សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សាកគិតទៅមើល វាអស្ចារ្យ និងល្អយ៉ាងណាសម្រាប់សុខភាពអ្នកដែលចូលចិត្តកីឡានៅពេលដែលមានមជ្ឈមណ្ឌលកីឡាធំជាងគេបំផុតនៅកម្ពុជា បំពាក់ទៅដោយបរិក្ខារទំនើប ការចនាស្អាត បរិយាកាសល្អ មានកន្លែងចតធំទូលាយនិងកន្លែងលេងកីឡាជាច្រើន។
ក្នុងគោលបំណងគិតគូរដល់សុខភាពប្រជាពលរដ្ឋជាចម្បង ក្រុមហ៊ុន ជីប ម៉ុង គ្រុប កាលពីថ្ងៃទី២១ ខែមករា ឆ្នាំ២០២៥បានបើកការដ្ឋានបុកគ្រឹះសាងសង់ជាផ្លូវការ“មជ្ឈមណ្ឌលកីឡា២៧១”នៅក្នុងគម្រោងជីប ម៉ុង លែន លែនម៉ាក ២៧១ រាជធានីភ្នំពេញ ក្រោមវត្តមានលោកអ្នកឧកញ៉ា អ្នកឧកញ៉ា ឧកញ៉ា ជាថ្នាក់ដឹកនាំជាន់ខ្ពស់នៃក្រុមហ៊ុន ជីប ម៉ុង គ្រុប ។
“មជ្ឈមណ្ឌលកីឡា២៧១” នឹងមានទីលានសម្រាប់លេងកីឡាជាច្រើនប្រភេទ ក្នុងនោះរួមមាន៖កីឡាឡើងជញ្ជាំង (Wall Climbing), កន្លែងវាយសី, កន្លែងលេងបាល់បោះ, កន្លែងលេងបាល់ទះ, កន្លែងលេងបាល់ទាត់, កន្លែងលេងប៉េងប៉ុង, និងទីលានរត់ប្រណាំងជាដើម។
វត្តមាននៃមជ្ឈមណ្ឌលកីឡា ២៧១ នឹងជួយលើកស្ទួយដល់វិស័យសុខភាពប្រជាជនក្នុងតំបន់នេះឱ្យ កាន់ល្អប្រសើរ ព្រមទាំងផ្តល់ភាពងាយស្រួលមួយម្រិតទៀតទៅដល់អ្នករស់នៅក្នុងគម្រោងជីប ម៉ុង លែន ពិសេសគម្រោង លែនម៉ាក ២៧១ នេះផ្ទាល់តែម្តង ។សំខាន់ទីនេះមានគ្រប់សព្វបែបយ៉ាង តាំងពីផ្សារទំនើប club House, ផ្ទះ home office ដែលពិតជាផ្តល់ភាពស៊ីវីល័យ សម្រាប់ការរស់នៅ។
ក្នុងពិធីបើកកម្មវិធីបញ្ចុះបថមសីលា លោក ឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន បានថ្លែងប្រាប់ពីហេតុផល នៅពីក្រោយការសម្រេចចិត្តបង្កើតមជ្ឈមណ្ឌលកីឡានេះឡើង ក៏ដូចជាបង្ហាញពីឆន្ទៈនឹងបង្កើតឲ្យមានមជ្ឈមណ្ឌលលំដាប់ធំៗដូចគ្នានេះ នៅតាមគម្រោង ជីប ម៉ុង លែន ដទៃផ្សេងទៀត។
