សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បញ្ហាលុយកាក់មិនគួរជារឿងរាំងស្ទះក្នុងការចាប់ផ្តើម ឬពង្រីកគ្រួសារថ្មីរបស់អ្នកទេ ប៉ុន្តែបន្ទាប់ពីពេលបង្កើតគ្រួសារថ្មី ឬបង្កើនសមាជិកគ្រួសារហើយ អ្នកគួរគិតគូរលើផែនការ និងគោលដៅរបស់គ្រួសាររបស់អ្នកឱ្យបានច្បាស់លាស់ ពិសេសផែនការហិរញ្ញវត្ថុ ដើម្បីបញ្ចៀសនូវបញ្ហាក្នុងក្រុមគ្រួសារ។
ពិតប្រាកដណាស់ថា លុយកាក់ជារឿងសំខាន់ ប៉ុន្តែការទទួលយកវិធីសាស្រ្តជាយុទ្ធសាស្រ្តចំពោះវិធីដែលអ្នកសន្សំ និងវិនិយោគអាចជួយបន្ធូរបន្ថយភាពតានតឹងផ្នែកហិរញ្ញវត្ថុមួយចំនួនដែលទាក់ទងនឹងដំណាក់កាលដ៏សំខាន់នៃជីវិតរបស់អ្នក។ គន្លឹះទាំង ៤ នេះអាចជួយរៀបចំថវិការបស់អ្នក និងបង្កើនគោលដៅសន្សំ។
១. ជជែកគ្នាឱ្យបានច្បាស់លាស់ទាក់ទងនឹងស្ថានភាពហិរញ្ញវត្ថុរបស់អ្នក និងដៃគូ
រឿងដំបូងដែលអាចចាត់ទុកថាល្អបំផុត ដែលអ្នកគួរធ្វើនៅពេលនិយាយអំពីហិរញ្ញវត្ថុ និងការពង្រីកគ្រួសាររបស់អ្នកនោះគឺការជជែកគ្នាឱ្យបានច្បាស់លាស់ទាក់នឹងស្ថានភាពហិរញ្ញវត្ថុក្នុងគ្រួសារ។ អ្នក និងដៃគូរបស់អ្នកត្រូវតែអនុញ្ញាតឱ្យគ្នាដឹងពីស្ថានហិរញ្ញវត្ថុទៅវិញទៅមក ដើម្បីងាយស្រួលក្នុងការចាត់ចែងចំណាយចំណូលក្នុងគ្រួសារ ជាពិសេសវាអាចជួយឱ្យចៀសផុតពីបញ្ហាហិរញ្ញវត្ថុក្នុងគ្រួសារ ក្រោយពេលអ្នកដឹងច្បាស់លាស់ពីស្ថានភាពហិរញ្ញវត្ថុរបស់គ្រួសារអ្នក។ សូមចងចាំថាផ្លូវទៅកាន់ភាពជោគជ័យផ្នែកហិរញ្ញវត្ថុនឹងអាចកើតឡើងបានលុះត្រាណាតែមានគោលដៅនៃការរៀបចំថវិកា និងផែនការបម្រុងទុក ដែលបានកំណត់ទុកជាមុន។ ការសន្ទនាដោយស្មោះត្រង់អំពីកង្វល់ សេចក្តីប្រាថ្នា និងបញ្ហាហិរញ្ញវត្ថុគឺមានសារៈសំខាន់ណាស់។
២. ត្រូវគិតគូរលើការចំណាយទាំងអស់
អ្នកត្រូវពិនិត្យមើលលើថវិកាផ្ទាល់ខ្លួន ឬថវិកាគ្រួសារបច្ចុប្បន្នរបស់អ្នក។ ការមានសមាជិកគ្រួសារថ្មីត្រូវការចំណាយច្រើនណាស់ ដូច្នេះសូមស្វែងរកវិធីដែលអ្នកអាចកាត់បន្ថយ ដើម្បីចាប់ផ្តើមសន្សំប្រាក់បន្ថែមទៀត។ ពិចារណាលើតម្រូវការប្រចាំខែទាំងនេះដែលនឹងប៉ះពាល់ដល់បញ្ចប់ថវិការបស់អ្នកដោយផ្ទាល់៖
- កន្ទបទារក៖ ទារកអាចត្រូវការវាច្រើនក្នុងមួយថ្ងៃ!
