សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីស៊ីនហួរ បានរាយការណ៍ថា ប្រធានាធិបតីអាម៉េរិក Donald Trump បានចុះហត្ថលេខាលើបទបញ្ជាប្រតិបត្តិមួយដើម្បីប្តូរឈ្មោះឈូងសមុទ្រម៉ិកស៊ិកទៅជា “ឈូងសមុទ្រអាមេរិក” នាប៉ុន្មានម៉ោងបន្ទាប់ពីសម្បថចូលកាន់តំណែង។
កាលពីថ្ងៃចន្ទ Donald Trump បានស្បថចូលកាន់តំណែងជាប្រធានាធិបតី និងលើកឡើងពីផែនការប្តូរឈ្មោះឈូងសមុទ្រម៉ិកស៊ិកទៅជាឈូងសមុទ្រអាមេរិក។ Trump បានស្នើឲ្យមានការផ្លាស់ប្តូរឈ្មោះនេះតាំងពីដើមខែមករា ដោយអះអាងថា ឈ្មោះថ្មីនឹងមានភាពស្អាតសមរម្យ ដោយសារសហរដ្ឋអាម៉េរិកធ្វើការច្រើនជាងគេនៅទីនោះ ហើយវាជាទឹកដីរបស់អាម៉េរិក។ ប្រធានាធិបតីរូបនេះ អះអាងថា ផ្លូវទឹកនេះគឺជាធនធានដ៏សំខាន់មួយសម្រាប់អាម៉េរិកតាំងពីជំនាន់ជាប្រទេសកំពុងអភិវឌ្ឍន៍ ហើយនៅតែជានិមិត្តសញ្ញាដ៏យូរអង្វែងរបស់ខ្លួន។ មិនត្រឹមតែប៉ុណ្ណោះ ឈូងសមុទ្រនេះគឺជាសរសៃឈាមដ៏សំខាន់សម្រាប់ពាណិជ្ជកម្មរបស់អាមេរិកតាំងពីអតីតកាល និងពាណិជ្ជកម្មសកល។
កាលពីថ្ងៃទី ៧ ខែមករា ក្នុងអំឡុងពេលសន្និសីទសារព័ត៌មាននៅរីសតរបស់ខ្លួន Donald Trump បានប្រកាសពីផែនការផ្លាស់ប្តូរឈ្មោះឈូងសមុទ្រម៉ិកស៊ិកទៅជាឈូងសមុទ្រអាម៉ឹរិក ដោយព្រមានថា ម៉ិកស៊ិកត្រូវតែបញ្ឈប់អនុញ្ញាតឱ្យមនុស្សរាប់លាននាក់ចូលទឹកដីរបស់អាម៉េរិកទៀត។ ជាការឆ្លើយតប ប្រធានាធិបតីម៉ិកស៊ិក Claudia Sheinbaum Pardo បាននិយាយនៅក្នុងសន្និសីទសារព័ត៌មានមួយថ្ងៃបន្ទាប់ថា ជាក់ស្តែងឈូងសមុទ្រម៉ិកស៊ិកត្រូវបានទទួលស្គាល់ដោយអង្គការសហប្រជាជាតិ ប៉ុន្តែហេតុអ្វីបានជាមិនព្រមហៅវាថា “ទឹកដីអាមេរិកម៉ិកស៊ិក?”
យោងតាមប្រភពពី The Guardian លើកឡើងថា ទោះបីជាការិយាល័យជលសាស្ត្រអន្តរជាតិ (IHB) ធ្វើការដើម្បីកំណត់ឈ្មោះស្តង់ដារ និងដោះស្រាយជម្លោះក៏ដោយ ប៉ុន្តែមិនមានកិច្ចព្រមព្រៀងអន្តរជាតិផ្លូវការ ឬនីតិវិធីណាមួយសម្រាប់ការដាក់ឈ្មោះតំបន់សមុទ្រនោះទេ។ ទន្ទឹមនឹងនេះ ក្រុមប្រឹក្សាភិបាលសហរដ្ឋអាមេរិកស្តីពីឈ្មោះភូមិសាស្ត្រដែលធានាថា រដ្ឋាភិបាលប្រើប្រាស់ឈ្មោះភូមិសាស្ត្រត្រឹមត្រូវ បានសរសេរនៅលើគេហទំព័ររបស់ខ្លួនថា ក្រុមប្រឹក្សាភិបាលមិនគាំទ្រលើការផ្លាស់ប្តូរឈ្មោះនោះទេ លុះត្រាតែមានហេតុផលត្រឹមត្រូវគួរឱ្យចាប់អារម្មណ៍។ ជាទូទៅ គោលការណ៍សំខាន់បំផុតទាក់ទងនឹងឈ្មោះទឺកដី គឺការប្រើប្រាស់ និងការទទួលយកក្នុងស្រុក៕
Account
Security
Favourite Content