សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អស់រយៈពេលជាយូរមកហើយដែលបណ្តាក្រុមហ៊ុនបច្ចេកវិទ្យាធំៗរបស់ពិភពលោកតែងតែនាំគ្នាធ្វើការបញ្ជាទិញផលិតផលបច្ចេកវិទ្យា AI ពីក្រុមហ៊ុន Nvidia ជាពិសេសបន្ទះឈីប AI សម្រាប់ផលិតកម្មរបស់ពួកគេ។
ថ្មីៗនេះមានដំណឹងមួយមិនសូវជាល្អប៉ុន្មានទេសម្រាប់ក្រុមហ៊ុន Nvidia ដោយសារតែបណ្តាក្រុមហ៊ុនយក្សខាងបច្ចេកវិទ្យាទាំងនោះដែលមានរួមដូចជា Google, Meta និង TikTok ជាដើម បាននាំគ្នាពិចារណា និងស្វែងរកលទ្ធភាពក្នុងការគេចចេញពីសង្វាក់ផ្គត់ផ្គង់របស់ក្រុមហ៊ុន Nvidia ដោយក្នុងនោះពួកគេបានធ្វើការទំនាក់ទំនងទៅកាន់ក្រុមហ៊ុនបច្ចេកវិទ្យា Broadcom ដើម្បីសុំឲ្យជួយពួកគេដោះស្រាយបញ្ហានេះ។
ថ្លែងទៅកាន់ក្រុមអ្នកវិនិយោគរបស់ខ្លួនកាលពីពេលថ្មីៗនេះ ប្រធានប្រតិបត្តិក្រុមហ៊ុន Broadcom លោក Hock Tan បានអះអាងថា ក្រុមហ៊ុនបានទទួលដំណឹងថាអតិថិជនធំៗចំនួន៣របស់ខ្លួនកំពុងដាក់ផែនការក្នុងការរៀបចំទីតាំងម៉ាស៊ីនមេ ឬ service ចំនួន១លាន XPU clusters បន្ថែមទៀតនៅត្រឹមឆ្នាំ២០២៧ខាងមុខ និងមានអតិថិជនធំៗចំនួន២ផ្សេងទៀតដែលបានដាក់គោលដៅក្នុងការអភិវឌ្ឍបច្ចេកវិទ្យាម៉ាស៊ីនខ្នាត XPU របស់ខ្លួនឲ្យកាន់តែទំនើបឡើងផងដែរ។
យ៉ាងណាក៏ដោយ បើទោះបីជា Broadcom មិនបានបញ្ជាក់ឈ្មោះអតិថិជនទាំងអស់នោះក្តី ប៉ុន្តែគេអាចជឿជាក់បានយ៉ាងច្បាស់ថាក្រុមហ៊ុនកំពុងធ្វើការជាមួយនឹងអតិថិជនរបស់ខ្លួនដែលមានដូចជា Google, Meta, ByeDance និង OpenAI ជាដើមធ្វើយ់ាងណាអាចផលិតបន្ទះឈីប AI ថ្មីបានដោយខ្លួនឯង។
ប្រភពដែលបានចេញផ្សាយដោយ The Tech Radar ក៏បានសរសេរដែរថា Broadcom បានចាប់ផ្តើមសហការជាមួយនឹងក្រុមហ៊ុន Apple ក្នុងការអភិវឌ្ឍបាននូវបន្ទះឈីបដើម្បីដំណើរការប្រព័ន្ធម៉ាស៊ីនមេថ្មីមួយទៀតដែលអាចមានឈ្មោះថា Baltra ដើម្បីអាចជួយឲ្យប្រព័ន្ធដំណើរការនៃបច្ចេកវិទ្យារបស់ Apple សម្រាប់មុខងារ AI កាន់តែល្អប្រសើរឡើងជាងនេះ។
ដោយឡែកក្នុងពេលជាមួយគ្នានេះ TheElec បានចេញផ្សាយថា Broadcom បានចាប់ផ្តើមធ្វើការជាមួយនឹងក្រុមហ៊ុនអ្នកផលិតឧបករណ៍បច្ចេកវិទ្យារបស់កូរ៉េខាងត្បូង SK Hynix រួចទៅហើយដើម្បីអាចផ្គត់ផ្គង់ឧបករណ៍ដ៏សំខាន់មួយទៀតក្នុងការបង្កើតម៉ាស៊ីមេរបស់ Broadcom នោះគឺជាអង្គចងចាំ HBM ដែលតាមផែនការនៅត្រឹមឆមាសទី២ឆ្នាំ២០២៥នេះការដឹកជញ្ជូននឹងត្រូវធ្វើឡើងជាលើកដំបូង៕
Account
Security
Favourite Content