អ្នកជំនាញ ៖ រ៉ឺម៉កចល័តលក់ស្បៀងអាហារអាចជាដំណោះស្រាយល្អក្នុងស្ថានភាពបិទខ្ទប់

ក្នុងការទប់ស្កាត់ការរីករាលដាលនៃជំងឺកូវីដ-19 រាជរដ្ឋាភិបាលបានធ្វើការប្រកាសបិទផ្សារទំនិញក្នុងភូមិសាស្ត្រមួយចំនួនធំនៅទីក្រុងភ្នំពេញ ដែលធ្វើឱ្យ​ការ​ទិញទីនិញ ជាពិសេសម្ហូបអាហារប្រចាំថ្ងៃរបស់ប្រជាពលរដ្ឋទូទៅ ពិសេសអ្នករស់នៅក្នុងតំបន់ក្រហមមានភាពលំបាកជាខ្លាំង។

មានការលើកឡើងស្រដៀងគ្នាជាច្រើនថា នៅក្នុងបរិបទនៃការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាលនៅពេលនេះ សម្រាប់​ប្រជាពលរដ្ឋដែលមានជីវភាពធូរធាអាចមានលទ្ធភាពក្នុងការទិញស្បៀងទុកសម្រាប់ផ្គត់ផ្គង់ការហូបចុកបានរយៈពេលច្រើនថ្ងៃបាន ប៉ុន្តែចំពោះអ្នកដែល​មានជីវភាពមធ្យម និងក្រោមមធ្យម កំពុងជួបភាពលំបាកក្នុងការទិញទំនិញ និងអាហារប្រចាំថ្ងៃ ខណៈដែលផ្សារជាច្រើននៅក្នុងតំបន់ត្រូវបានបិទ​ និងស្ថិត​នៅក្នុងបំរាមហាមចេញពីផ្ទះជាដាច់ខាត។ 

លោកបណ្ឌិត ច័ន្ទ សុផល អ្នកជំនាញផ្នែកវិភាគសេដ្ឋកិច្ចឯករាជ្យកម្ពុជាបានបង្ហាញពីទស្សនៈទានផ្ទាល់ខ្លួនថា នៅក្នុងកំឡុងពេលបិទខ្ទប់នេះបងប្អូន​ប្រជាពលរដ្ឋសម្ងំនៅផ្ទះ បរិភោគតែអាហារក្រៀមដោយមិនអាចចេញក្រៅបាន ចំណែកឯអ្នកលក់ចល័តក៏មិនអាចដឹកបានដូចមុន ដូច្នេះអាជ្ញាធរគួរតែ​អនុញ្ញាត​ឱ្យអ្នកលក់ចល័តមានសេរីភាពក្នុងការចេញលក់។

លោកបណ្ឌិតបានបញ្ជាក់ថា ៖

“ខ្ញុំយល់ថា អាជ្ញាធរគួរអនុញ្ញាតឱ្យអាជីវករលក់បន្លែ ត្រី សាច់ ដោយរ៉ឺម៉កចល័ត ធ្វើការចល័តបានដោយ​សេរីក្រោម​ការ​គោរព និងអនុវត្តវិធានការការពារដោយរក្សាអនាម័យ។ បន្ថែមពីនេះ អាជ្ញាធរគួររៀបចំបង្កើតផ្សារលក់ដុំជាបណ្ដោះអាសន្នថែមទៀត ក្រៅពីនៅទីក្រុង​តាខ្មៅនៃខេត្តកណ្តាល ដើម្បីអាជីវករអាចទៅទិញទំនិញយកមកជិះលក់តាមភូមិ ជិតៗដើម្បីជាទីផ្សារសម្រាប់លក់បន្លែរបស់កសិករផង”

