សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការទូទាត់ប្រាក់តាមរយៈទូរស័ព្ទ និងធនាគារជំនាន់ថ្មី ធ្វើឱ្យជីវិតកាន់តែមានភាពងាយស្រួលជាមួយនឹងការរួមបញ្ចូលគ្នាតែមួយនៃការទូទាត់ប្រាក់តាមរយៈទូរស័ព្ទ និងកម្មវិធីធនាគារ។ បាគង ជាប្រព័ន្ធទូទាត់ប្រាក់តាមរយៈទូរស័ព្ទ និងសេវាធនាគារ តាមរយៈការរួមបញ្ចូលគ្នានូវ e-wallets, ការទូទាត់ប្រាក់តាមទូរស័ព្ទ, សេវាធនាគារតាមរយៈអ៊ីនធឺណែត និងកម្មវិធីហិរញ្ញវត្ថុជាច្រើនជាមួយនឹង interface ដែលងាយស្រួលនៅក្នុងការប្រើប្រាស់សម្រាប់គណនីធនាគារណាមួយដែលអ្នកពេញចិត្ត។
បាគង ជាប្រព័ន្ធដែលបង្កើតឡើងដោយធនាគារជាតិនៃកម្ពុជា ហើយក៏ជាប្រព័ន្ធទូទាត់បែបទំនើបថ្មីមួយ ដោយតភ្ជាប់ធនាគារ គ្រឹះស្ថានហិរញ្ញវត្ថុ និងក្រុមហ៊ុនផ្តល់សេវាទូទាត់នៅកម្ពុជា ដើម្បីអនុញ្ញាតឲ្យអតិថិជនអាចធ្វើប្រតិបត្តិការហិរញ្ញវត្ថុតាមរយៈកម្មវិធីទូរស័ព្ទ ពីធនាគារមួយទៅធនាគារមួយទៀត ឬពីក្រុមហ៊ុនផ្តល់សេវាទូទាត់ណាមួយទៅសមាជិកដ៏ទៃទៀត ជាមួយនឹងភាពងាយស្រួល ឆាប់រហ័ស សុវត្ថិភាព និងចំណាយតិច។
បាគង គឺជាប្រព័ន្ធទូទាត់តាមកម្មវិធីទូរស័ព្ទដៃរបស់ធនាគារជាតិ។ ក្នុងកម្មវិធីបាគង លោកអ្នកអាចប្រើប្រាស់សេវាកម្មហិរញ្ញវត្ថុដូចជា ការផ្ញើប្រាក់ (ទៅគណនីបាគងមួយទៀត)ការទទួលប្រាក់ (ពីគណនីបាគងមួយទៀត) ការទូទាត់តាម QR (ទៅកាន់ហាងជាដៃគូរបស់បាគង) ការដាក់ប្រាក់ (ធ្វើការផ្ទេរប្រាក់ពីគណនីរបស់បាគង ទៅគណនីសមាជិកធនាគារ / មីក្រូហិរញ្ញវត្ថុរបស់បាគង)។
លោកស្រី អ៊ុង សុម៉ី អ្នកវិភាគផ្នែកពាណិជ្ជកម្មនៃនាយកដ្ឋានបច្ចេកវិទ្យាពត៌មាននៃធនាគារជាតិនៃកម្ពុជា ដែលទើបឈ្នះពានរង្វាន់ស្រ្តីឆ្នើមក្នុងនវានុវត្តន៍រដ្ឋាភិបាលឌីជីថលប្រចាំឆ្នាំ បានប្រាប់ AMS Economy ថា គិតត្រឹមខែតុលា ឆ្នាំ២០២៣ បាគង មានគណនីប្រមាណ១១លានគណនី ដែលក្នុងនោះរួមមានអ្នកប្រើប្រាស់ដោយផ្ទាល់ និងមិនផ្ទាល់។
លោកស្រី អ៊ុង សុម៉ី បានឱ្យដឹងទៀតថា៖គិតត្រឹមឆ្នាំ២០២៣ចំនួនប្រតិបត្តិការ KHR សរុប ៣១.២៥លាន គិតជាទឹកប្រាក់៣៧.៣០ ទ្រីលានរៀល ចំនួនប្រតិបត្តិការ USD សរុប ៦៦.៤៥លាន គិតជាទឹកប្រាក់២៩.៦៥ ប៊ីលានដុល្លារ។
លោកស្រី បានមានប្រសាសន៍ថា ៖ អេប បាគង ជួយជំរុញដល់ការទូទាត់ក្នុងប្រទេសកម្ពុជាឆ្លងកាត់ធនាគារដោយរហ័ស និងទូទាត់បានភ្លាមៗ។ បច្ចុប្បន្នមានសន្ទុះខ្លាំង អ្នកប្រើប្រាស់បានកើនឡើងជាពិសេសនៅពេលការបញ្ចូល Kh QR ទៅក្នុងប្រព័ន្ធសេដ្ឋកិច្ច ៕
Account
Security
Favourite Content