កម្ពុជា​មានឱកាសការងារសម្បូរបែប អត្ថប្រយោជន៍​ច្រើន និងមានយន្តការគាំពារ ដើម្បីផ្តល់​ការងារគ្រប់គ្រាន់

ភ្នំពេញ ៖ ឆ្លើយតបនឹងភាពមិន​ច្បាស់លាស់នៃ​នយោ​បាយរបស់រាជរដ្ឋាភិបាលថៃអាណត្តិថ្មី ដែល​មិន​ទាន់មានការសម្រេចបែបណា​ចំពោះ​ពលករ​ខ្មែរ​កំពុងធ្វើការនៅប្រទេសថៃ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា នៅកម្ពុជាមានឱកាស​ការងារដ៏សម្បូរបែប មានទាំងអត្ថប្រយោជន៍​ច្រើនជាង និងយន្តការគាំ​ពារសម្រាប់​ពលករ​គ្រប់​គ្រាន់ ដើម្បីជួយស្វែងរកការងារដល់ពលករខ្មែរដែលត្រឡប់មកប្រទេសកំណើតវិញ។

ឯកឧត្តម លោក ស៊ុន មេសា អ្នកពាក្យក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា បច្ចុប្បន្ន រដ្ឋាភិបាល​ថៃនៅមិន​ទាន់មាន​ភាព​ច្បាស់លាស់នៅឡើយចំពោះ​បងប្អូនពលករ​ខ្មែរ​ដែលកំពុងធ្វើការនៅប្រទេសថៃ ធ្វើឱ្យបងប្អូនមួយចំនួនមានការព្រួយបារម្ភពីសុវត្ថិភាពការងារ ខណៈដែលភាគី​កម្ពុជាមិនទាន់​ទទួល​បាន​ការជូនដំណឹងផ្លូវការ​ណាមួយពីភាគី​ថៃនៅឡើយ។

ឯកឧត្តមបញ្ជាក់ថា៖

«យើងកំពុងតាមដានយ៉ាងយកចិត្តទុកដាក់ចំពោះភាពមិនច្បាស់លាស់នេះ… ខ្ញុំក៏សូម​បញ្ជាក់​ថា នៅកម្ពុជាមាន​ការងាររាប់ម៉ឺន​កន្លែងដែលអាច​ផ្តល់​ប្រាក់ចំណូលសមរម្យជូនបងប្អូនពលករ ក្នុងករណីដែលពួកគាត់ចង់រកការងារនៅក្នុងស្រុក។ នៅស្រុកយើង មានអត្ថប្រយោជន៍ជាច្រើនពី ប.ស.ស. យើង​មានច្រើនជាង និងសម្បូរបែប ដែលអាចជួយ​បានទាំងគ្រួសារពួក​គាត់តាមរយៈ​របប​ភាគទានស្ម័គ្រចិត្ត។ បន្ថែមពីនេះ បើទោះបីមិនមានជំនាញក៏យើងមានរៀបចំវគ្គបណ្តុះបណ្តាលវគ្គខ្លីៗ ហើយអាចទទួល​បានថវិកាចាប់​តាំងពី​ថ្ងៃចូលរៀនដំបូង។ ដូចនេះមិនមាន​អ្វីគួរឱ្យ​បារម្ភឡើយ»។

អ្នកនាំពាក្យរូបនេះ បានគូសបញ្ជាក់ពីយន្ត​ការនៃការ​ផ្តល់​ការងារធ្វើជូនអតីតពលករសំខាន់ៗរួមមាន ការបើកវគ្គបណ្តុះបណ្តាលត្រៀមចូលទីផ្សារការងាររបស់អតីតពលករដែលផ្តល់ថវិកា និងការស្នាក់​នៅ​ក្នុង​អំឡុងពេលសិក្សាដោយឥតគិតថ្លៃ ការបន្ត​យុទ្ធ​នាការវេទិកាការងារនៅតាមបណ្តាខេត្តសំខាន់ៗទាំង១៤នៅដើមឆ្នាំ២០២៦នេះ និងយន្តការផ្តល់ឱកាស​ការងារតាម​រយៈយន្តការប្រព័ន្ធទំនាក់ទំនងបន្ទាន់ ១២៩៧ជាដើម។

ឯកឧត្តមបន្តថា បុគ្គលិក និងកម្មករនិយោជិតដែល​កំពុង​ធ្វើការ​ងារនៅក្នុងប្រទេសកម្ពុជា មានឱកាស​ទទួល​បានប្រាក់ខែខ្ពស់ប្រហាក់​ប្រហែលនៅ​ប្រទេស​ថៃដែរ ថែមទាំងមានសេវាថែទាំសុខភាព តាមរយៈ​បេ​ឡា​ជាតិសន្ដិសុខសង្គម(ប.ស.ស.), ធានារ៉ាប់រង​គ្រោះ​ថ្នាក់​ការងារ និងមានប្រាក់សោធន ខណៈ​ដែលនៅប្រទេសថៃ មិនមាន​សេវាទាំង​អស់​នេះ​សម្រាប់​ជួយគាំពារ​ដល់ពលករខ្មែរដែល​មិនមានឯកសារគ្រប់គ្រាន់នោះទេ។