- សម្លៀកបំពាក់៖ ទារក និងកុមារធំធាត់លឿន ដូច្នេះតម្រូវការស្បែកជើង និងជាងសម្លៀកក៏ច្រើនដែរ
- ការទៅជួបគ្រូពេទ្យ៖ ម្តាយ និងទារកអាចត្រូវការការពិនិត្យជាបន្តបន្ទាប់ មុននិងក្រោយពេលកើត។ សូម្បីតែកូនដែលមានសុខភាពល្អក៏ត្រូវទៅជួបគ្រូពេទ្យជាប្រចាំដែរ។
- ការថែទាំកុមារ៖ ដោយសារអត្រាថែទាំកុមារកើនឡើងជាលំដាប់ ការសម្រេចចិត្តត្រឡប់ទៅធ្វើការពេញម៉ោង ឬក្រៅម៉ោង និងប្រើប្រាស់ការថែទាំកុមារ — ឬស្នាក់នៅផ្ទះ និងលះបង់ប្រាក់ចំណូល — ធ្វើឱ្យប៉ះពាល់ដល់គ្រួសារជាច្រើន និងថវិការបស់ពួកគេ។
- ផែនការសន្សំសម្រាប់កូននៅមហាវិទ្យាល័យ៖ វាមិនលឿនពេកទេក្នុងការចាប់ផ្តើមសន្សំសម្រាប់ការសិក្សារបស់កូនអ្នក។ ពិចារណាបន្ថែមលើការសន្សំសម្រាប់កូវត្រៀមចូលមហាវិទ្យាល័យទៅក្នុងផែនការថវិកាប្រចាំខែរបស់អ្នក ពីព្រោះសូម្បីតែការសន្សំតិចតួចឥឡូវនេះអាចទូទាត់បាន នៅពេលដែលកូនរបស់អ្នកមានអាយុ ១៨ ឆ្នាំ។
- ធានារ៉ាប់រង៖ អ្នកគួរពិនិត្យមើលលើគម្រោងថែទាំសុខភាពរបស់អ្នក ហើយនោះអាចមានន័យថា អ្នកគួរពិចារណាទិញធានារ៉ាប់រងសុខភាពប្រចាំខែ។ ហើយមួយវិញទៀតប្រសិនបើអ្នកមិនមានការធានារ៉ាប់រងអាយុជីវិតទេ ឥឡូវនេះអាចជាពេលវេលាដ៏ល្អឥតខ្ចោះដើម្បីរកមើលជម្រើសនោះ។
ទាំងនេះមិនត្រឹមតែជាបញ្ជីទូលំទូលាយនៃការចំណាយលើការពង្រីកគ្រួសារនោះទេ ប៉ុន្តែគោលបំណងរបស់វាគឺដើម្បីឱ្យអ្នកគិតអំពីតម្រូវការថវិកាសម្រាប់ទារកទាំងអស់។
អ្នកគួរសរសេរចំណាំ និងបន្ថែមចំណុចទាំងទៅក្នុងផែនការថវិកាបច្ចុប្បន្នរបស់អ្នក ហើយចាប់ផ្តើមធ្វើការអនុវត្ត។ ធ្វើការជាមួយដៃគូ និងក្រុមគ្រួសាររបស់អ្នក ដើម្បីមើលកន្លែងដែលអ្នកអាចកាត់បន្ថយជាក់ស្តែង និងរៀបចំផែនការថវិកាសម្រាប់ភាពជោគជ័យនៃទារក។
៣. បន្ថយអត្រាការប្រាក់របស់អ្នក តាមរយៈការកាត់បន្ថយ ឬលុបបំណុលបច្ចុប្បន្នណាមួយ
នៅពេលអ្នកសិក្សាប្រព័ន្ធថវិការបស់អ្នក អ្នកអាចកត់សម្គាល់ពីកន្លែងដែលអ្នកចំណាយលើសខ្ទង់ (អាហារពេលល្ងាច អាហារថ្ងៃត្រង់) ឬអត្រាការប្រាក់ដែលខ្ពស់ខ្លាំង។ ត្រូវប្រាកដថា អ្នកមានការយល់ដឹងស៊ីជម្រៅអំពីបំណុលរបស់អ្នក។ សូម គិតគូពីពីអត្រាការប្រាក់ និងរយៈពេលនៃបំណុល ដូច្នេះអ្នកអាចគណនាបំណុលរួមរបស់អ្នក ដើម្បីដោះស្រាយឱ្យបានក្នុងពេលមួយ។ ចំណេះដឹងគឺជាគន្លឹះនៃដំណោះស្រាយ ដូច្នេះសូមចំណាយពេលឥឡូវនេះ ដើម្បីដឹងច្បាស់ថា លុយរបស់អ្នកត្រូវចំណាយទៅណា ជាពិសេសនៅពេលនិយាយអំពីអំពីដំណោះស្រាយលើបំណុលនេះតែម្តង។
៤. សន្សំ និងពិចារណាលើការវិនិយោគ មានរឿងអស្ចារ្យជាច្រើនដែលអ្នកត្រូវសម្លឹងមើលនាពេលអនាគត! អ្នក និងគ្រួសារដែលទើបតែបង្កើតថ្មី មានការសន្យាសម្រាប់ពេលអនាគត ដូច្នេះកុំភ្លេចអំពីគោលដៅហិរញ្ញវត្ថុរយៈពេលវែងសំខាន់ៗដែលអ្នកមានដូចជា៖ ការសន្សំសម្រាប់ការចូលនិវត្តន៍របស់អ្នក ថវិកាសម្រាប់ការអប់រំរបស់កូនៗ និងពិចារណាលើការវិនិយោគផ្សេៗងដែលមានហានិភ័យទាប ឬគ្មាន ដូចជាការទិញបណ្ណបំណុលរដ្ឋ សញ្ញាបណ្ណ និងបញ្ញើមានកាលកំណត់ជាដើម៕
Account
Security
Favourite Content