សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុន NagaCorp ក្រោយបានបញ្ចប់ការសិក្សា និងគូសប្លង់មេចំពោះគម្រោងដ៏ធំដែលមានតម្លៃមហាសាលរបស់ Naga 3 ជាមួយនឹងក្រុមហ៊ុនស្ថាប័ត្យកម្ម និងវិស្វកម្មអាមេរិក Owings & Merrill ដែលមានមូលដ្ឋាននៅក្នុងទីក្រុង Illinois រដ្ឋ Chicago រួចមក ការរចនាប្លង់ចុងក្រោយត្រូវបានបញ្ចប់ ហើយអាចបន្តដំណើរការសាងសង់តួអគារ Super Structure ឲ្យបានពេញទំហឹងនៅត្រឹមដើមឆ្នាំ២០២៣ខាងមុខនេះ។
នៅក្នុងបទសម្ភាសន៍កាលពីពេលកន្លងមក លោក Tim McNally ប្រធានក្រុមហ៊ុន NagaCorp បានលើកឡើងថា គម្រោងសាងសង់ Naga 3 នៅឆ្នាំ២០២៣ ខាងមុខនេះនឹងក្លាយជាគម្រោងយក្សដែលអាចពង្រីកអាជីវកម្មរបស់ខ្លួនដែលមានស្រាប់នៅក្នុងទីផ្សារប្រទេសកម្ពុជា ហើយបើទោះបីជាគម្រោងនេះនឹងបន្តមានបញ្ហារាំងស្ទះខ្លះចំពោះការផ្គត់ផ្គង់សំភារៈសាងសង់ដោយសារបញ្ហាកូវីដក្តីក៏ដោយ។
លោកបានថ្លែងដែរថា នៅក្នុងឆមាសដំបូងឆ្នាំ២០២១កន្លងទៅនេះ NagaCorp បានខាតបង់ប្រាក់ចំណូលរហូតទៅដល់ ៧៧,២លានដុល្លារ ខណៈដែលកាលពីពេលវេលាដូចគ្នាក្នុងឆ្នាំ២០២០ ក្រុមហ៊ុនទទួលបានប្រាក់ចំណេញ ២០,៦លានដុល្លារ ហើយអាជីវកម្មរបស់ក្រុមហ៊ុននេះទើបតែបានដាក់ឲ្យដំណើរការឡើងវិញកាលពីថ្ងៃទី១៥ខែ កញ្ញាកន្លងទៅថ្មីនេះប៉ុណ្ណោះ គិតចាប់តាំងតែពីរដ្ឋាភិបាលបានប្រកាសឲ្យផ្អាកបណ្តោះអាសន្នកាលពីខែមីនាដើមឆ្នាំ។
គួរឲ្យដឹងដែរថា នៅក្នុងរបាយការណ៍ចុងក្រោយមួយរបស់ NagaCorp បានបង្ហាញថា ទាំង Naga 1 ដែលជាគម្រោងដំបូងបំផុតរបស់ខ្លួន និងគម្រោង Naga 2 ដែលបានដំណើរការកាលពីខែវិច្ឆិកា ឆ្នាំ២០១៧ ហើយនឹងបន្តដល់ Naga 3 នៅក្រោយបញ្ចប់ការសាងសង់ទាំងស្រុងនោះ ក្រុមហ៊ុននឹងអាចបម្រើសេវាកម្មស្នាក់នៅសរុបរហូតទៅដល់ ៥ ០០០បន្ទប់, តុហ្គេមធំ-តូចសរុបប្រមាណ ១ ៣០០, ហ្គេមម៉ាស៊ីនសរុប ៤ ៥០០ ព្រមទាំងសេវាកម្មមិនមែនហ្គេមជាច្រើនទៀតផងដែរ។
នៅក្នុងរបាយការណ៍ដដែលក៏បានអះអាងដែរថា សម្រាប់គម្រោង Naga 3 នេះវិញ សេវាកម្មភាគច្រើនដល់ទៅ ៩៣ភាគរយ គឺនឹងមិនផ្តោតសំខាន់ទៅលើហ្គេមនោះឡើយ ដែលជាផ្នែកមួយនៃយុទ្ធសាស្ត្ររបស់ក្រុមហ៊ុនទៅលើផលិតផលសេវាកម្មបែបប្រណិត និងសេវាកម្មដែលមានភាពចម្រុះជំនួសវិញ។
នៅក្នុងផែនការទីផ្សារដ៏សំខាន់នៃ Naga 3 នៅក្រោយពេលដែលកម្ពុជាបើកទ្វារស្វាគមន៍ភ្ញៀវទេសចរអន្តរជាតិសាជាថ្មីនោះ ខ្លួនសង្ឃឹមថានឹងក្លាយទៅជាផ្នែកមួយនៃយុទ្ធសាស្ត្រដ៏វែងឆ្ងាយរបស់រដ្ឋាភិបាលកម្ពុជាក្នុងការទាញយកក្រុមអ្នកទេសចរ និងអ្នកវិនិយោគជនជាតិអន្តរជាតិឲ្យបានកាន់តែច្រើន៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content