ការបិទព្រំដែនកម្ពុជា-ថៃ ជំរុញទំហំពាណិជ្ជកម្ម កម្ពុជា-សិង្ហបុរី មានកំណើនជាង ២២០%

ភ្នំពេញ ៖ ការដោះដូរទំនិញកម្ពុជា-សិង្ហបុរី ​នៅក្នុងរយៈពេល ៤ ខែ ​(មករា-មេសា) ​ឆ្នាំ២០២៦ សម្រេច​បានជាង​ ៧៧៥ លានដុល្លារ ​កើនឡើងជាង ២២០% ​ធៀបនឹងរយៈពេលដូចគ្នា​កាលពីឆ្នាំ២០២៥ ដោយក្នុងនោះ កម្ពុជា​នាំទំនិញចេញ​ទៅ​សិង្ហបុរីជាង ២៣ ​លានដុល្លារ កើនឡើង ៣០% ចំណែកឯសិង្ហបុរីនាំចូលមកកម្ពុជាវិញមានតម្លៃ ៧៥១ លានដុល្លារ កើនឡើង ២៣៦,៥% ។​ នេះ​បើ​យោង​តាម​របាយការណ៍​របស់​អគ្គនា​យក​ដ្ឋាន​​គយ និង​រដ្ឋាករ​កម្ពុជា ​(GDCE)​។

លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិន នៃរាជបណ្ឌិត្យសភាកម្ពុជា បានប្រាប់ AMS Economy នាថ្ងៃទី១៥ ខែឧសភា ឆ្នាំ២០២៦ នេះថា ទំនាក់ទំនងពាណិជ្ជកម្មកម្ពុជាជាមួយសិង្ហបុរី គឺជាការតភ្ជាប់ត្រង់ពីកម្ពុជាទៅសិង្ហបុរី  ដែលមានកំណើនខ្ពស់ជាងមុនតាមរយៈការបិទព្រំដែនជាមួយកម្ពុជា-ថៃ។

លោកបណ្ឌិត បានលើកឡើងថា ៖ កន្លងមក ទំនិញមួយចំនួនពីសិង្ហបុរី គឺចូលទៅប្រទេសថៃសិន ទើបបានហូរចូលមកប្រទេសកម្ពុជា ដែលសាធារណៈជនភាគច្រើនមើលឃើញថា ជាការនាំទំនិញពីថៃចូលមកទីផ្សារកម្ពុជា ប៉ុន្តែ​ ទំនិញមួយចំនួននោះគឺមានប្រភពដើមចូលពីសឹង្ហបុរី។

លោកបានបញ្ជាក់ថា ៖

«នៅពេលដែលបិទព្រំដែនថៃនេះគឺហុចឱកាសឲ្យបណ្ដាប្រទេសអាស៊ានផ្សេងៗទៀតភ្ជាប់ទំនាក់ទំនងជាមួយកម្ពុជា ជាពិសេសលើវិស័យសេដ្ឋកិច្ច និងពាណិជ្ជកម្ម។ ចំណុចទាំងនេះ ក៏អាចនិយាយបានថា ការបិទព្រំដែននេះ បើកឱកាសមួយចំនួនសម្រាប់កម្ពុជាផង ហើយក៏សម្រាប់ប្រទេសនៅក្នុងតំបន់អាស៊ានផង។ នេះគឺជាផលជះចេញពីការបិទព្រំដែននៃកម្ពុជា-ថៃ»។

លោកបណ្ឌិត ហុង វណ្ណៈ អ្នក​ជំនាញ​ផ្នែក​សេដ្ឋកិច្ច​​នៅ​រាជបណ្ឌិត្យសភា​កម្ពុជា មានប្រសាសន៍ថា ដោយ​សារ​មាន​តម្រូវ​ការ​កើនឡើងរវាងប្រទេសទាំងពីរ កម្ពុជា-សិង្ហបុរី ​ទើបជំរុញ​ឱ្យ​​ការនាំចេញ​ និងនាំចូលមានការកើនឡើងដូចគ្នាដើម្បីបំពេញតម្រូវការជាក់ស្ដែង។

លោកបណ្ឌិត ហុង វណ្ណៈ​ យល់ឃើញថា៖

«​សិង្ហបុរី ​ជាទីផ្សារមួយសំខាន់ ​ជាប្រទេស​ដែលមាន​ស្ដង់ដារខ្ពស់ ​ទាំងមនុស្ស ​និងរបៀបរបបនៃការរស់នៅ​ បើគេមានតម្រូវការ​ផលិតផល​កម្ពុជា មាន​ន័យថា ​ផលិត​ផលកម្ពុជា ​ឆ្លើយ​តបទៅនឹងតម្រូវ​ការ​របស់សិង្ហបុរី ​ដែលជាគំរូមួយជំរុញឱ្យកម្ពុជា មាន​ឧត្តមភាពប្រកួតប្រជែង​ជាមួយបណ្ដា​ប្រទេសផ្សេងៗទៀត»។​

