សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា ប្រធានាធិបតីចិនបានធ្វើដំណើរទស្សនៈកិច្ចនៅអឺរ៉ុបចំពេលដែលទំនាក់ទំនងពាណិជ្ជកម្មរវាងចិន និងលោកខាងលិចកាន់តែអាក្រក់ទៅៗ ប៉ុន្តែទទួលបានការស្វាគមន៍យ៉ាងកក់ក្តៅនៅក្នុងប្រទេសស៊ែប៊ី និងហុងគ្រី ដែលប្រទេសទាំងពីរគឺជាបញ្ហាសម្រាប់ទីក្រុងប្រ៊ូសែល។ .
កាលពីថ្ងៃអាទិត្យកន្លងទៅនេះ ប្រធានាធិបតីចិន Xi Jinping បានធ្វើដំណើរមកដល់ប្រទេសបារាំង ដែលជាផ្នែកនៃដំណើរទស្សនកិច្ចរយៈពេលប្រាំ ៦ ថ្ងៃ ទៅកាន់ ៣ ប្រទេសនៃទ្វីបអឺរ៉ុប ហើយវាគឺជាលើកទីមួយរបស់គាត់ចាប់តាំងពីឆ្នាំ២០១៩។ លោកប្រធានាធិបតីចិន Xi Jinping បានលើកឡើងថា ទីក្រុងប៉េកាំងបានប្តេជ្ញាចិត្តដើម្បីឈានដល់ទិដ្ឋភាពថ្មីមួយនៅក្នុងទំនាក់ទំនងរបស់ខ្លួនជាមួយបារាំង ដោយប្រទេសបារាំងកំពុងជំរុញឱ្យមានឧស្សាហកម្មឡើងវិញផ្អែកលើការច្នៃប្រឌិតបៃតង ខណៈដែលប្រទេសចិនកំពុងពន្លឿនការអភិវឌ្ឍន៍នៃកម្លាំងផលិតភាពគុណភាពថ្មី។ បន្ទាប់ពីដំណើរទស្សនកិច្ចទៅកាន់ប្រទេសបារាំង ប្រធានាធិបតីចិនរូបនេះគ្រោងនឹងទៅបំពេញទស្សនកិច្ចទៅកាន់ហុងគ្រី និងស៊ែប៊ី។
ទន្ទឹមនឹងនេះ ប្រធានគណៈកម្មការអឺរ៉ុប លោកស្រី Ursula von der Leyen មានបំណងពិភាក្សាជាមួយនឹងប្រធានាធិបតីចិន Xi Jinping អំពីគោលនយោបាយចិនដែលកំពុងបង្កការគំរាមកំហែងដល់ឧស្សាហកម្មនៅក្នុងប្លុកអឺរ៉ុប។ លោកស្រីចង់ពិភាក្សាអំពីអតុល្យភាពបច្ចុប្បន្ន ដែលកំពុងកើតឡើងនៅក្នុងពាណិជ្ជកម្មរវាងអឺរ៉ុប និងចិន។
លោកស្រី von der Leyen លើកឡើងថា ជាមួយនឹងការឧបត្ថម្ភធនធំពីរដ្ឋាភិបាល ចិនកំពុងផលិតច្រើនជាងការលក់ ដោយសារតម្រូវការក្នុងស្រុកខ្សោយនាពេលបច្ចុប្បន្ននេះ។ បញ្ហានេះនាំឱ្យទំនិញឧបត្ថម្ភធនរបស់ចិនដូចជារថយន្តអគ្គិសនី EV និងដែក មានការផ្គត់ផ្គង់លើសតម្រូវការដែលធ្វើឱ្យមានការធ្វើពាណិជ្ជកម្មមិនមានភាពយុត្តិធម៌។ ទន្ទឹមនឹងនេះ អឺរ៉ុបមិនអាចទទួលយកការអនុវត្តដែលបង្ខូចទ្រង់ទ្រាយទីផ្សារបែបនេះទេ ដោយសារវាអាចនាំឱ្យមានគំរាមគំហែងដល់ឧស្សាហកម្មនៅអឺរ៉ុប។
គួរកត់សម្គាល់ថា ក្នុងរយៈពេលប៉ុន្មានសប្តាហ៍ចុងក្រោយនេះ អាជ្ញាធរសហភាពអឺរ៉ុបបានបើកការស៊ើបអង្កេតលើការអនុវត្តអយុត្តិធម៌របស់ចិនរួមមាន ការរឹតបន្តឹងលើការផ្គត់ផ្គង់ឧបករណ៍វេជ្ជសាស្ត្រអឺរ៉ុបទៅកាន់ទីផ្សាររបស់បណ្តាប្រទេសអាស៊ី និងការឧបត្ថម្ភធនសម្រាប់ក្រុមហ៊ុនចិនដែលផលិតទួរប៊ីនខ្យល់ យានយន្តអគ្គិសនី និងរថភ្លើងផងដែរ។ ជាការឆ្លើយតប ចិន បានបើកការស៊ើបអង្កេតពន្ធប្រឆាំងនឹងការលក់បង្ខូចថ្លៃទំនិញដែលនាំចូលពីសហភាពអឺរ៉ុប ដែលវានឹងប៉ះពាល់ជាពិសេសដល់អ្នកនាំចេញរបស់បារាំង។ ការស៊ើបអង្កេតទៅវិញទៅមក ត្រូវបានគេយល់ថាជាការឈរលើជំហរប្រឆាំងនឹងលទ្ធិគាំពារនិយម។
លោកស្រី von der Leyen បានជំរុញឱ្យសមាជីកសហភាពអឺរ៉ុបមានការកាត់បន្ថយពាណិជ្ជកម្មជាមួយប្រទេសចិន ប៉ុន្តែមិនមែនមានន័យថា កាត់ផ្តាច់ពីមហាអំណាចសេដ្ឋកិច្ចនោះទេ។ ស្របពេលនេះដែរ សមាជិកសហភាពអឺរ៉ុបបានដកផ្នែកសេដ្ឋកិច្ចភាគច្រើនរបស់ពួកគេចេញពីប្រទេសរុស្ស៊ីក្នុងគោលបំណងដាក់ទណ្ឌកម្មទីក្រុងម៉ូស្គូជុំវិញជម្លោះអ៊ុយក្រែន។ ការបាត់បង់លទ្ធភាពប្រើប្រាស់ឧស្ម័នធម្មជាតិរបស់រុស្ស៊ីដែលមានតំលៃថោកបានប៉ះពាល់ដល់ឧស្សាហកម្មដែលពឹងផ្អែកខ្លាំងលើថាមពលនៅអឺរ៉ុបខាងលិច ដោយបង្ខំឱ្យអាជីវកម្មផ្លាស់ទីផលិតកម្មទៅទីតាំងផ្សេងទៀត។ សហរដ្ឋអាមេរិកស្ថិតក្នុងចំណោមគោលដៅចម្បងរបស់ពួកគេ ដោយសាររដ្ឋាភិបាលអាម៉េរិកបានផ្តល់ការឧបត្ថម្ភធនដល់អ្នកផលិតមួយចំនួននៅក្រោមច្បាប់កាត់បន្ថយអតិផរណាឆ្នាំ ២០២២៕
Account
Security
Favourite Content