សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តម្លៃហ៊ុនក្រុមហ៊ុនផលិតរថយន្តអគ្គិសនី VinFast របស់កំពូលមហាសេដ្ឋីវៀតណាម លោក Pham Nhat Vuong បានកើនឡើងដល់ទៅ ២៥៥ភាគរយក្នុងរយៈពេលត្រឹមតែ២៤ម៉ោងចុងក្រោយនេះដែលវាបានធ្វើឲ្យទ្រព្យសម្បត្តិរបស់គាត់បានកើនឡើងភ្លាមៗបន្ថែមដល់ទៅ ៣៩ពាន់លានដុល្លារបង្កការភ្ញាក់ផ្អើលយ៉ាងខ្លាំងនៅក្នុងទីផ្សារភាគហ៊ុន។
យោងតាមសន្ទស្ស៍ដែលរៀបរាងដោយ The Bloomberg Billionaire បានឲ្យដឹងថា ក្រោយការប្រកាសចូលក្នុងទីផ្សារភាគហ៊ុនភ្លាមតម្លៃហ៊ុនរបស់ VinFast បានស្ទុះឡើងយ៉ាងខ្លាំង និងធ្វើឲ្យទ្រព្យសម្បត្តិរបស់លោក Pham Nhat Vuong ពេលនេះអាចកើនមានទំហំដល់ទៅ ៤៤,៣ពាន់លានដុល្លារមកហើយ។
ទោះបីជាយ់ាងណាក្តី មានការមើលឃើញជាច្រើនថា កំណើនរបស់ភាគហ៊ុន VinFast នឹងមិនមានភាពស្ថិរភាពនោះឡើយ ដោយសារតែវិធីសាស្ត្រនៃការបង្ហាញខ្លួនចូលទីផ្សារហ៊ុនមានភាពខុសប្លែកពីផែនការដំបូងរបស់ក្រុមហ៊ុន។ ជាមួយគ្នានេះ ប្រសើរជាងការប្រកាសលក់ហ៊ុនដោយផ្ទាល់នៅលើទីផ្សារភាគហ៊ុនអន្តរជាតិ IPO (initial public offering) ក្រុមហ៊ុន VinFast បានសម្រេចចិត្តក្នុងការលក់ភាគហ៊ុនរបស់ខ្លួនតាមរយៈវិធីសាស្ត្រចូលរួមជាមួយនឹងក្រុមហ៊ុនលក់ហ៊ុនមួយប្រភេទដែលដំណើរតាមបែប SPAC (Special Purpose Acquisition Company) ជំនួសវិញ។
មនុស្សគ្រប់គ្នាមើលឃើញថា ក្នុងរយៈពេលចុងក្រោយនេះមានករណីជាច្រើនរួចមកហើយចំពោះបណ្តាក្រុមហ៊ុនដែលបានសម្រេចចិត្តចូលលក់ហ៊ុនជាមួយនឹងក្រុមហ៊ុនដែលដំណើរការបែប SPAC នេះហើយជាលទ្ធផលវាបានធ្វើឲ្យភាគហ៊ុនរបស់ពួកគេបានហក់ឡើងខ្ពស់ពិតមែនក្នុងប្រតិបត្តិការទិញលក់ ២ ឬ ៣ដងដំបូង ប៉ុន្តែក្រោយមកសន្ទុះនេះក៏ថមថយបន្តិចម្តងៗមកវិញ។
រំលឹកដែរថា លោក Vuong បានបង្កើតក្រុមហ៊ុនផលិតរថយន្តអគ្គិសនី VinFast តាំងតែពីនៅឆ្នាំ២០១៧ ហើយគេរំពឹងថាក្រុមហ៊ុននឹងសម្រេចបានការលក់ពី ៤៥ ០០០ ទៅ ៥០ ០០០គ្រឿង នៅឆ្នាំនេះក្រោយពេលដែលក្រុមហ៊ុនទើបតែបានបញ្ចប់ការសាងសង់រោងចក្រថ្មីមួយនៅរដ្ឋ North Carolina ។
លោក Vuong មិនត្រឹមតែជាស្ថាបនិកក្រុមហ៊ុននោះទេ លោកក៏ជាអ្នកគ្រប់គ្រងភាគហ៊ុនជាង ៩៩ភាគរយផងដែរ ដោយសារតែស្ថិតនៅក្រោមការវិនិយោគទាំងស្រុងពីក្រុមហ៊ុនអាជីវកម្មធំរបស់លោកគឺ Vingroup JSC ។
នៅមានជាកត្តាផ្សេងទៀតដែលធ្វើឲ្យកំណើនតម្លៃហ៊ុនរបស់គាត់មិនស្ថិតស្ថេរនោះឡើយ ដោយសារតែគាត់ជាម្ចាស់ភាគហ៊ុនធំនៃក្រុមហ៊ុន មានន័យថា ភាគហ៊ុនមិនច្រើនទេដែលអាចទុកសម្រាប់វិនិយោគិនផ្សេងទៀតទិញ និងលក់ ហើយវានឹងធ្វើឱ្យតម្លៃភាគហ៊ុនរបស់គាត់អាចឡើងខ្លាំង ឬចុះខ្លាំងមិនទៀងទាត់ឡើយ៕
Account
Security
Favourite Content