សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មហោស្រពសហគ្រិនវ័យក្មេងអាស៊ានលើកទី៧ ក្រោមប្រធានបទ “រីកចម្រើនកាន់តែខ្លាំងទាំងអស់គ្នា (RISE STRONGER TOGETHER)” នៅព្រឹកថ្ងៃទី១២ ខែវិច្ឆិកា ឆ្នាំ២០២២នេះ ត្រូវបានចាប់ដំណើរការក្រោមការចូលរួមពីសំណាក់ថ្នាក់ដឹកនាំជាន់ខ្ពស់ក្នុងវិស័យរដ្ឋ និងបណ្តាអ្នកជំនួញ ជាពិសេសសហគ្រិនវ័យក្មេងដែលមានពីបណ្តាប្រទេសជាសមាជិកអាស៊ានយ៉ាងច្រើនកុះករ។
ព្រឹត្តិការណ៍ដ៏អស្ចារ្យនៃមហោស្រពសហគ្រិនវ័យក្មេងអាស៊ានលើកទី៧ ដែលរៀបចំឡើងដោយសមាគមសហគ្រិនវ័យក្មេងកម្ពុជា ក្នុងនាមជាប្រធានសហគ្រិនវ័យក្មេងអាស៊ានឆ្នាំ២០២២ ត្រូវបានធ្វើឡើងក្នុងគោលបំណងច្បាស់លាស់ ចង់ឃើញបណ្តាក្រុមហ៊ុន និងសហគ្រិនវ័យក្មេងទាំងអស់យកឈ្នះទៅលើភាពអវិជ្ជមាននៃការរំខានដែលបណ្តាលមកពីវិបត្តិកូវីដ-១៩ តាមរយៈការសម្របខ្លួនទៅនឹងសម័យឌីជីថលភាវូបនីយកម្មផង ភាពជាអ្នកដឹកនាំផង ព្រមទាំងកិច្ចសហការ និងការចូលរួមរបស់ស្រ្តីផង ក្នុងការដោះស្រាយបញ្ហាប្រឈមធំៗជាមួយគ្នា និងដើម្បីអាចសម្របខ្លួនទៅនឹងរបៀបរស់នៅប្រក្រតីភាពថ្មីនេះ។
ព្រឹត្តិការណ៍នេះមានការចូលរួមពីសំណាក់បណ្តាញរាជរដ្ឋាភិបាលដែលជាអ្នកគាំទ្រសមាគមសហគ្រិនវ័យក្មេងមកពីរដ្ឋសមាជិកអាស៊ានទាំង១០ ហើយក្រៅតែពីការចូលរួមនៅក្នុងដំណើរការសមាហរណកម្មសេដ្ឋកិច្ចអាស៊ាន AYEC ក៏មានតួនាទីជាបណ្តាញសហគ្រិនវ័យក្មេង ដែលមានទំនាក់ទំនងផ្ទាល់ជាមួយសមាគមថ្នាក់ជាតិរៀងៗខ្លួន និងលេខាធិការដ្ឋានអាស៊ានផងដែរ។ AYEC បានបន្តរៀបចំព្រឹត្តិការណ៍ ASEAN Young Entrepreneurs Carnival នេះគិតចាប់តាំងពីឆ្នាំ២០១៦មកម្ល៉េះ។
ដោយឡែកសម្រាប់ព្រឹត្តិការណ៍នៃមហោស្រពដែលមានរយៈពេល២ថ្ងៃប្រព្រឹត្តនៅសាលប្រជុំនៃទីក្រុងកោះពេជ្យ Koh Pich City Hall ចាប់ពីថ្ងៃទី១២ ដល់ថ្ងៃទី១៣ ខែវិច្ឆិកា ឆ្នាំ២០២២ ដែលរៀបចំឡើងដោយសមាគមសហគ្រិនវ័យក្មេងកម្ពុជា ដើរតួជាប្រធានរបស់ AYEC សម្រាប់ឆ្នាំ២០២២ ដោយមានការសហការដៃគូជាមួយនឹងបណ្តាសហគ្រិនសកល GEN និងក្រុមប្រឹក្សាធុរកិច្ចអាស៊ាន ASEAN-BAC កម្ពុជា។
ថ្ងៃទី១ (ពិធីបើក និងសម្ពោធយុទ្ធសាស្ត្រ AYEC សម្រាប់ឆ្នាំ២០២៥)