គិតត្រឹមខែមករា ឆ្នាំ២០២៦នេះ ប្រជាពលរដ្ឋខ្មែរ និង​អតីតពលករប្រមាណជាង ៩៦ម៉ឺននាក់ ក្នុង​នោះ​មានអតីតពលករប្រមាណ ៦៣ម៉ឺននាក់​បានត្រឡប់មកកម្ពុជា ក្រោយកម្ពុជា និងថៃ​មាន​ជម្លោះ​តាមព្រំដែន។ ក្នុងនោះយន្តការក្រសួង បាន​ជួយបងប្អូនពលករទទួលបានការងារធ្វើសរុបចំនួនជាង ៣១ម៉ឺន តាមរយៈប្រព័ន្ធទូរសព្ទ ១២៩៧, វេទិកាការងារ, ការផ្សព្វផ្សាយព័ត៌មានឱកាសការងារ និងតាមរយៈរោងចក្រផ្ទាល់។ ទន្ទឹមនេះ អតីតពលករចំនួន ៣២ម៉ឺននាក់ផ្សេង​ទៀតបាន​ចាប់យកជីវភាពកសិកម្មបែបគ្រួសារ ការងារក្នុង​កសិ​ដ្ឋាន ការដ្ឋានសំណង់ សិប្បកម្ម ភោជនីយដ្ឋាន និងសកម្ម​ភាពសេដ្ឋកិច្ចក្រៅប្រព័ន្ធ។

ជាមួយគ្នានេះ ដើម្បីបន្តជួយផ្តល់ឱកាស​ការងារជូន​អតីតពលករ ក្រសួងការងារនៅឆ្នាំ២០២៦នេះ បានរៀបចំយន្តការសំខាន់ៗចំនួន២ គឺការផ្តល់​ការបណ្តុះបណ្តាលដែលមានការឧបត្ថមនិងឱកាសការងារ១០០% និងការបន្តរៀបចំវេទិការការងារ សន្តិសុខសង្គម និងបណ្តុះបណ្តាល​វិជ្ជាជីវៈចំនួន​ជាង ៦០លើក បន្ថែមទៀតនៅទូទាំងប្រទេស ជាពិសេស​នៅតាមបណ្ដាខេ​ត្តដែលមាន​អតីតពល​ករខ្មែរ​រស់នៅច្រើនជាងគេ។

ឯកឧត្តម ស៊ុន មេសា បញ្ជាក់ថា៖

«បច្ចុប្បន្ន​ក្នុងនាម​ក្រសួ​ងការងារ និងបណ្ដុះបណ្ដាលវិជ្ជាជីវៈ គឺយើង​ខិតប្រឹងប្រែងក្នុងការផ្សព្វផ្សាយពីឱកាសការងារស្ទើតែគ្រប់មធ្យោយបាយនៅតាមមូលដ្ឋាន ដើម្បី​នាំយក​ឱកាសការងារជូនបងប្អូនយើងដែលប្រឡប់មកពីប្រទេសថៃ។ សម្រាប់បងប្អូនពលករខ្មែរយើងមួយចំនួន នៅមិនទាន់បានទទួលព័ត៌មានពីឱការងារដ៏សម្បូរបែបនៅក្នុងប្រទេសយើង សូមចូលក្នុងវេទិកា ឬទាក់ទងមកប្រព័ន្ធ Hotline ១២៩៧ ដែលកំពុងរង់ចាំបម្រើសេវា៧ថ្ងៃក្នុងមួយសប្តាហ៍»។

យ៉ាងណា​ក៏ដោយ ជាមួយនឹងភាពស្រពិច​ស្រពិល​មិន​ច្បាស់​លាស់នៃទីផ្សាការងារនៅថៃ លោក ស៊ុន មេសា អ្នកនាំពាក្យក្រសួងការងារ និងបណ្តុះ​បណ្តាល​វិជ្ជាជីវៈបានអះអាង ការវិលត្រឡប់​របស់បង​ប្អូនពលករខ្មែរដែលនៅប្រទេសថៃ គឺជាឱកាសមាស ដើម្បីបំពេញតម្រូវការកម្លាំងពលកម្មតាមរោងចក្រ សហគ្រាសរាប់ម៉ឺននាក់ផង និងការជួយ​បំប៉ន​កំណើន​​សេដ្ឋកិច្ចក្នុងស្រុកផង ដោយក្រសួងរៀបចំ​យន្តការសំខាន់ៗសម្រាប់គាំពារពលករខ្មែរ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី


Leave a Reply

Your email address will not be published.Required fields are marked *