លោកបណ្ឌិតបានបន្ថែមទៀតថា ៖

“ការធ្វើដូច្នេះនឹងជំរុញដល់ផលិតកម្មបន្លែ ត្រី សាច់ នៅក្នុងស្រុក ខណៈពេលដែលមានការបញ្ឈប់នាំមកពី​ប្រទេសវៀត​ណាម​ជា​បណ្តោះអាសន្ន។ ប្រសិនបើយន្តការនេះត្រូវបានអនុវត្តបានល្អវាអាចឈានទៅជាភាពឈ្នះយូរអង្វែងផង ក្នុងការជំនួសឱ្យការនាំចូលបន្លែ​គីមីមួយ​ចំនួនធំ”

អ្នកស្រី សុធា ជាប្រជាពលរដ្ឋរស់នៅក្នុងសង្កាត់ស្ទឹងមានជ័យ2 ខណ្ឌមានជ័យ រាជធានីភ្នំពេញបានលើកឡើងថា ប្រសិនបើមានការអនុញ្ញាតឱ្យរ៉ឺម៉ក​ដឹក​ទំនិញ​អាចចេញលក់បានសេរីគ្រប់ច្រកល្ហក វានឹងក្លាយទៅជាដំណោះស្រាយល្អមួយសម្រាប់បងប្អូនប្រជាជន​ពិសេស​អ្នកមានជីវភាពខ្សត់ខ្សោយ​ដែល​គាត់​អាចមានលទ្ធភាពទិញបន្លែ ត្រី សាច់ក្នុងតម្លៃសមរម្យសម្រាប់ផ្គត់ផ្គង់ និងបំពេញក្រពះប្រចាំថ្ងៃ និងមិនចាំបាច់ធ្វើដំណើរទៅផ្សារឆ្ងាយ។ លើសពី​នេះ​ទៅ​ទៀតវាក៏ជាវិធីល្អមួយអនុគ្រោះដល់អាជីវករខ្នាតតូចអាចបន្តរកចំណូលពីការលក់បន្តិចបន្តួចសម្រាប់ចញ្ចឹមគ្រួសារ។ ប្រសិនបើមានការអនុវត្តដូចនេះ ទំនិញក៏មិនឡើងថ្លៃ ហើយកសិករដាំបន្លែក៏អាចនាំកសិផលរបស់ខ្លួនចូលទីផ្សារបានមិនខាតបង់ដូចប៉ុន្មានថ្ងៃនេះទេ។

អ្នកស្រីបន្តថា ៖

“ខ្ញុំឃើញគេទិញទំនិញតាមទូរស័ព្ទពីផ្សារទំនើប និងហាងទំនើបបានដែរ ប៉ុន្តែអាចចំណាយលុយច្រើន ប៉ុន្តែសម្រាប់គ្រួសារខ្ញុំអាច​ចំណាយ​ត្រឹម2ម៉ឺនរៀលយ៉ាងច្រើនសម្រាប់ទិញម្ហូបអាហារក្នុងមួយថ្ងៃដែលមានសមាជិក5នាក់ បើទិញពីផ្សារទំនើបដូចគេគឺមិនគ្រាន់នោះទេ ណាមួយមិន​សូវចេះប្រើទូរស័ព្ទទិញអីនឹងទៀត ប៉ុន្តែបើមានអ្នកដឹកលក់គឺងាយស្រួល ហើយមិនមែនល្អតែសម្រាប់ខ្ញុំទេ គឺល្អចំពោះមនុស្សច្រើនទៀត ព្រោះខ្ញុំគិតថា អ្នកចេះប្រើទូរស័ព្ទទិញទំនិញក៏មានមិនច្រើនដែរ”

គួរកត់សម្គាល់ផងដែថា ដើម្បីដោះស្រាយនូវភាពលំបាករបស់ប្រជាពលរដ្ឋដែលស្ថិតនៅក្នុងតំបន់បិទខ្ទប់ និងទប់ស្កាត់ការឡើងថ្លៃទំនិញ រដ្ឋាភិបាល​តាមរយៈ​ក្រសួងពាណិជ្ជកម្មបានបញ្ចេញផលិតផល និងស្បៀងយុទ្ធសាស្ត្រសំខាន់ៗដូចជាអង្ករ មីកញ្ចប់ ទឹកត្រី ទឹកស៊ីអ៊ីវ ត្រីខកំប៉ុងជាដើមលក់​ជូន​ប្រជាជន​ក្នុងតម្លៃទាប រួមជាមួយនឹងការឧបត្ថម្ភស្បៀងនៅតាមមូលដ្ឋានដែលត្រូវបានបិទខ្ទប់ ជាពិសេសតំបន់ក្រហម។