សេចក្តីថ្លែងការណ៍ដោយឯកឧត្តមបណ្ឌិត កាន ច័ន្ទមេត្តា រដ្ឋលេខាតំណាងដ៏ខ្ពង់ខ្ពស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី និងរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ត។ ឯកឧត្តមតំណាងឲ្យឯកឧត្តមទេសរដ្ឋមន្ត្រី បានទទួលស្គាល់តួនាទីរបស់សហគ្រាសធុនតូច និងមធ្យមតែមានសក្ដានុពលដ៏ធំសម្បើមក្នុងការជំរុញកំណើនសេដ្ឋកិច្ច និងធ្វើឲ្យប្រសើរឡើងនូវសមត្ថភាពសេដ្ឋកិច្ចក្នុងការដោះស្រាយវិបត្តិនានា ហើយរំពឹងទុកថានឹងអាចផ្តល់ការងារប្រហែលពីរភាគបីនៃចំនួនការងារនៅទូទាំងប្រទេស។ ឯកឧត្តមតំណាងឲ្យឯកឧត្តមទេសរដ្ឋមន្ត្រីអញ្ជើញជាអធិបតី និងប្រកាសសម្ភោធនូវយុទ្ធសាស្ត្រ AYEC 2025 សម្រាប់សហគ្រិនវ័យក្មេងរបស់អាស៊ានទាំងមូល។
-កិច្ចពិភាក្សាពេលព្រឹក
ក្រុមទីមួយត្រូវពិភាក្សាទៅលើប្រធានបទនៃការទាញយកលទ្ធភាពទទួលបានហិរញ្ញប្បទានសម្រាប់សហគ្រាសធុនតូច និងមធ្យមសម្រាប់កំណើនរួមគ្នាពីវាគ្មិនសំខាន់ៗចំនួនប្រាំមកពីប្រទេសមីយ៉ាន់ម៉ា ឥណ្ឌូនេស៊ី ហ្វីលីពីន ប្រ៊ុយណេ និងកម្ពុជា ដោយមានការសម្របសម្រួលដោយ លោក Raymond Sia Say Guan ប្រធានសមាគមធនាគារនៅកម្ពុជា។ អ្នកពិភាក្សានឹងផ្តោតសំខាន់ទៅលើបញ្ហាប្រឈម និងដំណោះស្រាយរបស់សហគ្រាសធុនតូច និងមធ្យម ក្នុងការទទួលបានហិរញ្ញវត្ថុ ព្រមទាំងការទទួលបានហិរញ្ញវត្ថុអាស៊ានពីធនាគារអាស៊ាន។
– កិច្ចពិភាក្សាពេលរសៀល វាគ្មិនដែលនឹងត្រូវធ្វើសន្ទរកថា នូវប្រធានបទស្តីពី Digitalized for SMEs ដោយ ឯកឧត្តម កែវ សុធី រដ្ឋលេខាធិការ តំណាង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។ ឯកឧត្តម រដ្ឋលេខាធិការ បានសង្កត់ធ្ងន់សារជាថ្មីលើការផ្តល់អាទិភាពលើឌីជីថលនីយកម្ម ដើម្បីឈានជើងឆ្ពោះទៅរកការខ្លួនជាក្លាយជាសេដ្ឋកិច្ចឌីជីថល និងសង្គមឌីជីថល។ ឌីជីថលភាវូបនីយកម្ម ពាណិជ្ជកម្មអេឡិចត្រូនិចដើរតួយ៉ាងសំខាន់សម្រាប់ភាពជោគជ័យនៃអាជីវកម្មនាពេលបច្ចុប្បន្ននេះហើយ ជាមួយគ្នានេះ ឯកឧត្តមរដ្ឋលេខាធិការបានផ្តល់កិត្តិយសក្នុងការដាក់ឱ្យដំណើរការកម្មវិធីទូរស័ព្ទសមាគមសហគ្រិនវ័យក្មេងអាស៊ាន the ASEAN Young Entrepreneurs Association App ដែលបង្ហាញថា AYEC កំពុងឆ្ពោះទៅមុខជាឌីជីថលដោយប្រើកម្មវិធីទូរស័ព្ទ ដើម្បីភ្ជាប់ទំនាក់ទំនងកាន់តែរឹងមាំក្នុងចំណោមសហគ្រិនវ័យក្មេងនៅតំបន់អាស៊ាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុនផលិតរថយន្ត Rolls-Royce ចាត់ទុកចិនជាទីផ្សារយុទ្ធសាស្ត្រវិនិយោគរយៈពេលវែង
