សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ពិភពលោកបានទទួលរងនូវសំពាធសេដ្ឋកិច្ច និងនយោបាយពេញមួយឆ្នាំ២០២៣ ហើយវានឹងក្លាយជាចំណែកក្នុងការធ្វើឲ្យកំណើនសេដ្ឋកិច្ចសកលអាចមានកំណើនតិចតួចនៅឆ្នាំ២០២៤។ ក្រៅពីនោះគេសង្កេតឃើញកត្តាជះឥទ្ធិពលផ្សេងទៀត ដូចជា ការរឹតបន្តឹងគោលនយោបាយរូបិយវត្ថុ សកម្មភាពពាណិជ្ជកម្មដែលមានភាពទន់ខ្សោយ ព្រមទាំងកម្រិតនៃទំនុកចិត្តរបស់អ្នកប្រើប្រាស់ជាដើម។ នេះបើយោងតាមទស្សនវិស័យសេដ្ឋកិច្ចចុងក្រោយដែលចេញផ្សាយដោយ OECD ។
ក្រុមអ្នកជំនាញ OECD បានព្យាករណ៍ថា កំណើន GDP សកលលោកនឹងមានកំណើន ២,៩ភាគរយ ក្នុងឆ្នាំ២០២៣នេះ ហើយវានឹងធ្លាក់ចុះមកវិញត្រឹមតែ ២,៧ភាគរយនៅក្នុងឆ្នាំ២០២៤ បើទោះបីជាវានឹងអាចកើនឡើងបន្តិចវិញប្រមាណជា ៣ភាគរយក្នុងឆ្នាំ២០២៥ក្តី។
គួរឲ្យដឹងដែរថា OECD ឬ The Organisation for Economic Co-operation and Development គឺជាអង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ចសកលដែលមានប្រទេសសមាជិកចំនួន៣៨ និងត្រូវបានបង្កើតឡើងក្នុងឆ្នាំ១៩៦១ មានគោលដៅចំបងគឺកិច្ចខិតខំជំរុញវឌ្ឍនភាពសេដ្ឋកិច្ច និងពាណិជ្ជកម្មពិភពលោក។ ទោះបីជាយ៉ាងណាក្តី ការធ្លាក់ចុះនៃសេដ្ឋកិច្ចមិនមែនមានន័យថា អាជីវកម្មខ្នាតតូចនឹងត្រូវប៉ះពាល់ទាំងស្រុងនោះទេ ប៉ុន្តែវាទាមទារនូវការផ្លាស់ប្តូររូបរាង ឬផ្លាស់ប្តូរតម្លៃថ្លៃដើម ឬរបៀបនៃការប្រើប្រាស់ផលិតផលជាដើមដើម្បីបំពេញតម្រូវការថ្មីៗជំនួសវិញ។
ឆ្នាំក្រោយនេះ ទំនោរទីផ្សាររបស់ពិភពលោកទំនងជានឹងគេចមិនផុតពីបច្ចេកវិទ្យាថ្មីៗនោះទេ ពីព្រោះថាវាមានភាពប្រណិតជាងមុន តម្លៃធូរថ្លៃ សេវាកម្មកាន់តែលឿន ហើយជួយសន្សំសំចៃខ្លាំងទៅដល់បញ្ហាបរិស្ថានពិភពលោកទៀតផង។ ដូច្នេះ សម្រាប់អ្នកដែលប្រកបអាជីវកម្មខ្នាតតូច គួរតែត្រៀមខ្លួនឱ្យបានជាមុន ពីព្រោះថាទីផ្សារនៅឆ្នាំ២០២៤តទៅនឹងមានការផ្លាស់ប្តូរដោយសារអតិថជន អាចនឹងមានរសនិយមផ្សេងៗវិញ ទាំងការធ្វើដំណើរ ការបំពេញការងារ និងការរស់នៅប្រចាំថ្ងៃ។
ក្នុងចំណោមអាជីវកម្មដែលនឹងអាចមានទីផ្សារខ្ពស់ទាំង១២នៅឆ្នាំក្រោយដែលត្រូវបានព្យករណ៍ដោយ The Next Insurance គេសង្កេតឃើញថា អាជីវកម្មតូចៗចំនួន៤ ដែលគួរឲ្យចាប់អារម្មណ៍ និងមិនសូវមានប្រតិបត្តិការខ្លាំងនាពេលកន្លងមកនោះរួមមានដូចជា អាជីវកម្មដែលមានពាក់ព័ន្ធទៅនឹងឧស្សាហកម្មរៀបចំអាពាហ៍ពិពាហ៍ ( Anything Wedding Industry related) បន្ទាប់មកគឺអាជីវកម្មដែលទាក់ទងទៅនឹង AI (Anything artifical intelligence related) ហើយមួយទៀតគឺអាជីវកម្មឌីសាញលំនៅដ្ឋានឡើងវិញ (Residential Remodeling) និងទី៤ គឺអាជីវកម្មរៀបចំលំនៅដ្ឋានបែបឆ្លាតវៃ (Smart Home Installers) ។
ដោយឡែក The Inc.com ក៏បានធ្វើការព្យាករណ៍ស្រដៀងគ្នាទៅលើអាជីវកម្មធំ និងបច្ចេកវិទ្យាថ្មីៗដែលឆ្នាំ២០២៤ខាងមុខនេះ យើងគ្រប់គ្នាមិនគួរមើលរំលង រួមមានដូចជា Generative A.I., Sustainable Technology, Cybersecurity, Quantum Computing, Automation, Web 3.0 and the Metaverse, Autonomous Vehicles, 5G and 6G Network Technology Development, Biotechnology និង Human-Machine Interface។
ទោះបីជាយ៉ាងណាក្តី អាជីវកម្មខាងលើនេះសុទ្ធតែជាការព្យាករណ៍ទុករបស់ក្រុមវិភាគអន្តរជាតិផ្អែកលើទីផ្សារសកលទាំងមូល ដូច្នេះទោះជាយ៉ាងណា នៅឆ្នាំ២០២៤ វាអាចមានភាពខុសគ្នាអាស្រ័យទៅតាមតំបន់ តាមប្រទេស ក៏ដូចជាសកម្មភាពសេដ្ឋកិច្ចផ្សេងៗគ្នារបស់ពួកគេ៕
Account
Security
Favourite Content