ក្រុមហ៊ុនធំៗ​របស់​វៀតណាម​ចំនួន​៦ បង្ហាញពី​គម្រោង​ចូលមកវិនិយោគ​នៅ​កម្ពុជា​បន្ថែម

ភ្នំពេញ ៖​ ក្រុមហ៊ុន​របស់​ប្រទេស​វៀតណាម​ចំនួន​៦ ដែលសុទ្ធតែជាក្រុមហ៊ុនធំៗ​បានបង្ហាញពី​បំណង​ចូល​មក​​ពង្រីក​ការ​វិនិយោគ​បន្ថែម​នៅក្នុ​ងប្រទេស​កម្ពុជានា​ពេល​ឆាប់ៗ​ខាង​មុខ​នេះ។ ​​ក្រុមហ៊ុន​ធំៗ​ដែល​បង្ហា​ញ​ពី​បំណង​ចូលមក​វិនិយោគនៅកម្ពុជា​ទាំង​នោះមានជា​ក្រុមហ៊ុន​កសិកម្ម ក្រុមហ៊ុន​បច្ចេកវិទ្យា អាកាសចរណ៍​ ឧ​ស្សាហកម្មយានយន្ត​ ធនាគារជាដើម ។​ នេះ​បើតាម​សេចក្ដី​ប្រកាស​ព័ត៌មាន​ទី​ស្ដីកា​រគណៈរដ្ឋមន្ត្រីក្រោយកិច្ច​ដំណើរទស្សន​កិច្ច​របស់​សម្ដេច​ធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជានៅប្រទេស​វៀតណាម ។

នៅក្នុង​សេចក្ដី​ប្រកាស​ព័ត៌មាន​បានបង្ហាញ​ក្រុមហ៊ុន​ចំនួន​៦​ដែលបានជួបជាមួយ​សម្ដេចធិបតី​ និង​បានជម្រាប​ជូនសម្ដេចធិបតី​ពីគោល​បំណង​ចូលមក​ពង្រីកការ​វិនិយោគ​របស់ខ្លួន​នៅ​កម្ពុ​ជា រួមមាន ក្រុមហ៊ុន Viettel ដែ​ល​​មាន​ប្រតិបត្តិការ​សេវាទូរសព្ទ​ និងអ៊ីន​ធើណេត​នៅកម្ពុជា ក្រុមហ៊ុន​ អាកាស​ចរណ៍​ VietJet Group ក្រុម​ហ៊ុន​​សម្ព័ន្ធឧស្សាហកម្ម​កៅស៊ូវៀតណាម ធនាគារ​វិនិយោគ​ និងអភិវឌ្ឍន៍​វៀតណាម​ ក្រុមហ៊ុន​Thaco និង​ក្រុម​ហ៊ុន​ Vingroup Corporation ។​

ក្រុមហ៊ុន​ទាំង​នេះ​បានបង្ហាញពី​ឆន្ទៈ​ក្នុងការ​ពង្រីក​គម្រោង​វិនិយោគដែល​មានស្រាប់​ និងបំណង​ដាក់ទុន​វិនិ​យោគ​​ថ្មីៗ​បន្ថែម​ទៀត​នៅកម្ពុជា ។​

សម្ដេច​ធិបតី ហ៊ុន ម៉ាណែត ក៏បាន​សាទរ​ភាពរីកចម្រើនរបស់​ក្រុមហ៊ុន​ទាំងនោះ ទាំង​នៅ​ប្រទេស​វៀតណាម​ និង​ប្រទេស​កម្ពុជា ហើយ​សម្ដេច​ធិបតី​ក៏បានលើ​ក​ទឹកចិត្ត​ដល់​ក្រុមហ៊ុនទាំង​៦ ពង្រីក​ការ​វិនិយោគ​ថ្មីៗ​បន្ថែម​ទៀត ខណៈ​កម្ពុជា​បាន និងកំពុង​ផ្ដល់​នូវ​បរិយាកាស​វិនិយោគ​យ៉ាង​អំណោយ​ផល​ ជាពិសេស​តាមរយៈ​ច្បាប់​វិនិយោគថ្មីរបស់​ព្រះរាជាណាចក្រកម្ពុជា ។​

ឯកឧត្តម ​ស៊ុន ចាន់ថុល​ ឧបនាយករដ្ឋមន្ត្រី និងជាអនុប្រធានក្រុមប្រឹក្សាអភិវឌ្ឍន៍កម្ពុជា​បានលើកឡើង​ថា​កម្ពុជា​ស្វាគមន៍​គ្រប់បណ្ដា​វិនិយោគ​មកពីគ្រប់ប្រទេស​ ដែល​មានបំណង​ចូលមក​វិនិយោគនៅក្នុ​ងប្រទេស​កម្ពុជាដើម្បីបង្កើត​ឱកាស​ការងារ​ជូន​ប្រជាពលរដ្ឋ​មានឱ្យ​មានប្រាក់ចំណូល​ផ្គត់ផ្គង់​ជីវភាពគ្រួសារ​ និងជួយ​ជំរុញ​កំណើន​សេដ្ឋកិច្ច​ជាតិ​ផងដែរ ។

បើតាមឯកឧត្តម​បានបញ្ជាក់ថា ក្នុង​រយៈពេល​ប៉ុន្មានឆ្នាំមកនេះ មាន​ក្រុមហ៊ុន​បរទេសជាច្រើន​បន្តចូលមក​កម្ពុជា​ស្វែង​រក​ឱកាស​វិនិយោគ​ទៅតាមជំនាញ​​របស់​ពួកគេ ហើយកម្ពុជា​ក៏បានរៀបចំ ក្រុមការងារ​ និងមន្ត្រី រង់ចាំស្វាគមន៍​និងសម្របសម្រួល​ដល់ក្រុមហ៊ុន​បរទេស​ទាំង​ចូល​ដែលមានបំណង​ចូលមក​វិនិយោគនៅក្នុ​​ង​ប្រ​ទេស​កម្ពុជា​ ។

គួរ​បញ្ជាក់ថា ​ក្រុមហ៊ុនទាំង​៦​ ដែល​បានជួ​បសម្ដេចធិបតី ហ៊ុន ម៉ាណែត មួយ​ចំនួន​បាន​កំពុង​ធ្វើ​ប្រតិបត្តិការ​អាជីវកម្ម​របស់ខ្លួននៅកម្ពុជា​រួចស្រេច​ទៅហើយ ដូចជា​ក្រុមហ៊ុន Viettel ជាក្រុមហ៊ុន​ទូរសព្ទចល័ត ​និងអ៊ីន​ធើណេត​ក្រោម​ស្លាក​យីហោ​ Metfone ក្រុមហ៊ុន​ Thaco ជាក្រុមហ៊ុនវិនិយោគ​លើ​កសិកម្ម​ដ៏ធំមួយ​នៅប៉ែក​ឦសាននៃប្រទេសកម្ពុជា​( រតនគីរី និង ក្រចេះ ) ធនាគារ​វិនិយោគ​ និងអភិវឌ្ឍន៍វៀតណាម ដែល​នៅកម្ពុជា​ហៅថា​ ធនាគារ​វិនិយោគ​និ​ងអភិវឌ្ឍន៍កម្ពុជា ( BIDC )​ ក្រុមហ៊ុន​អាកាស​ចរណ៍  VietJet ជាដើម​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