សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប្រទេសប៊ុលហ្គារី និងតួកគី បានឈានដល់ការចុះហត្ថលេខាលើកិច្ចព្រមព្រៀងដ៏សំខាន់មួយក្នុងវិស័យថាមពល កាលពីថ្ងៃចន្ទម្សិលមិញ ក្រោមវត្តមានរបស់មេដឹកនាំនៃប្រទេសទាំងពីរ។
យោងតាមការចេញផ្សាយរបស់កាសែតក្នុងស្រុកប៊ុលហ្គារី Novinata បានបញ្ជាក់ថា នៅក្នុងជំនួបពិភាក្សាទ្វេភាគីនៅទីក្រុងអង់ការ៉ា មុនពេលចូលរួមសន្និសីទកំពូលរបស់អង្គការណាតូ (NATO) នាយករដ្ឋមន្ត្រីប៊ុលហ្ការី លោក Rumen Radev និងប្រធានាធិបតីតួកគី លោក Recep Tayyip Erdogan បានឯកភាពគ្នាកំណត់យកការតភ្ជាប់ទំនាក់ទំនងឱ្យកាន់តែរឹងមាំឡើង។
ការឯកភាពគ្នានេះ ត្រូវបានចាត់ទុកថា ជាកិច្ចការងារអាទិភាពចម្បងបំផុត ដើម្បីធានាស្ថិរភាពក្នុងតំបន់ និងសុវត្ថិភាពនៃខ្សែច្រវាក់ផ្គត់ផ្គង់ ចំពេលដែលពិភពលោកកំពុងជួបវិបត្តិជាច្រើន។
ក្នុងនោះ សមិទ្ធផលដ៏សំខាន់មួយក្រោយជំនួបនេះគឺ ក្រុមហ៊ុនហ្គាសរបស់ប្រទេសទាំងពីរ គឺ Bulgargaz និង Botasបានចុះហត្ថលេខាផ្អាកកិច្ចសន្យាចាស់រយៈពេល ១៥ ខែ។
ក្នុងអំឡុងពេលនេះ ប៊ុលហ្ការី នឹងបង់ប្រាក់តែលើទំហំហ្គាស ដែលខ្លួនបានប្រើប្រាស់ជាក់ស្តែងប៉ុណ្ណោះ ក្រោមលក្ខខណ្ឌចំណេញជាងមុន ហើយភាគីទាំងពីរនឹងធ្វើការចរចាកិច្ចសន្យាថ្មីឡើងវិញ ឱ្យស្របតាមតម្លៃទីផ្សារបច្ចុប្បន្ន។
ក្រៅពីបញ្ហាថាមពល ថ្នាក់ដឹកនាំទាំងពីរក៏បានកោតសរសើរចំពោះទំហំពាណិជ្ជកម្មទ្វេភាគី ដែលបានកើនឡើងរហូតដល់ ៩ ពាន់លានអឺរ៉ូផងដែរ។
ជាមួយគ្នានេះ ប៊ុលហ្ការីចង់ទាក់ទាញការវិនិយោគបន្ថែមពីតួកគី ខណៈដែលតួកគីបានជំរុញឱ្យសហភាពអឺរ៉ុប អនុវត្តកិច្ចព្រមព្រៀងសហភាពគយឱ្យមានប្រសិទ្ធភាពជាងមុន។
ជាចុងក្រោយ នាយករដ្ឋមន្ត្រីប៊ុលហ្ការី បានថ្លែងអំណរគុណយ៉ាងជ្រាលជ្រៅចំពោះតួកគី ដែលបានជួយរឹតបន្តឹងសន្តិសុខព្រំដែនយ៉ាងម៉ឺងម៉ាត់។
វិធានការនេះមានសារៈសំខាន់ណាស់ក្នុងការទប់ស្កាត់ជនអន្តោប្រវេសន៍ខុសច្បាប់ និងជួយគាំទ្រដល់ដំណើរការរបស់ប៊ុលហ្ការី ក្នុងការចូលជាសមាជិកពេញសិទ្ធិនៃតំបន់សេនហ្គេន (Schengen)។
គួរបញ្ជាក់ផងដែរថា ក្នុងដំណើរទស្សនកិច្ចនេះ នាយករដ្ឋមន្ត្រីប៊ុលហ្ការី ក៏បានជួបពិភាក្សាការងារជាមួយរដ្ឋមន្ត្រីពាណិជ្ជកម្មតួកគី លោកUmer Bolat ដើម្បីពង្រឹងកិច្ចសហប្រតិបត្តិការសេដ្ឋកិច្ចបន្ថែមទៀតផងដែរ៕
Account
Security
Favourite Content