លោកបណ្ឌីត បានបន្តលើកឡើងថា៖ បើក្រលេកមើលទំហំពាណិជ្ជកម្មកម្ពុជា- សិង្ហបុរី ហាក់ដូចជានៅតូច តែវាមានកំណើន ហើយលេចធ្លោខ្លាំងនៅឆ្នាំ២០២៦នេះ ។ កម្ពុជានាំចេញទៅសិង្ហបុរីក៏កើនឡើង ចំណែកការនាំចូលពីសិង្ហបុរីមកកម្ពុជាក៏កើន នេះបង្ហាញថា​ សុខុមាលភាពពាណិជ្ជកម្មនៃប្រទេសទាំងពីរមានសន្ទុះ ខណៈពាណិជ្ជកម្មកម្ពុជា- ថៃ ថយចុះយ៉ាងខ្លាំង​បន្ទាប់ពីជម្លោះ។

ឯកឧត្តម ប៉ែន សុវិជាតិ រដ្ឋលេខាធិការ និង​ជាអ្នកនាំពាក្យក្រសួងពាណិជ្ជកម្ម បានមានប្រសាសន៍ថា៖​ ទំហំ​ពាណិជ្ជកម្មកម្ពុជាមានកំណើន ​ឆ្លុះបញ្ចាំង​ថា ​កម្ពុជា​នៅរក្សាបានទីផ្សារសំខាន់ៗរបស់ខ្លួន ​ដែល​ជា​ទីផ្សារ​ពិភពលោក​ ធានារនូវការផ្គត់ផ្គង់​ បង្កើតសក្ដានុភាពកម្ពុជា ​ក្នុងខ្សែច្រវាក់​តម្លៃ និងខ្សែច្រវាក់​ផ្គត់​ផ្គង់​ និងរក្សាបាននូវជំនឿចិត្ត​ពីអ្នកបញ្ជាទិញ​ និង​ទីផ្សាររបស់​ខ្លួន។

ដោយឡែក​ អ្នកជំនាញសេដ្ឋកិច្ច លោកបណ្ឌិត ឌុច ដារិន្ទ បានលើកឡើងកាលពីពេលថ្មីៗនេះថា៖ ទំហំនៃការនាំចូលពីសិង្ហបុរីមកកម្ពុជា មានកំណើនយ៉ាងគំហុកនៅមួយរយៈពេលចុងក្រោយនេះ គឺត្រូវបានជំរុញដោយកំណើនខ្ពស់នៃការនាំចូលប្រេងឥន្ទនៈ និងវត្ថុធាតុដើមមួយចំនួន ដែលគាំទ្រដល់ការប្រើប្រាស់ប្រចាំថ្ងៃ និងជាសញ្ញានៃការពង្រីកសកម្មភាពសេដ្ឋកិច្ចក្នុងស្រុក។ ចំពោះអនាគតនៃទំនាក់ទំនងពាណិជ្ជកម្មទ្វេភាគីរបស់ប្រទេសទាំងពីរ អ្នកជំនាញរូបនេះជឿជាក់ថា នឹងបន្តមានកំណើនវិជ្ជមានបន្ថែមទៀត ដ្បិតប្រទេសទាំងពីរស្ថិតក្រោមកិច្ចព្រមព្រៀង RCEP រួមគ្នា ដែលផ្តល់ភាពអនុគ្រោះពាណិជ្ជរវាងគ្នាទៅវិញទៅមក ក្នុងនោះទំនិញកម្ពុជា ដែលមានសក្តានុពលខ្ពស់ក្នុងការនាំចេញទៅកាន់សិង្ហបុរី មានដូចជា អង្ករ ផលិតផលកសិកម្មកែច្នៃ ផលិតផលកាត់ដេរ និងគ្រឿងបង្គុំអេឡិចត្រូនិក ជាដើម ខណៈការផ្គត់ផ្គង់ពីសិង្ហបុរី មកកម្ពុជាវិញ មានដូចជាវត្ថុធាតុដើម បច្ចេកវិទ្យា និងសេវាហិរញ្ញវត្ថុជាដើម។

គួរកត់សម្គាល់ថា ៖ ចាប់តាំងពីមានជម្លោះព្រំដែនជាមួយប្រទេសថៃ ហើយឈានដល់ការបិទព្រំដែនគោកជាឯកតោភាគីពីប្រទេសថៃ កម្ពុជាបានសម្រេចបង្វែរការនាំចូលទំនិញមកពីប្រទេសសិង្ហបុរី និងម៉ាឡេស៊ី ដែលធ្វើឱ្យកំណើននៃការនាំចូលទំនិញមកពីប្រទេសទាំងពីរនេះមានអត្រាកំណើនខ្ពស់៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា

Canadia Impact Fund វិនិយោគលើក្រុមហ៊ុនធុរកិច្ចថ្មីបារាំង Choose and Connect ដើម្បីផ្សារភ្ជាប់វិស័យអប់រំទៅនឹងឱកាសការងារ

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) បានចុះហត្ថលេខាលើកិច្ចព្រមព្រៀងវិនិយោគជាមួយក្រុមហ៊ុនធុរកិច្ចថ្មី (start-up) ផ្នែកអប់រំរបស់បារាំងមួយឈ្មោះថា «Choose and Connect» ដែលនេះគឺជាការវិនិយោគលើកដំបូងរបស់ CIFC នៅក្នុងក្រុមហ៊ុនធុរកិច្ចថ្មីរបស់បារាំង។

