សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា ក្នុងឆ្នាំ២០២៤ ទុនវិនិយោគសរុបមានជាង ២០ ៤៥៦,៦ លានដុល្លារអាមេរិក មានការកើនឡើងចំនួន ១ ៨៩០,២ លានដុល្លារ ស្មើនឹង១០,១៨ភាគរយ បើធៀបទៅនឹងឆ្នាំ២០២៣។
របាយការណ៍ចេញផ្សាយនៅក្នុងសន្និបាតបូកសរុបការងារក្នុងឆ្នាំ២០២៤ និងលើកទិសដៅការងារក្នុងឆ្នាំ២០២៥ ដឹកនាំដោយឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី២៥-២៦ ខែកុម្ភៈ ឆ្នាំ២០២៥ បានបង្ហាញថា ទុនវិនិយោគក្នុងស្រុកមានចំនួន ៣ ៩៦១,៧លានដុល្លារ ស្មើនឹង១៩,៣៧ភាគរយ នៃទុនវិនិយោគសរុប ។
គួរបញ្ជាក់ថា៖ នៅរាជធានីភ្នំពេញ ចំនួនទុនវិនិយោគច្រើនជាងគេ គឺ ៥ ៧៥៥.៤ លានដុល្លារ បន្ទាប់មកខេត្តព្រះសីហនុមានចំនួន ២ ៥៤៦,២ លានដុល្លារ និងខេត្តកណ្តាលចំនួន ២ ៤៧៥.២ លានដុល្លារ ។
របាយការណ៍របស់ក្រសួងឧស្សាហកម្ម បានឱ្យដឹងផងដែរថា៖ តម្លៃបរិមាណផលិតផលសរុបអនុវត្តក្នុងឆ្នាំ២០២៤ សរុបមានចំនួនជាង ១៥.១៤៩ លានដុល្លារ មានការថយចុះចំនួនជាង ១ ២១៥លានដុល្លារ ស្មើនឹង ៧,៤៣ភាគរយ បើធៀបទៅនឹងឆ្នាំ២០២៣។ ក្នុងនោះតម្លៃបរិមាណផលិតផលបម្រើទីផ្សារក្នុងស្រុក មានចំនួន ៣ ៨៩១ លានដុល្លារ មានការថយចុះចំនួន២៣៣លានដុល្លារអាមេរិកស្មើនឹង ៥,៦៥ភាគរយ បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៣ ចំណែកការនាំចេញ មានចំនួន ១១ ២៥៨ លានដុល្លារ មានការថយចុះចំនួន៩៨២លានដុល្លារ ស្មើនឹង ៨,០៣ភាគរយ បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៣។
ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា៖
«បើទោះបីសេដ្ឋកិច្ចសកលនៅបន្តមានបញ្ហាប្រឈមខ្ពស់យ៉ាងណាក្តី សេដ្ឋកិច្ចកម្ពុជានៅតែអាចរក្សាបាននូវស្ថិរភាពម៉ាក្រូសេដ្ឋកិច្ច ទាក់ទាញការវិនិយោគ និងបង្កើតរោងចក្រ-សហគ្រាសជាបន្តបន្ទាប់ ដែលបានគាំទ្រកំណើនជំរុញដោយការនាំចេញរបស់កម្ពុជា»។
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានព្យាករថា កំណើនសេដ្ឋកិច្ចក្នុងវិស័យឧស្សាកម្មនៅក្នុងឆ្នាំ២០២៥នេះ នឹងមានប្រមាណ ៨,៦ភាគរយ បន្ទាប់ពីក្នុងឆ្នាំ២០២៤ សម្រេចបានប្រមាណ ៨,៥ ភាគរយ ក្នុងចំណោមកំណើនសេដ្ឋកិច្ចកម្ពុជាទាំងមូលសម្រេចបានអត្រាកំណើនក្នុងរង្វង់៦ភាគរយ ក្នុងឆ្នាំ២០២៤៕
Account
Security
Favourite Content