សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចំនួនថវិកាដែលបានហូរចូលក្នុងវិស័យធានារ៉ាប់រងនៅកម្ពុជា មានការកើនឡើងប្រមាណជា ៣៥៧លានដុល្លារសហរដ្ឋអាមេរិកកាលពីឆ្នាំ២០២៤ ពោលគឺមានការកើនឡើងប្រមាណជា ៣.៤ភាគរយបើធៀបទៅនឹងឆ្នាំមុននេះ។
លោក នី លីហួង ប្រធានគណៈកម្មការអប់រំនៃសមាគមធានារ៉ាប់រងកម្ពុជា បានឱ្យដឹងថា ផលិតផលដែលមានប្រជាប្រិយភាពនាំមុខគេនៅក្នុងវិស័យមួយនេះ គឺធានារ៉ាប់រងអាយុជីវិត ដោយបង្កើតបុព្វលាភរ៉ាប់រងរហូតដល់ចំនួន ២០០.២លានដុល្លារក្នុងឆ្នាំ២០២៤ ខណៈដែលធានារ៉ាប់រងទូទៅមានចំនួន ១៤៨ លានដុល្លារ និងធានារ៉ាប់រងខ្នាតតូចមានចំនួន ៨.៨លានដុល្លារ។
ក្រៅពីផលិតផទាំង២ ខាងលើ ធានារ៉ាប់រងក្នុងវិស័យអចលនទ្រព្យ ក៏បានចូលរួមចំណែកដ៏ធំមួយផងដែរក្នុងឆ្នាំ២០២៤ ដែលស្មើនឹងប្រមាណ ៣៤.៨ភាគរយនៃចំនួនសរុប ចំណែកឯលេខរៀងបន្ទាប់គឺធានារ៉ាប់រងសុខភាព មានចមនួន ២២.៦ ភាគរយ ខណៈដែលការធានារ៉ាប់រងលើយានយន្ត និងប្រភេទធានារ៉ាប់រងផ្សេងៗមាន ១៦.៣ ភាគរយ ។
លោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជាបានមានប្រសាសន៍ថា ក្រុមហ៊ុនធានារ៉ាប់រងត្រូវបំពេញលក្ខខណ្ឌ និងបទបញ្ញត្តិជាច្រើនមុននឹងធ្វើប្រតិបត្តិការនៅលើទីផ្សារ ដែលមាននិយ័តករធានារ៉ាប់រងកម្ពុជា ជាអាណាព្យាល ដើម្បីធ្វើការត្រួតពិនិត្យ និងគ្រប់គ្រង ដែលមានន័យថា មិនមែនគ្រប់គ្នា សុទ្ធតែអាចបង្កើតគ្រប់ហ៊ុនធានារ៉ាប់រងបាននោះឡើយ ។ ការទិញធានារ៉ាប់រង មិនមែនជាបន្ទុកគ្រួសារនោះទេ តែជាការរៀបចំផែនការហិរញ្ញវត្ថុសម្រាប់គ្រួសារទៅពេលអនាគត។
គួរបញ្ជាក់ថា បច្ចុប្បន្នមានក្រុមហ៊ុនធានារ៉ាប់រងចំនួន៤០ ដែលបានកើនឡើងពីចំនួនតែមួយនៅក្នុងទសវត្សរ៍ឆ្នាំ១៩៩០។ ក្នុងចំណោមក្រុមហ៊ុនធានារ៉ាប់រងចំនួន៤០ មានក្រុមហ៊ុនធានារ៉ាប់រងជីវិតចំនួន១៤ ក្រុមហ៊ុនធានារ៉ាប់រងទូទៅ ១៨ ក្រុមហ៊ុនធានារ៉ាប់រងខ្នាតតូចចំនួន៧ ក្រុមហ៊ុនធានារ៉ាប់រងបន្តចំនួន១ និងក្រុមហ៊ុនជើងសាធានារ៉ាប់រងចំនួន២០ផងដែរ៕ វិន ឈុនហ៊ាត
Account
Security
Favourite Content