សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ Walmart គឺជាក្រុមហ៊ុនលក់ទំនិញរាយដ៏ធំបំផុតនៅអាម៉េរិក និង ត្រូវបានគេស្គាល់យ៉ាងទូលាយ ដោយសារទំនិញភាគច្រើនមានតម្លៃទាប ហើយមានសេវាកម្មដឹកជញ្ជូនដល់គេហដ្ឋានទៀតផង ដែលកាន់ធ្វើឲ្យមានភាពទាក់ទាញពីអ្នកប្រើប្រាស់។ ជាមួយនឹងប្រជាប្រិយភាពដ៏លេចធ្លោរ តម្លៃភាគហ៊ុនរបស់ក្រុមហ៊ុន Walmart បានបន្តកើនឡើងរហូតដល់ជាង ៣% កាលពីថ្ងៃអង្គារ៍កន្លងទៅនេះ រហូតបានក្លាយជាក្រុមហ៊ុនលក់រាយដំបូងគេរបស់ពិភពលោកដែលមានតម្លៃទីផ្សារ ១ ទ្រីលានដុល្លារ។
នាយកប្រតិបត្តិ លោក John Furner បានលើកឡើងថា ឥទ្ធិពលនៃពន្ធគយរបស់ប្រធានាធិបតីអាម៉េរិក Donald Trump មិនសូវធ្ងន់ធ្ងរដូចការរំពឹងទុកពីដំបូងនោះទេ ដោយសារខ្លួនអាចទប់ទល់នឹងពន្ធគយបានប្រសើរជាងគូប្រជែងមួយចំនួន។ មិនត្រឹមតែប៉ុណ្ណោះ អាជីវកម្មអនឡាញរបស់ Walmart បានក្លាយជាដៃគូប្រកួតប្រជែងជាមួយ Amazon ។ ការលក់ទំនិញតាមអនឡាញ ឬ E-commerce នៅអាម៉េរិកបានកើនឡើង ២៨% ក្នុងរយៈពេល៣ខែចុងក្រោយនេះ ពោលគឺគិតចាប់តាំងពីខែតុលា ឆ្នាំ២០២៥ ហូតដល់ខែមករា ឆ្នាំ២០២៦ ដែលជំរុញដោយការបញ្ជាទិញតាមអ៊ីនធឺណិត និងការផ្សាយពាណិជ្ជកម្ម។ យ៉ាងណាមិញ Amazon មានតម្លៃទីផ្សារបច្ចុប្បន្ន ២,៦ ទ្រីលានដុល្លារ ដែលច្រើនជាងទ្វេដងពី Walmart ។
ស្របពេលជាមួយគ្នានេះដែរ ក្រុមហ៊ុនបច្ចេកវិទ្យា Wall Street បានបង្ហាញពីអារម្មណ៍រីករាយក្នុងកិច្ចសហការវិនិយោគរួមគ្នាជាមួយ Walmart ដោយប្រើបញ្ញាសិប្បនិម្មិត (AI) ក្នុងការជួយសម្រួល និងជំរុញឱ្យតម្លៃក្រុមហ៊ុនឡើងដល់កម្រិតខ្ពស់បន្ថែមទៀត។ សូមជម្រាបថា តម្លៃទីផ្សាររបស់ក្រុមហ៊ុន Walmart បានឈានដល់ ១ ទ្រីលានដុល្លារគឺស្ថិតក្នុងអំឡុងពេលសប្តាហ៍ដំបូងរបស់នាយកប្រតិបត្តិ John Furner ក្នុងគ្រាចូលមកដឹកនាំក្រុមហ៊ុន។ លោក Furner បានជំរុញឲ្យក្រុមហ៊ុនវិនិយោគជាមួយនឹងបញ្ញាសិប្បនិម្មិត( (AI)។ ខណៈដែលកាលពីខែតុលា ឆ្នាំ២០២៥កន្លងទៅ Walmart បានប្រកាសភាពជាដៃគូជាមួយ OpenAI ដែលអនុញ្ញាតឱ្យអតិថិជន និងសមាជិក Sam’s Club រៀបចំផែនការអាហារ ការស្តុកទុកទំនិញ និងអាចស្វែងរកផលិតផលថ្មីៗដោយគ្រាន់តែជជែកលេងតាមឆាតប៉ុណ្ណោះ៕
Account
Security
Favourite Content