ព្រឹត្តិការណ៍, អាជីវកម្មថ្មី និងនវានុវត្ត
• 08/10/2026
ក្រុមហ៊ុនផលិតរថយន្តទំនើបអង់គ្លេស Rolls-Royce បានចាត់ទុកទីផ្សារចិនជាទីផ្សារដ៏សំខាន់សម្រាប់យុទ្ធសាស្ត្រវិនិយោគរយៈពេលវែងរបស់ខ្លួន ដោយសារតម្រូវការរបស់អតិថិជន និងបណ្តាញតំណាងចែកចាយដែលកំពុងវិវឌ្ឍល្អ
សម្ដេចធិបតី ហ៊ុន ម៉ាណែត ៖ កម្ពុជា មិនអនុញ្ញាតឱ្យមានរោងចក្រផលិតបារីអេឡិចត្រូនិកឡើយ បើទោះបីក្នុងគោលដៅនាំចេញក៏ដោយ
Top News, ព្រឹត្តិការណ៍, សេដ្ឋកិច្ច
• 07/10/2026
កម្ពុជា មិនអនុញ្ញាតឱ្យមានរោងចក្រផលិតបារីអេឡិកត្រូនិកឡើយ
អបអរសាទរ សាខាទាំង ១៦ អតីតសាខារបស់ គ្រឹះស្ថានមីក្រូហិរញ្ញវត្ថុ ហ្វូណន ទទួលបានការអនុម័តពីធនាគារជាតិ នៃកម្ពុជា បំប្លែងទៅជាសាខារបស់ ធនាគារ ប្រៃសណីយ៍កម្ពុជា ក.អ
ព្រឹត្តិការណ៍, អត្ថបទពាណិជ្ជកម្ម
• 07/10/2026
អបអរសាទរ សាខាទាំង ១៦ អតីតជាសាខារបស់គ្រឹះស្ថានមីក្រូហិរញ្ញវត្ថុ ហ្វូណន ដែលទទួលបានការអនុម័តពីធនាគារជាតិនៃកម្ពុជា បំប្លែងទៅជាសាខារបស់ធនាគារ ប្រៃសណីយ៍កម្ពុជា ក.អ ដែលត្រូវបានសម្ពោធដាក់ឱ្យដំណើរការជាផ្លូវការព្រមគ្នាក្នុងថ្ងៃតែមួយ នាថ្ងៃទី០៥ ខែតុលា ឆ្នាំ២០២៦។ បច្ចុប្បន្ននេះ សាខារបស់ធនាគារ ប្រៃសណីយ៍កម្ពុជា សរុបកើនឡើងទៅចំនួន ៨០ សាខាទូទាំងប្រទេស។ សាខាថ្មីទាំង
ការលើកកម្ពស់ស្តង់ដារសុវត្ថិភាពអគ្គិភ័យសម្រាប់អគារនៅកម្ពុជា ជាមួយគណៈស្ថាបត្យករកម្ពុជា និង Jotun
ព្រឹត្តិការណ៍, អត្ថបទពាណិជ្ជកម្ម
• 07/10/2026
ភ្នំពេញ ៖ Jotun Cambodia កាលពីពេលថ្មីៗនេះ បានរៀបចំកម្មវិធី Fire Protection Insight Series 2026 ដោយបានប្រមូលផ្តុំសមាជិកនៃ Board of Architects Cambodia (គណៈស្ថាបត្យករកម្ពុជា) សមាគមស្ថាបត្យករខ្មែរ Architects Association
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content