លោកឧកញ៉ា បានថ្លែងថា៖«ក្រុមហ៊ុនជីបម៉ុងគ្រុប តែងតែមានចក្ខុវិស័យវែងឆ្ងាយគិតគូរដល់សង្គមជាតិ សហគមន៍និងប្រជាជន។ជាពិសេសគិតគូពីសុខភាពដល់ប្រជាពលរដ្ឋដែលបានទិញផ្ទះនៅក្នុងបុរីជីបម៉ុងលែន ។កន្លងមកនៅក្នុងបុរីជីបម៉ុងលែនទាំងអស់មានក្លឹបហាត់ប្រាណ ឥឡូវលើសពីក្លឹបហាត់ប្រាណទៅទៀត ជីបម៉ុងបានធ្វើមជ្ឈមណ្ឌលលកីឡា២៧១ធំជាងគេនៅស្រុកខ្មែរ ហើយបំពាក់ដោយគ្រឿងបរិក្ខារទំនើប ដែលនឹងចូលរួមជួយលើកកម្ពស់សុខភាពដល់ប្រជាពលរដ្ឋ ព្រមទាំងគិតគូរដល់បិរស្ថានស្អាត ការរចនា មានកន្លែងចតរថយន្ត ម៉ូតូធំទូលាយងាយស្រួលចតនិងផាសុកភាព»។
លោកឧកញ៉ា បានបន្ថែមថា៖មជ្ឈមណ្ឌលកីឡា២៧១ នឹងមានតាំងពីកន្លែងបាល់ទាត់ ដែលមានរហូតដល់មាន៤តារាង កន្លែងវាយសីមានច្រើនកន្លែង ក្រៅពីនេះមានកន្លែងលេងបាល់ទះ បាល់បោះ កន្លែងឡើងភ្នំព្រមទាំងកន្លែងលេងកីឡាផ្សេងៗទៀត។
អគ្គនាយកក្រុមហ៊ុន ជីប ម៉ុង លែន បានបញ្ជាក់ថា៖«វត្តមានមជ្ឈមណ្ឌលកីឡា២៧១ នឹងជួយលើកស្ទួយដល់សុខុមាលភាពប្រជាជនក្នុងតំបន់នេះ ឲ្យកាន់តែល្អប្រសើរ ព្រមទាំងផ្ដល់ភាពងាយស្រួលមួយកម្រិតទៀត ដល់អ្នករស់នៅ ជីប ម៉ុង លែន ព្រោះមានគ្រប់សព្វបែបយ៉ាងមិនថាទីតាំងហាត់ប្រាណ និងកន្លែងហាត់កីឡា»។
សូមបញ្ជាក់ថា ក្រុមហ៊ុន ជីប ម៉ុង ជាក្រុមហ៊ុនពហុពាណិជ្ជកម្មដ៏ធំបំផុតមួយនៅកម្ពុជា ដែលបានចាក់គ្រឹះរឹងមាំ និងឈរជើងលើទីផ្សារជាង ៤ទសវត្សរ៍ មកហើយ។ ជីប ម៉ុង បានវិនិយោគគ្របដណ្តប់លើវិស័យធំៗជាច្រើននៅក្នុងស្រុករួមមាន៖ វិស័យអចលនទ្រព្យ, ធនាគារ, បដិសណ្ឋារកិច្ច, ផ្សារទំនើប, ឧស្សាហកម្មស្រាបៀរ និងភេសជ្ជៈ ព្រមទាំងវិស័យផ្សេងៗទៀត ក្នុងការផ្តល់ជូននូវផលិតផល និងសេវាកម្មល្អបំផុតដល់អតិថិជននិងដៃគូពាណិជ្ជកម្មទូទាំងប្រទេសកម្ពុជាទទួលស្គាល់និងជឿជាក់ទៅលើគុណភាព។
នាពេលកន្លងមក ក្រុមហ៊ុន ជីប ម៉ុង តែងតែចូលរួមយ៉ាងសកម្មជាមួយប្រមុខរាជរដ្ឋាភិបាល និងក្នុងការផ្តល់ត្រលប់ទៅសង្គមវិញលើវិស័យជាច្រើនរួមមានវិស័យបរិស្ថាន សុខាភិបាល អប់រំ ទេសចរណ៍ ព្រមទាំងសកម្មភាពសង្គម និងមនុស្សធម៌ជាច្រើនទៀត ដើម្បីចូលរួមអភិវឌ្ឍន៍សេដ្ឋកិច្ចកម្ពុជានិងកិច្ចការសង្គម៕
Account
Security
Favourite Content