ក្រៅពីនេះ បន្ថែមពីលើការលក់ទំនិញរបស់រថយន្តចល័តនៃក្រសួងពាណិជ្ជកម្ម រដ្ឋបាលក្រុងក៏បានអនុញ្ញាតឱ្យក្រុមហ៊ុនវិស័យឯកជនវីរៈប៊ុនថាំធ្វើ​ការ​ផ្គត់ផ្គង់​ទំនិញចាំបាច់តាមរយៈរថយន្តចល័តចំនួន64គ្រឿង នៅតាមតំបន់នានាទូទាំងរាជធានីភ្នំពេញដោយចាប់អនុវត្តតាំងពីរសៀលថ្ងៃទី22 ខែមេសា ឆ្នាំ2021 ម្សិលមិញនេះ៕

ព្រឹត្តិការណ៍, អាជីវកម្មថ្មី និងនវានុវត្ត

លោកខាងលិចកំពុងសាកល្បងយុទ្ធសាស្ត្រថ្មី ដើម្បីជំរុញសេដ្ឋកិច្ចទៅកាន់ទីជនបទ

បច្ចុប្បន្ន នៅលើសកលលោកមានមនុស្សដល់ទៅប្រមាណ៥៥ភាគរយកំពុងនាំគ្នាប្រមូលផ្តុំរស់នៅក្នុងទីក្រុងច្រើនជាងនៅជនបទ ដូចនេះ សកម្មភាពសេដ្ឋកិច្ចនៅតាមតំបន់ជនបទមានលក្ខណៈយឺត…
ព្រឹត្តិការណ៍, សេដ្ឋកិច្ច

ឆ្នាំក្រោយប្រជាជនកម្ពុជានឹងអាចប្រើប្រាស់វ៉ាក់សាំងបង្ការជំងឺកូវីដ-១៩ ដែលផលិតនៅកម្ពុជា

មន្ត្រីជាន់ខ្ពស់រដ្ឋាភិបាលចិនបានអះអាងថា រោងចក្រផលិតវ៉ាក់សាំង ស៊ីណូហ្វាម ពេលនេះកំពុងទំនាក់ទំនងជាមួយក្រសួងសុខាភិបាលកម្ពុជា សិក្សាពីលទ្ធភាពក្នុងការដាក់ទីតាំងរោង
ព្រឹត្តិការណ៍, អចលនទ្រព្យ

ខេត្តនៅជាយដែនចំនួន២ នៅមិនទាន់មានការចាប់អារម្មណ៍វិនិយោគលើវិស័យអចលនទ្រព្យ និងដីធ្លីធំៗនៅឡើយ

ភ្នំពេញ ៖ ជាទូទៅខេត្តដែលនៅជាប់នឹងតំបន់ព្រំដែនរវាងកម្ពុជា និងប្រទេសជិតខាង គេឃើញមានសកម្មភាពវិនិយោគលើដីធ្លី និងអចលនទ្រព្យ មានការអភិវឌ្ឍគួរឱ្យកត់សម្គាល់…
ព្រឹត្តិការណ៍, សេដ្ឋកិច្ច

ADB កាត់បន្ថយការព្យាករសេដ្ឋកិច្ចកម្ពុជាមកត្រឹមកំណើន១,៩%ក្នុងឆ្នាំនេះ

ធនាគារអភិវឌ្ឍន៍អាស៊ី (ADB) នៅថ្ងៃទី២២ ខែកញ្ញា ឆ្នាំ២០២១ បានកាត់បន្ថយការព្យាករមកលើសេដ្ឋកិច្ចប្រទេសកម្ពុជាថានឹងកើនឡើងត្រឹម ១,៩% ក្នុងឆ្នាំ ២០២១នេះ
ព្រឹត្តិការណ៍, សេដ្ឋកិច្ច, អចលនទ្រព្យ

