពលនៅអឺរ៉ុប វិបត្តិសេដ្ឋកិច្ចនៅស្រីលង្កាជាដើមនោះ ប៉ុន្តែក្នុងពេលដំណាលគ្នានេះមានអ្នកជំនាញមួយចំនួនបានធ្វើការលើកឡើងអំពីក្តីបារម្ភដ៏ធំមួយទៀតរបស់ខ្លួនសម្រាប់ពិភពលោកផងដែរ នោះគឺជាវិបត្តិសង្គ្រាមត្រជាក់នៃការប្រកួតប្រជែងសព្វាវុធរវាងមហាអំណាចរុស្ស៊ី និងមហាអំណាចលោកខាងលិច ជាពិសេសសហរដ្ឋអាមេរិកតែម្ដង។
កាលពីសម័យសង្គ្រាមត្រជាក់រវាងសហភាពសូវៀត និងអាមេរិកដល់ចំណុចកំពូលមួយដែលក្បាលគ្រាប់នុយក្លេអ៊ែរសរុបរបស់ពួកគេមានរហូតទៅដល់ជាង ៦០ ០០០គ្រាប់ ប៉ុន្តែក្រោយមកចំនួននេះបានធ្លាក់ចុះមកវិញត្រឹមតែ ១១ ០០០គ្រាប់ប៉ុណ្ណោះនៅពេលបច្ចុប្បន្នដោយសារតែការសម្របទៅតាមកិច្ចព្រមព្រៀងអាវុធមួយចំនួនដោយមហាអំណាចទាំងពីរ ខណៈដែលអាវុធប្រល័យលោកបែបនេះមានត្រឹមតែ១០០គ្រាប់ប៉ុណ្ណោះ គឺអាចធ្វើឲ្យពិភពលោកប្រឈមមុខទៅនឹងគ្រោះថ្នាក់មិនអាចនឹកស្មានដល់ ដែលវិនាសទាំងធម្មជាតិ និងមនុស្សជាតិ ។
ABC News បានធ្វើការស្រាវជ្រាវស៊ីជម្រៅមួយស្តីអំពីសកម្មភាពអភិវឌ្ឍ និងផលិតអាវុធរវាងប្រទេសទាំងពីរ ដោយរុស្សីបានធ្វើការប្រើប្រាស់មីស៊ីលប្រភេទគ្រោះថ្នាក់បំផុតមួយរបស់ពិភពលោកដែលត្រូវបានគេស្គាល់ថាជាមីស៊ីលប្រភេទលឿនជាងសម្លេង ឬ Hypersonic Missile នៅក្នុងការប្រយុទ្ធជាមួយនឹងអ៊ុយក្រែន ហើយអាមេរិកមានប្រតិកម្មយ៉ាងខ្លាំងដោយក្នុងនោះសមាជិកសភារបស់អាមេរិកមួយចំនួនបានធ្វើការរិះគន់រដ្ឋាភិបាលវ៉ាស៊ីនតោនថាកំពុងដើរក្រោយបច្ចេកវិទ្យាអាវុធរបស់រុស្ស៊ី។
ជាលទ្ធផលនៅក្នុងឆ្នាំ២០២២នេះ ក្រសួងការពារជាតិអាមេរិកបានធ្វើការស្នើសុំកញ្ចប់ថវិកាដល់ ៤,៧ពាន់លានដុល្លារសម្រាប់តែកិច្ចការងារស្រាវជ្រាវ និងអភិវឌ្ឍមីស៊ីលប្រភេទ Hypersonic បន្ថែមពីលើកញ្ចប់លុយដែលធ្លាប់ស្នើសុំកាលពីឆ្នាំកន្លងទៅ ៣,៨ពាន់លានដុល្លារ ។
ជាមួយនឹងវត្តមាន Hypersonic Missile ត្រូវបានអ្នកជំនាញជាច្រើននាក់បង្ហាញពីក្តីបារម្ភថា នឹងក្លាយទៅជាកត្តាជំរុញឲ្យមានការប្រកួតប្រជែងផ្នែកសព្វាវុធសាជាថ្មីរវាងអាមេរិក និងរុស្ស៊ី ហើយក៏ជាអាវុធដ៏គ្រោះថ្នាក់បំផុតមួយមិនទាន់មានច្បាប់ ឬកិច្ចព្រមព្រៀងណាអាចកំណត់ និងគ្រប់គ្រងទៅលើចំនួនរបស់វានៅឡើយ។ មូលហេតុនេះហើយដែល Hypersonic Missile បច្ចុប្បន្នកំពុងត្រូវបានអភិវឌ្ឍ និងផលិតដោយគ្មានការរារាំងណាមួយពីអន្តរជាតិឡើយ ហើយក្នុងនោះមានដូចជា អឺរ៉ុប ជប៉ុន ឥណ្ឌា អឺរ៉ាក់ អ៊ីស្រាអ៊ែល កូរ៉េខាងត្បូង ប្រេស៊ីល អូស្ត្រាលី ជាពិសេសកូរ៉េខាងជើង សុទ្ធតែជាប្រទេសដែលមានបំពាក់អាវុធប្រភេទនេះក្រៅតែពីអាមេរិក និងរុស្ស៊ី។
Hypersonic Missile មានភាពគ្រោះថ្នាក់ខុសពីមីស៊ីលឆ្លងទ្វីប Intercontinental Ballistic Missile (ICBM) ទោះបីជាមានល្បឿនយឺតជាងក្តី។ ICBM ធ្វើដំណើរលឿន ប៉ុន្តែត្រង់ស្របទៅនឹងទំនាញរបស់ផែនដីដែលមានន័យថា សត្រូវអាចចាប់ចំណុចបាន និងបង្កើតប្រព័ន្ធការពារបាន ប៉ុន្តែខុសពី ICBM ត្រង់ប្រព័ន្ធមីស៊ីល Hypersonic Missile ដែលត្រូវបានបែកចែកទៅជា២ប្រភេទទៀតនោះមានសមត្ថភាពពិសេសដែលអាចគេចចេញពីប្រព័ន្ធការពារឡើងចុះក្នុងល្បឿនកម្រិត 5 Mach ឬ៥ដងលឿនជាងល្បឿនសម្លេងព្រមទាំងចំគោលដៅយ៉ាងមានប្រសិទ្ធភាពដែលក្រុមអ្នកជំនាញបានអះអាងថាមកដល់ពេលនេះគឺជាអាវុធដែលពិបាកនឹងការពារបំផុត។ លើសពីនេះ Hypersonic Missile អាចបំពាក់មកជាមួយនឹងក្បាលគ្រាប់នុយក្លេអ៊ែរបានថែមទៀតផង។ ប្រការនេះ អ្នកជំនាញមួយចំនួន បានយល់ឃើញថា ក្នុងករណីដែលភាគីណាមួយប្រើប្រាស់អាវុធនេះមានន័យថាគេមិនចង់ឲ្យសត្រូវអាចឆ្លើយតបមកវិញភ្លាមជាមួយនឹងអាវុធដូចគ្នានេះទេ ដូចនេះការសម្រេចចិត្តណាមួយសម្រាប់ភាគីទាំងសងខាងគឺពិតជាគ្រោះថ្នាក់ និងមានឥទ្ធិពលអាក្រក់បំផុតចំពោះពិភពលោកជាក់ជាមិនខាន៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content