EFI អបអរសាទរខួប ១០ ឆ្នាំនៃឧត្តមភាពផ្នែកអប់រំ និងសម្ពោធឆ្នាំដំបូងនៃសាកលវិទ្យាល័យហ្វ្រង់កូហ្វូននៅអាស៊ី (Université Francophone d’Asie)

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ សាលា École Française Internationale (EFI) ភ្នំពេញ បានប្រារព្ធខួបលើកទី ១០ របស់ខ្លួននៅថ្ងៃសុក្រ ទី ១៣ ខែវិច្ឆិកា ឆ្នាំ ២០២៦ នៅសាលាបុរីកោះពេជ្រ (Koh Pich City

ព្រះមហាក្សត្រខ្មែរ រំលេចពីតម្លៃសន្តិភាព និង «ស្នាមញញឹមខ្មែរ» នៅចំពោះមុខថ្នាក់ដឹកនាំ ៨២ ប្រទេស ក្នុងកិច្ចប្រជុំកំពូលហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលគូសបញ្ជាក់ពីតម្លៃមិនអាចកាត់ថ្លៃបាននៃសន្តិភាព ការងើបឡើងវិញនៃវប្បធម៌ និងអត្ថន័យនៃស្នាមញញឹមខ្មែរដែលកើតចេញពីការបង្រួបបង្រួមជាតិ នៅក្នុងពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ នារាជធានីភ្នំពេញ ថ្ងៃទី១៥ ខែវិច្ឆិកា ឆ្នាំ២០២៦ ក្រោមវត្តមានប្រមុខរដ្ឋ ប្រមុខរដ្ឋាភិបាល និងគណៈប្រតិភូមកពី

សហគ្រិនខ្មែរ រៀបចំកម្មវិធីជំនួបសហគ្រិនជាលើកទី២ ដើម្បីពង្រឹងលទ្ធភាពចូល ទីផ្សារ និងទទួលបានហិរញ្ញប្បទាន

ព្រឹត្តិការណ៍, អត្ថបទពាណិជ្ជកម្ម

• 14/11/2026

ភ្នំពេញ៖ សហគ្រិនខ្មែរ ថ្ងៃទី១២ ខែវិច្ឆិកា ឆ្នាំ២០២៦​ បានរៀបចំជំនួបសហគ្រិនសម្រាប់ទីផ្សារ និងហិរញ្ញប្បទាន ក្រោមយុទ្ធនាការផ្សព្វផ្សាយប្រព័ន្ធអេកូឡូស៊ីសហគ្រិនភាព ឆ្នាំ២០២៦ ដោយបាន ប្រមូលផ្ដុំសហគ្រិន, សហគ្រាសធុនតូច និងមធ្យម, ធនាគារ, វិនិយោគិន និងប្រតិបត្តិករទីផ្សារ ដើម្បីពង្រឹងការគាំទ្រជាក់ស្តែងដល់សហគ្រាស ក្នុងការទទួលបានទីផ្សារថ្មីៗ និងការទទួលបានប្រភព ទុន។ 

បណ្ឌិត​ អុិន សុផល ៖ ថៃគ្មាន​សិទ្ធិ​មក​កំណត់​គោល​នយោបាយ​ការបរទេសរបស់​កម្ពុជា​នោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 14/11/2026

ភ្នំពេញ ៖ ក្រោយ​ថៃបានព្រមាន​កម្ពុជា​ មិនឱ្យលើកយក​ករណីជម្លោះព្រំដែនមកជជែក​ក្នុងកិច្ចប្រជុំ​ហ្វ្រង់កូហ្វូ​នី​ដែល​កម្ពុជា​ធ្វើជា​ម្ចាស់​ផ្ទះ លោក​បណ្ឌិត​អ៊ិន សុផល ជាសាស្ត្រាចារ្យផ្នែកវិទ្យាសាស្ត្រ​នយោបាយ និងជាអ្នក​និពន្ធសៀវភៅប្រវត្តិសាស្ត្រ នយោបាយ​បានលើកឡើង​ថា ថៃគ្មានសិទ្ធិមក​កំណត់​គោល​នយោបាយការបរទេស​របស់កម្ពុជា​នោះទេ ។​ តាមសំណេររបស់លោកបណ្ឌិត​អ៊ិន​ សុផល​ នៅលើ​គណនី​ហ្វេសប៊ុក​ផ្ទាល់​ខ្លួននៅព្រឹកថ្ងៃទី១៤ វិច្ឆិកា​ ២០២៦​ លោក​បានលើកឡើងថា ការព្រមានរបស់ភាគីថៃ ពាក់ព័ន្ធនឹង​ការលើកឡើងអំពីបញ្ហាព្រំដែនកម្ពុជា-ថៃ នៅក្នុងកិច្ចប្រជុំ​កំពូលហ្វ្រង់កូហ្វូនី​គឺថៃគ្មានសិទ្ធិ


Leave a Reply

Your email address will not be published.Required fields are marked *