សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី South Morning Post បានរាយការណ៍ថា អត្រាគ្មានការងារធ្វើរបស់យុវជននៅក្នុងប្រទេសចិនបានកើនឡើងដល់កម្រិតខ្ពស់បំផុតក្នុងរយៈពេល២ឆ្នាំ។
ការិយាល័យស្ថិតិជាតិរបស់ចិន (NBS) បានចេញផ្សាយថា អត្រាគ្មានការងារធ្វើរបស់យុវជនបានឈានដល់កម្រិតខ្ពស់ ១៨,៩% ក្នុងខែសីហា ដែលកើនឡើងពី ១៧,៨% នៅក្នុងខែកក្កដា ខណៈដែលទិន្នន័យថ្មីៗបានបង្ហាញពីការអាប់អួរនៃសេដ្ឋកិច្ច។ តួរលេខនេះគឺជាកម្រិតខ្ពស់បំផុតក្នុងរយៈពេល២ឆ្នាំចុងក្រោយ បន្ទាប់ពីអត្រាគ្មានការងារធ្វើបានកើនឡើងដល់កម្រិតខ្ពស់ ២១,៣% ក្នុងខែមិថុនា ឆ្នាំ២០២៣ ដែលធ្វើឲ្យទីក្រុងប៉េកាំងផ្អាកការចេញផ្សាយទិន្នន័យប្រចាំខែរយៈពេល ៥ ខែនៅក្នុងឆ្នាំនោះ។
យ៉ាងណាមិញ ការកើនឡើងអត្រាគ្មានការងារធ្វើដល់កម្រិតខ្ពស់ ១៨,៩% កាលពីខែមុន បានបង្ហាញពីភាពតានតឹងនៅក្នុងសេដ្ឋកិច្ចរបស់ប្រទេសចិន។ ទន្ទឹមនឹងនេះ និស្សិតសាកលវិទ្យាល័យចំនួន ១២,២ លាននាក់បានបញ្ចប់ការសិក្សានៅរដូវក្ដៅនេះ ប៉ុន្តែពួកគេភាគច្រើនកំពុងជួបប្រទះទីផ្សារការងារដែលមានភាពតានតឹង ដោយសារសម្ពាធបរិត្តផរណា និងភាពមិនប្រាកដប្រជាពីខាងក្រៅ។ ពួកគេកំពុងជួបភាពលំបាកក្នុងការស្វែងរកការងារដែលត្រូវនឹងកម្រិតអប់រំ និងជំនាញរបស់ពួកគេ។ លើសពីនេះ ទិន្នផលដែលចេញពីរោងចក្រ និងការលក់រាយកើនឡើងក្នុងល្បឿនយឺតបំផុតក្នុងរយៈពេលមួយឆ្នាំចុងក្រោយ។
ប្រធានសេដ្ឋវិទូរបស់ NBS លោក Fu Linghui បានទទួលស្គាល់ពីតម្រូវការខ្សោយនៅក្នុងសេដ្ឋកិច្ចក្នុងស្រុក ខណៈដែលសហគ្រាសមួយចំនួនកំពុងជួបប្រទះភាពលំបាកក្នុងប្រតិបត្តិការរបស់ពួកគេ។ មិនត្រឹមតែប៉ុណ្ណោះ វិបត្តិបំណុលនៅក្នុងវិស័យអចលនទ្រព្យរយៈពេលជាច្រើនឆ្នាំកន្លងមកនេះបានធ្វើឲ្យមានការកាត់បន្ថយចំណាយក្នុងស្រុក ខណៈដែលចិនកំពុងមានភាពតានតឹងផ្នែកពាណិជ្ជកម្មជាមួយទីក្រុងវ៉ាស៊ីនតោននៃសងរដ្ឋអាម៉េរិក៕
Account
Security
Favourite Content