សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រៃវែង ៖ ក្នុងគោលបំណងជំរុញ និងធ្វើពិពិធកម្មលើវិស័យដាំដុះស្រូវ អង្ករ ដែលមានគុណភាព សម្រាប់តម្រូវតាមស្ដងដារ និងការនាំចេញ ក្រសួងកសិកម្ម រុក្ខាប្រមាញ់ និងនេសាទ រួមជាមួយនឹងអ្នកជំនាញក្នុងវិស័យឯកជន ក៏ដូចជាអង្គការដែលជាដៃគូអភិវឌ្ឍន៍បានសិក្សា និងឈានដល់ការអនុវត្តក្នុងជំហានសាកល្បងទៅលើប្រភេទពូជស្រូវថ្មីៗមួយចំនួន ដែលរំពឹងថា អាចតម្រូវតាមស្ដង់ដារទីផ្សារបាន។
ជាក់ស្ដែង កាលពីថ្ងៃទី០៨ ខែកញ្ញា ឆ្នាំ២០២៤ កន្លងទៅនេះ លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB ) និងសហការី បានអញ្ជើញចុះពិនិត្យមើលការប្រមូលផលស្រូវពូជ ( OM 5451) ដែលទើបសាកល្បងដាំដុះ នៅរោងម៉ាស៊ីនកិនស្រូវ ឈិត ប៊ុនថន ដែលមានទីតាំងស្ថិតនៅភូមិក្រចាប ឃុំព្រៃខ្លា ស្រុកស្វាយអន្ទរ ខេត្តព្រៃវែង។
លោកបណ្ឌិត កៅ ថាច ក្នុងដំណើរពិនិត្យមើលការផលិតសាកល្បងស្រូវពូជ (OM 5451) និងបានវាយតម្លៃជាក់ស្តែងពីការប្រមូលផលស្រូវពូជ OM 5451 របស់លោក ឈិត ប៊ុនថន នៅស្រុកស្វាយអន្ទរ ដោយកសិករទទួលបានទិន្នផល ៧,៥ តោន ក្នុង ១ហិកតា។ បើទូទាត់ការចំណាយរួចអាចសល់បានចន្លោះពី៥លានរៀលទៅ៦លានរៀលក្នុង១ ហិកតា។
សូមបញ្ជាក់ដែរថា បច្ចុប្បន្ន តម្លៃស្រូវកសិករលក់នៅវាលស្រែ ក្នុងឃុំព្រៃខ្លា ស្រុកស្វាយអន្ទរ អាចលក់បានតម្លៃ ៩៩០រៀល ក្នុង១គីឡូក្រាម និងលក់ឱ្យរោងម៉ាស៊ីនបានតម្លៃ ១០៣០រៀល ទៅ១០៥០រៀល ក្នុង១គីឡូក្រាម ទៅតាមគុណភាពស្រូវ។
បច្ចុប្បន្នរោងម៉ាស៊ីនកិនស្រូវ ឈិត ប៊ុនថន កំពុងតែប្រមូលទិញស្រូវឱ្យបានច្រើនពីប្រជាពលរដ្ឋមកពីគ្រប់មជ្ឈដ្ឋានក្នុងខេត្តព្រៃវែង រួមមានប្រភេទស្រូវ (OM 5451) ដែលកំពុងមានតម្រូវការទីផ្សារខ្លាំង ហើយរោងម៉ាស៊ីន ក៏បានបន្តជំរុញដល់កសិករក្នុងការដាំដុះស្រូវសែនក្រអូបផងដែរ ដើម្បីឱ្យស្របទៅនឹងការអំពាវនាវលើកទឹកចិត្តប្រជាកសិករឱ្យងាកមកដាំពូជស្រូវសែនក្រអូប០១ ដោយសារពូជនេះផ្ដល់ទិន្នផលខ្ពស់ ជាពិសេស វាមានតម្លៃខ្ពស់នៅលើទីផ្សារជាតិ និងអន្តរជាតិ។
សូមជម្រាបដែរថា យោងតាមមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានឱ្យដឹងថា គិតត្រឹមថ្ងៃទិ១៨ ខែសីហា ឆ្នាំ២០២៤ បរិមាណស្រូវនាំចេញក្រៅផ្លូវការ ទៅប្រទេសវៀតណា តាមច្រកនានាក្នុងភូមិសាស្ត្រខេត្តព្រៃវែង មានបរិមាណ ១ ៦២៤ ០៤២តោន (ចាប់គិតពីថ្ងៃ០១ ខែមករា ឆ្នាំ២០២៤ ដល់ថ្ងៃទី១៨ ខែសីហា ឆ្នាំ២០២៤) ។ រីឯតម្លៃនាំចេញជាមធ្យម១,០១០រៀល ដល់តម្លៃ១,២២៥រៀលក្នុងមួយគីឡូក្រាម៕
Account
Security
Favourite Content