សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នាព្រឹកថ្ងៃទី ២២ ខែមិថុនា ឆ្នាំ ២០២៣នេះ ក្រសួងបរិស្ថាន សហការជាមួយរដ្ឋបាលខេត្តបាត់ដំបង ព្រមទាំងអង្គការដៃគូផ្សេងទៀត ក្នុងការរៀបចំយុទ្ធនាការអន្ទាក់សូន្យដំណាក់កាលទី២ ខណៈដែលខេត្តបាត់ដំបងនេះផងដែរ នឹងក្លាយជាខេត្តចុងក្រោយដែលក្រសួងបរិស្ថានបិទបញ្ចប់យុទ្ធនាការអន្ទាក់សូន្យដំណាក់កាលទី២នេះ។
ចាប់ផ្ដើមយុទ្ធនាការឡើងតាំងពីថ្ងៃទី៣ ខែមីនា ឆ្នាំ២០២៣ រហូតមកដល់ពេលនេះ គឺមានរយៈ ពេល៣ខែហើយ ដែលយុទ្ធនាការអន្ទាក់សូន្យដំណាក់កាលទី២ បានធ្វើឡើងយ៉ាងសស្រាក់សស្រាំ ផ្តើមចេញពីខេត្តមួយ ទៅខេត្តមួយទៀត។
ក្នុងរយៈពេល៣ខែនេះដែរ យុទ្ធនាការបានចូលទៅកាន់ខេត្តមួយចំនួនដូចជា ខេត្តពោធិ៍សាត់ ខេត្តកំពង់ស្ពឺ ខេត្តកោះកុង ខេត្តសៀមរាប ខេត្តបាត់ដំបង និងខេត្តប៉ៃលិន។
មិនខុសពីយុទ្ធនាការដំណាក់កាលទី១ យុទ្ធនាការដំណាក់កាលទី២នេះបានចុះចូលតាមមូលដ្ឋាន ជួបជាមួយប្រជាជនដែលរស់នៅតាមតំបន់ការពារធម្មជាតិ និងចុះអប់រំផ្សព្វផ្សាយដល់សិស្សានុសិស្សជាច្រើននាក់។
ជាលទ្ធផល ប្រជាជនមានការយល់ដឹងច្រើនជាងមុន មានការផ្លាស់ប្ដូរឥរិយាបថទៅជាស្រឡាញ់ និងថែរក្សាសត្វព្រៃ ថែរក្សាព្រៃឈើដើម្បីជីវភាពជាដើម។ ក្រៅពីនោះក៏មានផងដែរនូវការចូលរួម ពីវិស័យឯកជនជាច្រើនផងដែរ ក្នុងនោះមានភោជនីយដ្ឋានជាង ១០០កន្លែងហើយ ដែលបានចូលរួម ប្ដេជ្ញាជាមួយក្រសួងបរិស្ថាន ក្នុងការមិនលក់មុខម្ហូបដែលធ្វើពីសាច់សត្វព្រៃ។
គួរបញ្ជាក់ថា យុទ្ធនាការអន្ទាក់សូន្យត្រូវបានបង្កើតដោយក្រសួងបរិស្ថាន និងបានប្រកាសចាប់ផ្ដើម យុទ្ធនាការថ្នាក់ជាតិកាលពីខែមីនា ឆ្នាំ ២០២២។ យុទ្ធនាការនោះមានរយៈពេល ៨ខែ មុននឹងឈាន ចូលក្នុងដំណាក់កាលទី២៕
Account
Security
Favourite Content