សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សិង្ហបុរី ៖ ក្រុមហ៊ុន Travelex ដែលជាក្រុមហ៊ុនឈានមុខគេនៅលើទីផ្សារប្តូរប្រាក់បរទេស បានចាប់ដៃគូជាមួយធនាគារជាតិនៃកម្ពុជា ដើម្បីចាប់ផ្តើមការជួញដូររូបិយប័ណ្ណជាតិរបស់កម្ពុជា ប្រាក់រៀល (KHR) នៅអាកាសយានដ្ឋាន Changi ប្រទេសសិង្ហបុរី។ នេះបើយោងតាមការចុះផ្សាយរបស់គេហទំព័រ World Travel and Tour កាលពីថ្មីៗនេះ។
ជាបឋម Travelex នឹងធ្វើការជួញដូរប្រាក់រៀលនៅស្ថានីយ៍ទី ២ និងទី ៣ នៃអាកាសយានដ្ឋាន Changi ដែលជាមជ្ឈមណ្ឌលដឹកជញ្ជូនដ៏ធំបំផុតមួយនៅអាស៊ី និងជាច្រកចូលទៅកាន់ប្រទេសកម្ពុជា។ កាលពីឆ្នាំមុន ទាំងក្រុមហ៊ុន Cambodia Angkor Air និង Cambodia Airways បានហោះហើររវាងប្រទេសកម្ពុជា និងអាកាសយានដ្ឋានសិង្ហបុរី Changi។ (ការជួញដូរ គឺមានន័យស្មើនឹងការប្តូររវាងប្រាក់រៀល និងរូបិយប័ណ្ណរបស់ប្រទេសផ្សេងៗដែលមានកំណត់ដូចខាងក្រោម)។
អតិថិជននឹងអាចទិញ និងលក់ប្រាក់រៀលកម្ពុជានៅ Changi ជាមួយនឹងរូបិយប័ណ្ណជាច្រើន រួមមាន ប្រាក់ដុល្លារសិង្ហបុរី ប្រាក់ដុល្លារអាមេរិក ប្រាក់ដុល្លារអូស្រ្តាលី ប្រាក់អឺរ៉ូអឺរ៉ុប និងប្រាក់យ៉េនជប៉ុន។
ការវិនិយោគរបស់ Travelex នៅក្នុងប្រាក់រៀលខ្មែរ និងការសម្រេចចិត្តរបស់ខ្លួនក្នុងការជួញដូររូបិយប័ណ្ណខ្មែរនៅក្នុងមជ្ឈមណ្ឌលហិរញ្ញវត្ថុដ៏លេចធ្លោមួយរបស់អាស៊ី បង្ហាញពីការអភិវឌ្ឍន៍ដ៏សំខាន់សម្រាប់រូបិយប័ណ្ណនេះ។ ការជួញដូររបស់ Travelex មានន័យថា ប្រាក់រៀលឥឡូវនេះអាចរកបានក្នុងការជួញដូរជាមួយរូបិយប័ណ្ណផ្សេងទៀតនៅក្នុងប្រទេសសិង្ហបុរីជាលើកដំបូង។
ក្នុងរយៈពេលប៉ុន្មានឆ្នាំចុងក្រោយនេះ ធនាគារកណ្តាលកម្ពុជាបាននឹងកំពុងធ្វើការយ៉ាងសកម្មក្នុងការលើកកម្ពស់ប្រាក់រៀល ដែលជាមធ្យោបាយ និងគោលនយោបាយរូបិយវត្ថុរបស់ខ្លួន ដើម្បីធានាបាននូវកំណើនសេដ្ឋកិច្ច និងស្ថិរភាពប្រកបដោយចីរភាព។ កាលពីដើមឆ្នាំនេះ ធនាគារជាតិនៃកម្ពុជាក៏បានប្រកាសពីការពង្រីកការប្រើប្រាស់ប្រាក់រៀលក្នុងទីផ្សារអន្តរជាតិ ដោយភ្ជាប់ប្រព័ន្ធទូទាត់ប្រាក់បាគង ដែលប្រើប្រាស់បច្ចេកវិទ្យា blockchain របស់ធនាគារទៅកាន់ធនាគារកណ្តាលផ្សេងៗទៀត និងអ្នកផ្តល់ប្រព័ន្ធទូទាត់ពាណិជ្ជកម្មសំខាន់ៗ បន្ទាប់ពីការធ្វើសមាហរណកម្មប្រព័ន្ធទូទាត់ជោគជ័យជាមួយប្រទេសថៃ។
ការដាក់ឱ្យប្តូររូបិយប័ណ្ណជាតិរបស់កម្ពុជានេះត្រូវបានធ្វើឡើងប៉ុន្មានសប្តាហ៍ បន្ទាប់ពីធនាគារជាតិនៃកម្ពុជា និងអាជ្ញាធររូបិយវត្ថុសិង្ហបុរី (MAS) បានចុះអនុស្សរណៈយោគយល់គ្នា ដើម្បីរួមគ្នាបង្កើតគំនិតផ្តួចផ្តើមហិរញ្ញវត្ថុ ដែលមានបំណងបង្កើតហេដ្ឋារចនាសម្ព័ន្ធឌីជីថល ដើម្បីសម្រួលដល់ពាណិជ្ជកម្ម និងទំនាក់ទំនងឆ្លងព្រំដែន។ សេវាហិរញ្ញវត្ថុរវាងសហគ្រាសធុនតូច និងមធ្យមនៅប្រទេសសិង្ហបុរី និងកម្ពុជា។
លោក Dragon Wang នាយកពាណិជ្ជកម្ម Travelex Asia បាននិយាយថា៖
“យើងមានសេចក្តីសោមនស្សរីករាយដែលបានគាំទ្ររូបិយបណ្ណជាតិរបស់កម្ពុជា និងសេដ្ឋកិច្ចកាន់តែទូលំទូលាយ តាមរយៈការបើកឱ្យមានការប្តូរប្រាក់រៀលនៅអាកាសយានដ្ឋាន Changi ។ ការផ្តល់ប្រាក់រៀលនៅ Changi ជាដំបូង និងសំខាន់បំផុត ផ្តល់លទ្ធភាពឱ្យអ្នកធ្វើដំណើរទាំងទៅ និងមកពីប្រទេសកម្ពុជាមានភាពងាយស្រួលជាងមុនក្នុងការផ្លាស់ប្តូរប្រាក់រៀលជាងពេលមុនៗ។ យើងក៏ពិតជាមានមោទនភាពដែលបានចូលរួមក្នុងដំណើររបស់ប្រទេសកម្ពុជា ក្នុងការបង្កើនប្រសិទ្ធភាព និងលទ្ធភាពក្នុងការបង្កើនការប្រើប្រាស់ប្រាក់រៀល”៕
Account
Security
Favourite Content