រដ្ឋាភិបាលចាប់ផ្តើមអនុវត្តគម្រោងបែងចែកដីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣

តាមរយៈគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចនេះ នឹងធ្វើឱ្យពលរដ្ឋក្រីក្រប្រមាណ 15,000 គ្រួសារ ទទួលបានដីរស់នៅ និង…
ព្រឹត្តិការណ៍, ហិរញ្ញវត្ថុ

សកម្មភាពទូទាត់លុយឌីជីថលរបស់ថៃកំពុងចូលខ្លួនជំនួសការទូទាត់ជាលុយសុទ្ធ

របាយការណ៍ស្រាវជ្រាវមួយដែលត្រូវបានសិក្សាដោយធនាគារជាតិនៃប្រទេសថៃបានរកឃើញថា សកម្មភាពទូទាត់លុយសុទ្ធនៅក្នុងប្រទេសនឹងមានការធ្លាក់ចុះជាបន្តបន្ទាប់ក្នុងរយៈពេល១០…
ព្រឹត្តិការណ៍, ហិរញ្ញវត្ថុ

ឥណ្ឌាចាប់ផ្តើមបង្កើតរូបិយវត្ថុឌីជីថលផ្ទាល់ខ្លួនបោះជំហានដើរក្រោយចិនបន្តិច

ឥណ្ឌា ៖ រដ្ឋមន្ត្រីក្រសួងពាណិជ្ជកម្មរបស់ប្រទេសឥណ្ឌា អ្នកនាង Nirmala Sitharaman កាលពីថ្ងៃពុធក្នុងសប្ដាហ៍នេះបានចេញសេចក្តីថ្លែងការណ៍មួយដែលអះអាងថា ឥណ្ឌានឹងបើក…
ព្រឹត្តិការណ៍, សេដ្ឋកិច្ច

សម្តេចតេជោ ហ៊ុន សែន សម្រេចចាក់វ៉ាក់សាំងជូនកុមារអាយុពី ៦ ឆ្នាំ ដល់ ១២ ឆ្នាំ

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចជ្រើសរើសយកថ្ងៃសុក្រ ទី១៧ ខែកញ្ញា ឆ្នាំ២០២១ ជាថ្ងៃបើកយុទ្ធនាការចាក់វ៉ាក់សាំង….
ព្រឹត្តិការណ៍, សេដ្ឋកិច្ច

ព័ត៌មានខ្លះៗអំពីកិច្ចប្រជុំមហាសន្និបាតអង្គការសហប្រជាជាតិលើកទី៧៦ដែលកំពុងប្រព្រឹត្តនៅអាមេរិក

សម័យប្រជុំលើកទី ៧៦ នៃមហាសន្និបាតអង្គការសហប្រជាជាតិ ឬហៅកាត់ថា (UNGA 76) ត្រូវបានប្រកាសបើកជាផ្លូវការកាលពីថ្ងៃអង្គារទី១៤ ខែកញ្ញា ឆ្នាំ២០២១កន្លងទៅ
ព្រឹត្តិការណ៍, សេដ្ឋកិច្ច

អាមេរិកព្រមានប្រើវិធានក្ដៅលើក្រុមហ៊ុនណាដែលនៅបន្តសកម្មភាពក្នុងតំបន់ Xinjiang ប្រទេសចិន

រដ្ឋបាលក្រោមការគ្រប់គ្រង់ដោយលោក Joe Biden បានធ្វើការព្រមានប្រើវិធានការផ្លូវច្បាប់យ៉ាងតឹងរឹងសាជាថ្មីទៅលើក្រុមហ៊ុនអាមេរិកណាដែលនៅតែបន្តវិនិយោគនៅក្នុងតំបន់…..